Connect with us

පුවත්

වැස්සෙන් පීඩාවට පත් ධීවරයින්ට කඩිනමින් සහන

Published

on

පැවති අධික වර්ෂාව හේතුවෙන් පීඩාවට පත් ධීවර ජනතාව වෙනුවෙන් කඩිනමින් සහන සැලසීමට පියවර ගන්නා බව ධීවර සහ ජලජ සම්පත් නියෝජ්‍ය අමාත්‍ය රත්න ගමගේ මහතා පවසයි.

අයහපත් කාලගුණයෙන් පොතුවිල් ප්‍රදේශයේ ධීවර ප්‍රජාවට සිදු වු බලපෑම සම්බන්ධයෙන් සොයා බැලීම සඳහා පැමිණි අවස්ථාවේ දී නියෝජ්‍ය අමාත්‍යවරයා මෙම අදහස් පළ කර සිටියේය.

“පසුගිය දා ඇති වූ ආපදා තත්ත්වය මත මේ රටේ, සමස්ත ජනතාව මහා පීඩාවකට ලක්වුණා විශේෂයෙන් උතුරු හා නැගෙනහිර පළාත්වල. එම පළාත්වල ධීවරයින් දැඩි ලෙස මේ අර්බුදයට මුහුණපෑවා. ඒ අවස්ථාවේ අපි දැක්කා යාත්‍රා 16ක් මුළුමනින්ම විනාශ වෙලා. ධීවර පවුල් රැසකට තමන්ගේ ජීවන මාර්ගය අහිමිවෙලා. විශේෂයෙන්ම ජනාධිපතිතුමා දැනුම්වත් කරලා තිබුණා. ඒ මත ආපදා කළමනාකරණ අමාත්‍යාංශය මැදිහත් වෙලා මේකට කඩිනම් ක්‍රියාමාර්ග ගන්න සුදානමින් ඉන්නවා. ග්‍රාම නිලධාරීන්ට දැනුම් දුන්නා මේ මොහොතේ තමන්ගේ රැකියා අවස්ථා අහිමි වුණ පවුල් ගැන ප්‍රාදේශීය ලේකම් හා දිස්ත්‍රික් ලේකම්වරුන් වෙතින් ආපදා කළමනාකරණ මධ්‍යස්ථානයට යොමු කරන්න කියලා. ඒ වගේම හානියට පත්වු ධීවර යාත්‍රා ගැනවලට යම් අස්වැසිල්ලක් ලබාදෙන්න අපි සුදානම් වෙලා තියෙනවා.”

මේ අතර පසුගිය දිනවල පැවති අධික වර්ෂාව හේතුවෙන් හානි වු මාර්ග සහ පාලම් පිළිබඳව තොරතුරු එක්රැස්කිරීමේ වැඩපිළිවෙලක් අද (02) දිනයේ සිට ආරම්භ කරන බව මාර්ග සංවර්ධන අධිකාරිය පවසයි.

අයහපත් කාලගුණයෙන් ඇති වු බලපෑම් හේතුවෙන් දිවයිනේ මාර්ග සහ පාලම් රැසක් හානි සිදුවී ඇති බවට තොරතුරු වාර්තාවන බව එම අධිකාරිය පවසා සිටියේය.

මේ හේතුවෙන් අදාළ මාර්ග පිළිබඳව තොරතුරු රැස්කර ඒවා කඩිනමින් යළි පිළිසකර කිරීමට අවශ්‍ය පියවර ගන්නා බව මාර්ග සංවර්ධන අධිකාරියේ අධ්‍යක්ෂ ජනරාල් එස්.එම්.පී . සූරියබණ්ඩාර මහතා සඳහන් කලේය.

එමෙන්ම වැසි සහිත කාලගුණික තත්ත්වය හේතුවෙන් හානියට පත්ව ගමනාගමනය නවතා තිබු මනම්පිටිය – අරලගංවිල මාර්ගය ද ඉතාමත් කෙටිකාලයක් තුළ යළි ගමනාගමනය සඳහා විවෘත කිරීමට හැකි වු බව ද අධ්‍යක්ෂ ජනරාල්වරයා වැඩිදුරටත් සඳහන් කර සිටියේය.

පුවත්

ප්‍රදේශ කිහිපයකට වැසි

Published

on

By

බස්නාහිර, සබරගමුව සහ වයඹ පළාත්වලත් නුවරඑළිය, මහනුවර, ගාල්ල සහ මාතර දිස්ත්‍රික්කවලත් වැසි වාර කිහිපයක් ඇතිවේ.

ඌව පළාතෙත් අම්පාර සහ මඩකලපුව දිස්ත්‍රික්කවලත් සවස් කාලයේදී හෝ රාත්‍රී කාලයේදී ස්ථාන ස්වල්පයක වැසි හෝ ගිගුරුම් සහිත වැසි ඇති විය හැකි බව කාලගුණවිද්‍යා දෙපාර්තමේන්තුව නිවේදනය කරයි.

මධ්‍යම කඳුකරයේ බටහිර බැවුම් ප්‍රදේශවලත් උතුරු, උතුරු-මැද, දකුණ සහ වයඹ පළාත්වලත් ත්‍රිකුණාමලය දිස්ත්‍රික්කයේත් විටින් විට හමන පැ.කි.මී.30-40ක පමණ තරමක තද සුළං ඇතිවිය හැකිය.

ගිගුරුම් සහිත වැසි සමග ඇතිවිය හැකි තාවකාලික තද සුළංවලින් සහ අකුණු මඟින් සිදුවන අනතුරු අවම කර ගැනීමට අවශ්‍ය පියවර ගන්නා ලෙස කාලගුණවිද්‍යා දෙපාර්තමේන්තුව ජනතාවගෙන් ඉල්ලා සිටී.

Continue Reading

පුවත්

දුම්රිය නියාමකවරු අද රෑට වැඩ වර්ජනයක් අරඹයි

Published

on

By

උසස්වීම් ඇතුළු ගැටලු කිහිපයක් මුල් කරගනිමින් අද (19) මධ්‍යම රාත්‍රී සිට පැය 48ක සංකේත වැඩවර්ජනයක නිරත වන බව දුම්රිය නියාමකවරුන්ගේ සංගමය පවසයි.

සිය ඉල්ලීම් සම්බන්ධයෙන් අද පෙරවරුවේ දුම්රිය බලධාරින් සමග පැවත්වෙන සාකච්ඡාවෙන් අනතුරුව ඉදිරි ක්‍රියාමාර්ග තීරණය කරන බව එම සංගමයේ ලේකම් කේ.ඩි.දුමින්ද ප්‍රසාද් මහතා පැවසුවේය.

Continue Reading

ක්‍රීඩා

කාන්තා T-20 ලෝක කුසලාන කාල සටහන එළිදක්වයි

Published

on

By

එංගලන්තයේ පැවැත්වීමට නියමිත 2026 විස්සයි විස්ස කාන්තා ක්‍රිකට් ලෝක කුසලාන තරගාවලියේ තරග කාල සටහන ඊයේ (18) ජාත්‍යන්තර ක්‍රිකට් කවුන්සිලය විසින් නිකුත් කිරීම සිදුවිය.

මෙම තරගාවලියේදී කණ්ඩායම් 12ක් මෙවර තරගාවලියට කාණ්ඩ දෙකක් යටතේ සහභාගී වන අතර ක්‍රීඩාංගණ 7කදී තරග පැවැත්වීමට නියමිතය. 

මෙහිදී ‘ඒ’ කාණ්ඩයෙන් ඔස්ට්‍රේලියාව, දකුණු අප්‍රිකාව, ඉන්දියාව, පාකිස්තානය සහ සුදුසුකම් ලබන කණ්ඩායම් දෙකක් ද, ‘බී’ කාණ්ඩයෙන් බටහිර ඉන්දීය කොදෙව්, එංගලන්තය, නවසීලන්තය, ශ්‍රී ලංකාව සහ සුදුසුකම් ලබන කණ්ඩායම් දෙකක් මෙහි අන්තර්ගත වෙයි.

කණ්ඩායම් 6කින් සමන්විත කාණ්ඩවල මූලික වටයේ තරගවලින් අනතුරුව එක් එක් කාණ්ඩයන්හි ඉහළම ප්‍රසාද ලකුණු හිමිකරගන්නා කණ්ඩායම් යුගලය අවසන් පූර්ව තරග සඳහා සුදුසුකම් ලබයි.

ශ්‍රී ලංකා කණ්ඩායම තරගාවලියේ ජුනි 12 වැනිදා ආරම්භක තරගයේදී සත්කාරක එංගලන්ත කාන්තා කණ්ඩායම සමග එඩ්ග්බැස්ටන් හි දී තරග වැදීමට නියමිතය. 

එසේම ජුනි 16 වැනිදා ශ්‍රී ලංකාව නවසීලන්ත කණ්ඩායම සමග හැම්ෂයර් බෝල් ක්‍රීඩාංගණයේදීත්, ජුනි 21 වැනිදා ශ්‍රී ලංකාව බටහිර ඉන්දීය කොදෙව් කණ්ඩායම සමග බ්‍රිස්ටල් ප්‍රාන්ත ක්‍රීඩාංගණයේදීත් පැවැත්වෙන අතර ජුනි 23 වැනිදා සහ 26 වැනිදා සුදුසුකම් ලබන කණ්ඩායම් සමග තරග පැවැත්වේ.

තරගාවලියේ අවසන් පූර්ව තරග ජුනි 30 වැනිදා සහ ජූලි 2 වැනිදා ඕවල් ක්‍රීඩාංගණයේදී පැවැත්වේ. අවසන් මහා තරගය ලෝඩ්ස් ක්‍රීඩාංගණයේදී ජූලි 5 වැනිදා පැවැත්වීමට නියමිතය.

Continue Reading
Advertisement

Trending

Copyright © 2023 Sri Lanka Mirror. All Rights Reserved