Connect with us

පුවත්

වැඩිපුර ගෙවූ මුදල් ගෙවන්න බෑ කියූ අමු අහාර සැපයුම්කරු ගැන හෙළිදරව්වක්

Published

on

බංකලොත් බව ප්‍රකාශ කරමින්, අංගොඩ ජාතික මානසික සෞඛ්‍ය විද්‍යායතනය විසින් වැඩිපුර ගෙවූ මුදල් නැවත ගෙවීම ප්‍රතික්‍ෂේප කළ අමු අහාර සැපයුම්කරුවෙක් සෞඛ්‍ය අමාත්‍යංශයේම තවත් ආයතනයක සැපයුම්කරුවක් ලෙස කටයුතු කරන බව රජයේ ගිණුම් පිළිබඳ කාරක සභාව මගින් පත්කළ අනුකාරක සභාවේදී අනාවරණය විය.

ප්‍රසම්පාදන කමිටුවේ තීරණය නියමිත පරිදි ගිවිසුම් කොන්දේසි වලට ඇතුළත් නොකිරීම නිසා අදාළ සැපයුම් කරුගෙන් එම හිඟ මුදල් ලබා ගැනීම ගැටලුකාරීවී ඇති බව විගණන නිලධාරීහු පැවසුහ. කෙසේ වෙතත් බංකලොත් බව ප්‍රකශ කළ සැපයුම්කරුවෙකුට සෞඛ්‍ය අමාත්‍යාංශයේම වෙනත් ආයතනයක සැපයුම් කරුවෙක් ලෙස කටයුතු කිරීමට ඉඩ ලබාදී ඇත්තේ කෙසේද යන්න සභාපතිවරයා නිලධාරීන්ගෙන් ප්‍රශ්න කළේය. තවදුරටත් අදාළ හිඟ මුදල් නොගෙවූ සැපයුම් කරුවන් ආරක්ෂා නොකොට ඔවුන්ගෙන් අයවිය යුතු හිඟ මුදල් කඩිනම් අයකර ගැනීමට  නිසි වැඩ පිළිවෙලක් සකස් කරන  ලෙස අනු කාරක සභාව සෞඛ්‍ය නිලධාරීන්ට උපදෙස්  ලබා දෙන  ලදී.

මේ පිළිබඳ කරුණු සාකච්ජා වූයේ රෝහල් කළමනාකරණය හා කාර්ය මණ්ඩල කළමනාකරණ පිළිබඳ ඉතිරි විගණන ජේද පිළිබඳ පරික්ෂා කිරීම සඳහා පාර්ලිමේන්තු මන්ත්‍රී ආචාර්ය මේජර් ප්‍රදීප් උඳුගොඩ මහතාගේ සභාපතිත්වයෙන් මෙම අනු කාරක සභාව 2023.11.09 වැනි දින පාර්ලිමේන්තුවේදී රැස්වූ අවස්ථාවේදීය.

සියලුම  රජයේ ආයතන, ඇඟිලි සලකුණු යන්ත්‍ර  ඔස්සේ  කාර්ය  මණ්ඩල පැමිණීම හා  පිටවීම සනාථ කරන ලෙස  2017 වසරේ  රාජ්‍ය පරිපාලන  චක්‍රලේඛය ප්‍රකාරව සෞඛ්‍ය අමාත්‍යාංශය විසින් රුපියල් මිලියන 31.08ක් වැය කරමින් ස්ථාපිත කර තිබුණු ඇඟිලි සලකුණු යන්ත්‍ර 213 භාවිතයට නොගෙන  නිෂ්ක්‍රීය මට්ටමේ පැවතීම පිළිබඳව අනුකාරක සභාව ප්‍රශ්න කරන ලදී. එහිදී සෞඛ්‍ය සේවකයන් ඇඟිලි සලකුණු තබා සේවයට පැමිණීම ප්‍රතික්‍ෂේප කරනුයේ කුමන හේතුවක් මතද යන්න සභාපතිවරයා විමසා සිටියේය. ඊට පිළිතුරු ලබාදුන් සෞඛ්‍ය අමාත්‍යාංශ නිලධාරීහු සේවකයින්ගේ විරුද්ධත්වය හේතුවෙන් එය ක්‍රියාත්මක නොවන බවත් නුදුරේදීම සෞඛ්‍ය අමාත්‍යාංශ පරිශ්‍රය තුළ ඇඟිලි සලකුණු යන්ත්‍ර  භාවිතා කිරීමට සැලසුම් කර ඇති බවත් ප්‍රකාශ  කලහ. පොදු ක්‍රමවේදයක් ඔස්සේ රාජ්‍ය සේවය වඩාත් කාර්යක්ෂම හා දුෂණ වලින් තොර සේවාවක් බවට පත්කිරීමට ගනු ලබන  ක්‍රියාමාර්ග වෙනුවෙන් සෞඛ්‍ය සේවයද  එක්විය යුතු බව සභාපතිවරයා මෙහිදී අවධාරණය කළේය.

සෞඛ්‍ය අමාත්‍යාංශය හා  ඒ යටතේ පවතින රෝහල් හා අනෙකුත් සෞඛ්‍ය ආයතන සතු ඉඩම්වල හිමිකම් ඔප්පු, මිනින්දෝරු සැලසුම්, තක්සේරු කිරීම් වල ගැටලු පිළිබඳව මෙන්ම අතර මග නවතා දමා ඇති ගොඩනැගිලි  ඉදිකිරීම් සම්බන්ධයෙන්ද අනුකාරක සභාව නිලධාරීන්ගෙන්  ප්‍රශ්න කරන ලදී. එහිදී සුදානමකින් තොරව අදාළ ප්‍රශ්න වලට පිළිතුරු ලබාදීම සඳහා අනු කාරක සභාව හමුවේ පෙනීසිටි සෞඛ්‍ය අමාත්‍යාංශ නිලධාරීන්ට අනු කාරක සභාවේ දැඩි අප්‍රසාදය හිමිය.

කැබිනට් තීරණ

මේ සතියේ කැබිනට් තීරණ මෙන්න (UPDATE)

Published

on

By

ඊයේ (08) පැවති අමාත්‍ය මණ්ඩල රැස්වීමේදී තීරණ රැසකට එළැඹ තිබේ.

එම තීරණ මෙසේය :


(පෙර පුවත 2025 ජුලි 08 ප.ව.3.28 )

කැබිනට් තීරණ දැනුම්දීමේ ප්‍රවෘත්ති සාකච්ඡාව (සජීවී විකාශය)

අද (08) කැබිනට් තීරණ දැනුම්දීමේ ප්‍රවෘත්ති සාකච්ඡාව ආරම්භ විය.

ඒ, කැබිනට් ප්‍රකාශක, අමාත්‍ය නලින්ද ජයතිස්ස මහතාගේ ප්‍රධානත්වයෙනි.

එම සජීවි දර්ශන පහතින්  නරඹන්න.

සතියේ කැබිනට් මණ්ඩල රැස්වීමේ තීරණ දැනුම්දීම – 2025-07-08

සතියේ කැබිනට් මණ්ඩල රැස්වීමේ තීරණ දැනුම්දීම – 2025-07-08

Posted by Department of Government Information – Sri Lanka on Tuesday, July 8, 2025

Continue Reading

පුවත්

ත්‍රිකුණාමලයේදී සංචාරකයන්ට පහරදීමේ සිද්ධියට සම්බන්ධ වූවන්ට නීතිමය පියවර ගන්නවා

Published

on

By

ත්‍රිකුණාමලය ප්‍රදේශයේදී සිදුවූ සංචාරකයන්ට පහරදීමේ සිද්ධිය සම්බන්ධ වැරදිකරුවන්ට අදාළව නීතිමය පියවර ගෙන ඇති බව විදේශ කටයුතු නියෝජ්‍ය අමාත්‍ය අරුන් හේමචන්ද්‍ර මහතා පවසයි.

ඒ අනුව, ත්‍රිකුණාමලයේ සංචාරකයින් සම්බන්ධයෙන් වාර්තා වූ එම අවාසනාවන්ත සිදුවීම බැරෑරුම් ලෙස සලකන බවද නියෝජ්‍ය අමාත්‍යවරයා සඳහන් කරයි.

ඒ සඳහා කඩිනම් ප්‍රතිචාර දැක්වූ බවත්, මේ වන විටත් සැකකරුවෙකු අත්අඩංගුවට ගෙන ඇති බවත්, අනෙක් සැකකරුවන් අත්අඩංගුවට ගැනීම සඳහා අවශ්‍ය කටයුතු සිදු කරමින් සිටින බවත් නියෝජ්‍ය අමාත්‍යවරයා ප්‍රකාශ කලේය.

මෙරටට පැමිණෙන සංචාරකයන්ගේ ආරක්ෂාව, ගෞරවය සහ සාමය සහතික කිරීමට තමන් කැපවී සිටින බවයි නියෝජ්‍ය අමාත්‍ය අරුන් හේමචන්ද්‍ර මහතා වැඩිදුරටත් ප්‍රකාශ කර සිටියේය.

ඊයේ (07) රාත්‍රියේ ඇලස්වත්ත ප්‍රදේශයේ සංචාරක හෝටලයක පැවති සාදයකදී විදේශිය කාන්තාවක අනවශ්‍ය අන්දමින් ස්පර්ශ කිරීමට උත්සහ කල අයෙකුගෙන්  ඔහුගේ සැමියා ප්‍රශ්න කිරීමට යෑමේදී අදාළ පුද්ගලයා හා තවත් අයෙකු එම විදේශිකයාට පහර දෙන ආකාරය දැක්වෙන වීඩියෝවක් සමාජ මාධ්‍ය පුරා සංසරණය විය.

මෙම පහරදීම සම්බන්ධයෙන් එක් අයෙකු උප්පුවේලි පොලිසිය මගින් අත්අඩංගුවට ගෙන ඇති අතර,අදාල සැකකරු අද (08)  දින ත්‍රීකුණාමලය මහෙස්ත්‍රාත් අධිකරණයට ඉදිරිපත් කිරීමෙන් පසු ජූලි 21 දක්වා රක්ෂිත බන්ධනාගාර ගත කෙරිණි.

සිද්ධියට සම්බන්ධ අනෙක් පුද්ගලයා මේ වන විට පොලිසිය මගහැර සිටින අතර,ඔහු අත්අඩංගුවට ගැනීමට කටයුතු කරමින් සිටින බව උප්පුවේලි පොලිසිය පවසයි.

🎬 ©️ වීඩියෝ – කීර්ති රත්නායකගේ ෆේස්බුක් පිටුව

Continue Reading

පුවත්

සෞඛ්‍ය අමාත්‍යාංශයේ හිටපු ලේකම්ට ඇප

Published

on

By

රුපියල් ලක්ෂ තුන්සිය පනහකට අධික මුදලක් අයථා ලෙස අත්පත් කර ගැනීමේ සිද්ධියක් සම්බන්ධයෙන් අල්ලස් කොමිසම මගින් අත්අඩංගුවට ගෙන රක්ෂිත බන්ධනාගාර ගත කර සිටි සෞඛ්‍ය අමාත්‍යාංශයේ හිටපු ලේකම් ජනක චන්ද්‍රගුප්ත මහතා ඇප මත මුදා හරින ලෙස කොළඹ මහේස්ත්‍රාත් අධිකරණය නියම කළේය.

අල්ලස් කොමිසමේ නිලධාරීන් සහ විත්තියේ නීතිඥවරු ඉදිරිපත් කළ කරුණු සලකා බැලීමෙන් අනතුරුව කොළඹ ප්‍රධාන මහෙස්ත්‍රාත් තනූජා ලක්මාලි ජයතුංග මහත්මිය මෙම නියෝගය නිකුත් කළාය.

ඒ අනුව සැකකරු රුපියල් ලක්ෂ පනහ බැගින් වූ ශරීර ඇප තුනක් මත මුදා හැරීමට නියම කළ ප්‍රධාන මහෙස්ත්‍රාත්වරිය සැකකරුගේ විදේශ ගමන් තහනම් කරන බවත් විදේශ ගමන් බලපත්‍රය අධිකරණයට භාරදිය යුතු බවටත් නියම කළාය.

අල්ලස් කොමිසමේ නිලධාරීන් අධිකරණය හෝ මේ කරුණු දක්වමින් මෙම විමර්ශනයට අදාළව මෙම සැකකරුගේ බිරිඳගේ බැංකු ගිණුම් දෙකක් පිළිබඳව වැඩිදුර විමර්ශන සිදු කරන බව සඳහන් කළේය.

ඊට අදාළව ප්‍රකාශ සටහන් කර ගැනීමට නියමිත බවද අල්ලස් කොමිසමේ නිලධාරීන් සඳහන් කළේය.

සැකකරු වෙනුවෙන් පෙනී සිටි නීතිඥ නුවන් ජයවර්ධන මහතා අධිකරණය හමුවේ කරුණු දක්වමින් දැනට ඉතිරිව ඇත්තේ බැංකු ගිණුම් සම්බන්ධයෙන් විමර්ශන සිදු කිරීම නිසා බැංකු සාක්ෂිකරුවන්ට බලපෑම් කිරීමට තම සේවා දායකයාට හැකියාවක් නොමැති බව පැවසුවේය.

ඒ අනුව සැකකරු ඇප මත මුදා හරින ලෙසත් නීතිඥවරයා අධිකරණයෙන් ඉල්ලා සිටියේය.

ඉදිරිපත් වූ කරුණු සලකා බැලූ මහෙස්ත්‍රාත්වරිය සැකකරු ඇප මත මුදා කිරිමට නියම කළ අතර අනතුරුව පැමිණිල්ල නොවැම්බර් මස 14 වන දා කැඳවන ලෙස නියම කළාය.

සබැඳි පුවත්

Continue Reading
Advertisement

Trending

Copyright © 2023 Sri Lanka Mirror. All Rights Reserved