Connect with us

පුවත්

වැට්වලිනුත් මහ මුදලාලිලා ගොඩ; රේගු නිලධාරීන්ටත් අවුරුදු!

Published

on

එකතු කළ අගය මත බද්ද (වැට්) අද (01) සිට සියයට 18 ක් දක්වා වැඩිවන බැවින් භාණ්ඩ ආනයනකරුවන් රැසක් පසුගිය දෙසැම්බර් මාසයේදී වෙළෙදපොළේ ඉදිරි මාස තුන හතරකට අවශ්‍ය ලෙස ආනයනය කළ භාණ්ඩ කොළඹ වරායේ ඇතැයි අනාවරණය වේ.

භාණ්ඩ ආනයනය සියයට 50 ක් පමණ ඉහළ යාම නිසා දෙසැම්බර් මස අවසන් දින කීපය තුළදී භාණ්ඩ නිෂ්කාශන කටයුතුවලදී ඉතා විශාල තදබදයක් පැවැති බවද රේගුව සඳහන් කරයි.

පසුගිය දින කීපය තුළදී භාණ්ඩ ආනයනයේ අසාමාන්‍ය ඉහළ යාමක් පෙන්නුම් කළ බව රේගු මාධ්‍ය ප්‍රකාශක, ජ්‍යෙෂ්ඨ රේගු අධ්‍යක්ෂ සීවලී අරුක්ගොඩ මහතා මාධ්‍යට පවසා තිබේ.

රේගුව විසින් නිෂ්කාශන කටයුතු සඳහා සාමාන්‍යයෙන් දිනකට බහාලුම් 1000 ත් 1200 ත් අතර ප්‍රමාණයක් ලැබුණද, ඉකුත් 28 වැනිදා නිෂ්කාශන කටයුතු සඳහා බහාලුම් 1774 ක් සඳහාත්, ඉකුත් 29 වැනිදා බහාලුම් 1600 කට වැඩි ප්‍රමාණයක් සඳහාත් ආනයන නිෂ්කාශන ලියවිලි රේගුවට ඉදිරිපත් කර තිබූ බවද රේගු මාධ්‍ය ප්‍රකාශකවරයා කියා සිටී.

මෙම ප්‍රමාණය දෛනික සාමාන්‍ය නිෂ්කාශන බහාලුම් ප්‍රමාණයට වඩා සියයට 50 ක පමණ ඉහළ යාමක් බවද රේගුව කියයි. 

මෙම තත්ත්වය නිසා භාණ්ඩ නිෂ්කාශන ක්‍රියාවලියේ දැඩි තදබදයක් පසුගිය වසරේ අවසන් දින කීපය තුළ පැවැති බවද රේගුව සඳහන් කරයි.

අද (01) සිට වැඩි කෙරෙන වැට් බද්ද නිසා ඊට පෙර භාණ්ඩ ආනයනය කර භාණ්ඩ නිෂ්කාශනය කර ගැනීමට බොහෝ ආනයනකරුවන් උත්සාහ දැරූ බවත්, මේ නිසා භාණ්ඩ ආනයනයේ අසාමාන්‍ය වර්ධනයක් දෙසැම්බර් මස අග නිරීක්ෂණය වූ බවද ජ්‍යෙෂ්ඨ රේගු අධ්‍යක්ෂ සීවලී අරුක්ගොඩ මහතා මාධ්‍යට පවසා ඇත.

ආහාර ද්‍රව්‍ය සේම වැට් බදු වැඩිවන සියලු භාණ්ඩ මෙලෙස ආනයනය කර තිබූ බව රේගුව කියයි. 

ඇඳුම්, ටයිල්, නාන කාමර කට්ටල ඇතුළු ගොඩනැගිලි ද්‍රව්‍ය, විද්‍යුත් උපකරණ, පරිගණක සහ ඊට අදාළ උපාංග, ජංගම දුරකථන සහ උපාංග, සෙල්ලම් බඩු ඇතුළු වැට් බදු වැඩිවන භාණ්ඩ රැසක් විශාල වශයෙන් මෙලෙස ආනයනය කර තිබූ බව රේගුව නිරීක්ෂණය කර ඇත.

ඉකුත් සෙනසුරාදා (30) වන විට කොළඹ වරාය තුළ නිෂ්කාශනය කර ගැනීම සඳහා බහාලුම් 320 ක් පමණ ඉතුරුවී තිබූ බවද පැවසේ.

එමෙන්ම, වරායෙන් පිටත පිහිටා තිබෙන පරීක්ෂණ අංගණ තුනේ පමණක් ඉකුත් 30 වැනිදා වනවිටදී බහාලුම් 370 ක් පමණ නිෂ්කාශන කටයුතු සඳහා ගොඩ ගසා තිබෙන බවද රේගුව කියයි. 

එම සියලු බහාලුම් ඊයේ (31) රාත්‍රි වනවිටදී කඩිනමින් නිදහස් කිරීමට රේගුව කටයුතු යොදා ඇතැයි ද පැවසේ.

රේගු නිලධාරීන්ගේ මාර උනන්දුව

භාණ්ඩ නිෂ්කාශන කටයුතු සඳහා රේගු නිලධාරින් නිවාඩු නොගෙන සිය සේවා කටයුතුවල නිරතවූ බවද රේගු මාධ්‍ය ප්‍රකාශකවරයා කියා සිටී.

ඊයේ (31) මධ්‍යම රාත්‍රි 12 න් පසුව රේගුවේ දත්ත පද්ධතියේ ස්වයංක්‍රීයව සියයට 15 ක්ව පැවැති වැට් බදු ප්‍රතිශතය සියයට 18 ක් දක්වා වැඩිවී අදාළ අය කිරීම් සිදු කෙරෙන බවද ඔහු සඳහන් කළේය.

මෙලෙස සියයට 15 ක වැට් බදු ප්‍රතිශතය යටතේ ආනයනය කර නිෂ්කාශනය කරන ලද භාණ්ඩ වෙළෙඳපොළට නිකුත් කිරීමෙන් පසු පාරිභෝගිකයාගෙන් සියයට 18 ක වැට් බදු ප්‍රතිශතයක් අයකර, එම භාණ්ඩවලින් වැඩි ලාභයක් ඉපැයීමද මෙලෙස විශාල වශයෙන් භාණ්ඩ ආනයනය කිරීමේ සැලසුම වී තිබෙන බවද අනාවරණය වේ.

මූලාශ්‍රය – අරුණ

පුවත්

වැසි තත්ත්වය සමඟ නායයෑම් සහ ගංවතුර ගැන අනතුරු ඇඟවීම්

Published

on

By

පවතින අයහපත් කාලගුණ තත්ත්වය හේතුවෙන් ප්‍රදේශ කිහිපයක ගංවතුර අවදානමක් මතුවිය හැකි බව වාරිමාර්ග දෙපාර්මේතන්තුව පවසයි.

ඒ අනුව දැදුරු ඔය, මහ ඔය, අත්තනගලු ඔය, කැලණි ගඟ, බෙන්තර ගඟ, ගිං ගඟ, නිල්වලා ගඟ, කිරම ඔය, ඌරු බොකු ඔය, කලා ඔය, මහවැලි ගඟ, මල්වතු ඔය ද්‍රෝණි ආශ්‍රිත පහත් බිම් ගංවතුර අවධානමකට ලක්විය හැකි බව දැනුම්දී තිබේ.

අධික වැසි සහිත කාලගුණ තත්ත්වය ඉදිරි දින කිහිපයේදීත් ඇතිවිය හැකි බව කාලගුණ විද්‍යා දෙපාර්තමේන්තුව පවසයි.

මේ අතර රජරට ප්‍රදේශයට ඇදහැලෙන අධික වර්ෂාවත් සමග රාජාංගනය ජලාශයේ ජල මට්ටම අඩි 31ක් දක්වා ඉහළ ගොස් ඇති අතර ඒ හේතුවෙන් රාජාංගනය ජලාශයේ වාන් දොරටු 4ක් විවෘත කර ඇති අතර ඉන් තත්පරයට ඝණ අඩි 2,100 බැගින් ජලය මුදා හැරේ.

අංගමුව ජලාශයේ වාන් දොරටු දෙක ද විවෘත කර ඇති අතර ඒ හේතුවෙන් පහත් බිම්වල වෙසෙන ජනතාවට ඒ පිළිබඳව අවධානයෙන් පසුවන ලෙස ජලාශ භාර ඉංජිනේරුවන් ඉල්ලා සිටී.

මේ අතර, පසුගිය දින කිහිපයේදී ඇල්ල ප්‍රදේශයට ඇදහැලුණු අධික වර්ෂාවත් සමග සක්‍රීය වූ කරඳගොල්ල මලිත්තගොල්ල ප්‍රදේශයේ නායයාම් තත්ත්වය තවදුරටත් වර්ධනය වෙමින් පවතී.

අවස්ථා කිහිපයකදීම පස් කඳු කඩාවැටීම හා ගල් පෙරළීම් වාර්තා වූ ඇල්ල වැල්ලවාය මාර්ගය ඊයේ (17) රාත්‍රියේ ද රථ වාහනයට වසා දැමීම සිදුවිය.මාර්ගය යළි විවෘත කෙරුණේ අද (18) පෙරවරු 6.00 ටය.

කෙසේවෙතත් මෙම මාර්ගයට අධික ලෙස රොන් මඩ ගලා ඒමක් නිරීක්ෂණය වෙයි.මේ හේතුවෙන් නිරන්තරයෙන් මාර්ගයට ගලා එන මඩ සහ පස් ඉවත්කිරීමට මාර්ග සංවර්ධන අධිකාරිය කටයුතු කරමින් සිටී.

පවතින තත්ත්වය සැලකිල්ලට ගනිමින් තද වැසි පවතින අවසථාවලදී මාර්ගය තාවකාලිකව වසා දැමීම, අනතුරු හැඟවීමට මාර්ගයේ සංඥාකරුවන් යොදවා රථවාහන ධාවනය කිරීමට සැලැස්වීම, රාත්‍රී කාලවලදී විදුලි පහන් සවිකර අනතුරුදායක ස්ථානය ආලෝකමත් කිරීමට කටයුතු කිරීම ඇතුළු පියවර අනුගමනය කරන ලෙස කාලගුණ විද්‍යා දෙපාර්තමේන්තුව අදාළ අංශ වෙත උපදෙස් ලබාදී තිබේ.

Continue Reading

පුවත්

ශ්‍රී ලංකා රජයට ප්‍රසිද්ධියේ සමාව ගන්නා ලෙස  දැනුම්දෙයි

Published

on

By

දශක ගණනාවක් පුරාවට අතුරුදන් කිරීමට ලක්වූ දහස් ගණනකගේ ඉරණම පිළිබඳව සහ ඔවුන් සිටින ස්ථාන හෙළි කිරීමටත් එම අපරාධවලට වගකිව යුත්තන්ට දඬුවම් පැනවීමටත් ශ්‍රී ලංකා රජය අර්ථාන්විත පියවර අනුගමනය කළ යුතු බවට එක්සත් ජාතීන්ගේ මානව හිමිකම් කොමිසම ඊයේ (17) වාර්තාවක් නිකුත් කරමින් දන්වා තිබේ.

එහි වැඩිදුරටත් දැක්වෙන්නේ, එම අපරාධ සඳහා රාජ්‍ය ආරක්ෂක අංශවල සහ අනුබද්ධ සන්නද්ධ කණ්ඩායම්වල මැදිහත්වීම පිළිගෙන ප්‍රසිද්ධියේ සමාව අයැද සිටිය යුතු බවය.

අතුරුදන් කිරීම්වලට ලක්වූ සියලුම ශ්‍රී ලාංකිකයින් කිසිදා අමතක නොකළ යුතු බවට මෙම වාර්තා මගින් යළිත් සිහිකැඳවන බව එක්සත් ජාතීන්ගේ මානව හිමිකම් පිළිබඳ මහකොමසාරිස් වෝල්කර් ටර්ක් මහතා පවසයි.

බොහෝ කාලයක සිටි අතුරුදන් කිරීම්වලට ලක්වූවන් පිළිබඳව තොරතුරු දැනගැනීමට බලා සිටින ඥාතීන්ට සත්‍ය දැනගැනීමේ අයිතියක් පවතින බවත් අතුරුදන් කිරීම්වලට ලක් වූවන්ට රජය ණයගැති බවත් වෝල්කර් ටර්ක් මහතා එම වාර්තාව හරහා දන්වා තිබේ.

මෙවැනි අපරාධ ඒවාට මුහුණ දුන් පිරිසට පමණක් නොව සමාජයක් ලෙස සමස්ත ශ්‍රී ලාංකීය ප්‍රජාවටම කම්පනය දනවන සුළු බව වාර්තාවේ දැක්වෙයි.

අතුරුදන් කිරීම්වලින් සියලුම පුද්ගලයින් ආරක්ෂා කිරීම සඳහා වූ ජාත්‍යන්තර සම්මුතිය අනුමත කිරීම වැනි ධනාත්මක පියවර අනුගමනය කර තිබුණත් ඒක පුද්ගල අතුරුදන්වීම් පිළිබඳව විමර්ශන කිරීම් සීමිත බව එක්සත් ජාතීන්ගේ මානව හිමිකම් කොමිසමේ වාර්තාවේ අවධාරණය කර ඇත.

අතුරුදන් කිරීම්වලට ලක්වූවන් පිළිබඳව සෑම තොරතුරක්ම අනාවරණය වන තෙක් විමර්ශන සිදුකිරීමට රජය බැඳී සිටින බවට වන ජාත්‍යන්තර නීතිය දිගින් දිගටම උල්ලංඝනය වෙමින් පවතින බව එක්සත් ජාතීන්ගේ මානව හිමිකම් කොමිසමේ මතය බව සඳහන් ය.

සිවිල් යුද්ධය අවසන් වී වසර 15ක් ගතවී තිබුණත්, අතුරුදන් කිරීමේ පළමු රැල්ල ආරම්භ වී දශක ගණනාවක් ගතවී තිබුණත්, එම ප්‍රචණ්ඩ ක්‍රියාවලට වගවීම තහවුරු කිරීමට ශ්‍රී ලංකා බලධාරීන් අපොහොසත් වී ඇති බව වාර්තාවේ දැක්වෙයි.

ඒ අනුව එක්සත් ජාතීන්ගේ මානව හිමිකම් පිළිබඳ කොමිසම අවධාරණය කරන්නේ දශක ගණනාවක් පුරා සිදුවූ අතුරුදන් කිරීම් සම්බන්ධයෙන් ශ්‍රී ලංකාව වගවීම සහතික කළ යුතු බවය.

Continue Reading

පුවත්

මුහුදුබඩ ප්‍රදේශවලට අනතුරු ඇඟවීමක්

Published

on

By

කල්පිටියේ සිට කොළඹ, ගාල්ල සහ හම්බන්තොට හරහා පොතුවිල් දක්වා වන මුහුදු ප්‍රදේශ සඳහා තද වැසි, තද සුළං සහ රළු මුහුදු පිළිබඳව අවවාදාත්මක නිවේදනයක් නිකුත් කර ඇත.

ඒ අනුව බේරුවල සිට ගාල්ල හරහා හම්බන්‍තොට දක්වා වෙරළට ඔබ්බෙන් වන මුහුදු ප්‍රදේශවල සුළගේ වේගය විටින් විට පැ.කි.මී 60 -70 දක්වා වැඩිවන අතර එම මුහුදු ප්‍රදේශ විටින් විට ඉතා රළු වන බව එම නිවේදනයේ සඳහන්ය.

කල්පිටිය සිට කොළඹ හරහා ‍බේරුවල දක්වා සහ හම්බන්තොට සිට පොතුවිල් දක්වා වෙරළට ඔබ්බෙන් වන මුහුදු ප්‍රදේශවල සුළගේ වේගය විටින් විට පැ.කි.මී 50 -60 දක්වා වැඩි වන අතර එම මුහුද විටින් විට රළු වන බවයි වාර්තා වේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved