Connect with us

පුවත්

විදුලි බිල නැග්ගුවොත් අපනයන ක්ෂේත්‍රයේ රැකියා 50% ක් අනතුරේ !

Published

on

පසුගිය අගෝස්තුවේ 76%කින් වැඩි කළ විදුලි බිල ලබන ජනවාරියේ සිට යළි 60%කින් වැඩි කිරීමට විදුලිබල මණ්ඩලය ගෙන ඇති තීරණය හේතුවෙන් අපනයන ක්ෂේත්‍රයේ රැකියා 30% සිට 50% දක්වා ප්‍රමාණයක් අහිමි වනු ඇතැයි නිදහස් වෙළෙඳ කලාප ආයෝජකයන්ගේ සම්මේලනයේ ප්‍රධාන ලේකම් ධම්මික ප්‍රනාන්දු මහතා සඳහන් කරයි.

මේ වන විට සුළු හා මධ්‍ය පරිමාණ කර්මාන්ත කඩාවැටීමට ලක්ව ඇති අතර මහා පරිමාණ කර්මාන්ත ශාලාද 30%කින් පමණ ඇණවුම් අවපාතයකට මුහුණ දී ඇතැයි වාර්තා වේ.

 පසුගිය මාස තුන ඇතුළත ඇඟලුම් අපනයනය සහ වෙනත් අපනයන 12%ත් 18%ත් අතර ප්‍රමාණයකින් අවම වී ඇති අතර යළි 60%කින් විදුලි බිල වැඩි වුවහොත් පසුගිය අගෝස්තුවේ වැඩි කළ විදුලිය බිලත් සමඟ එය 136%කින් ඉහළ යනු ඇත.

විදේශීය ආයෝජකයන්ට වෙනත් රටවල ශ්‍රී ලංකාවට වඩා ආකර්ශනීය ආයෝජන අවස්ථා පවතින හෙයින් ඔවුන්ට වෙනත් රටවල් කරා යා හැකි නමුදු දේශීය කර්මාන්තකරුවන්ට විදුලිය බිල වැඩිවීම කිසිදු ලෙසකින් දරාගැනීමට නොහැකි වනු ඇතැයි ද ප්‍රනාන්දු මහතා කියා සිටී.

විදුලි බිල වැඩි වුවහොත් සමස්ත අපනයන කර්මාන්තයම බිඳවැටෙන බව පෙන්වා දෙමින් ආයෝජකයන්ගේ සම්මේලනයේ සාමාජිකයන්, ඇඟලුම් ක්ෂේත්‍රයට සම්බන්ධ සංගම් හා අනෙකුත් අපනයන සංගම් ජනාධිපතිවරයා දැනුම්වත් කිරීමට පියවර ගෙන ඇති අතර, විදුලිබල ඇමැතිවරයා සහ මහජන උපයෝගිතා කොමිසමේ සභාපතිවරයා හමුවී මේ සම්බන්ධයෙන් සාකච්ඡාද පවත්වා තිබේ.

 අමාත්‍යවරයාගෙන් ඒ සඳහා යහපත් ප්‍රතිචාරයක් ලැබී නොමැති අතර. මහජන උපයෝගිතා කොමිසමේ සභාපතිවරයා සඳහන් කර ඇත්තේ යළි විදුලි බිල වැඩි කිරීමේ අවශ්‍යතාවක් මේ වන  ඇතිවී නොමැති බවයි.

විදුලිබල මණ්ඩලයේ පවතින දූෂණ, අක්‍රමිකතා හා නාස්තිය අවම කර ගැනීමට කිසිදු පියවරක් නොගෙන යළි විදුලිය ගාස්තු වැඩි කිරීමෙන් රටේ අපනයන කර්මාන්තය සහමුලින්ම අඩාල වනු ඇතැයි ධම්මික ප්‍රනාන්දු මහතා සඳහන් කරයි.

මේ අතර මහජන උපයෝගිතා කොමිසමේ සභාපති ජනක රත්නායක මහතා සඳහන් කළේ විදුලි ගාස්තු සංශෝධන යෝජනා මෙතෙක් මහජන උපයෝගිතා කොමිසම වෙත ලැබී නොමැති අතර විවිධ උපකල්පන මත පාරිභෝගිකයන්ගෙන් විදුලිය ගාස්තු අය කළ නොහැකි බවයි.

මූලාශ්‍රය – දේශය

පුවත්

විහිළු කතා සපයන්නන්ට රවී උත්තර දෙයි

Published

on

By

වැදගත් වන්නේ විහිළු සැපයීම නොව ප්‍රජාතන්ත්‍රවාදිව ජනතා විශ්වාසය රැකගෙන කටයුතු කිරීම බව එක්සත් ජාතික පක්ෂයේ කොළඹ දිස්ත්‍රික් නායක හිටපු මුදල් අමාත්‍ය රවී කරුණානායක මහතා පවසයි.

ඒ අනුව අනිවාර්යයෙන්ම ජනාධිපතිවරණය පැවැත්වෙන අතර නිර්දේශපාලනික අපේක්ෂකයා ලෙස රනිල් වික්‍රමසිංහ මහතා ඉදිරිපත් වන බවයි රවී කරුණානායක මහතා සඳහන් කරන්නේ.

අනතුරුව මැතිවරණය ජයග්‍රහණය කර රට හරි මාර්ගයේ ගෙනයාම විය යුතු වන බවද ඔහු ප්‍රකාශ කරයි.

ජනතා විශ්වාසය රැකගෙන කටයුතු කිරීම මිස වෙනත් ක්‍රමවලට වැඩකර පලක් නැති බවයි කරුණානායක මහතා වැඩිදුරටත් අවධාරණය කරන්නේ.

Continue Reading

පුවත්

අනුර ජොන්ස්ටන්ගෙන් වන්දි ඉල්ලයි

Published

on

By

හිටපු අමාත්‍ය පාර්ලිමේන්තු මන්ත්‍රී  ජෝන්ස්ටන් ප්‍රනාන්දු මහතා සිදුකළ ද්වේශ සහගත ප්‍රකාශයකින් සිදුවූ අපහාසයට රුපියල් මිලියන 500ක වන්දියක් අය කර දෙන්නැයි ජාතික ජන බලවේගයේ නායක පාර්ලිමේන්තු මන්ත්‍රී අනුර කුමාර දිසානායක මහතා කොළඹ දිසා අධිකරණයේ සාක්ෂි දෙමින් අද(29) ඉල්ලා සිටියේය.

ඒකාබද්ධ විපක්ෂය තංගල්ල නගර ශාලාවේ 2017 වසරේදී සංවිධානය කළේ යැයි කියන  රැස්වීමකදී ජෝන්ස්ටන් ප්‍රනාන්දු මහතා කළ ප්‍රකාශයකින් මෙම අපහාසය සිදුවී ඇති බවත් පැවසූ අනුර කුමාර දිසානායක මහතා කැලණිය විශ්ව විද්‍යාලීයේ විද්‍යාවේදී උපාධි සහතිකය ඇතුළු  ලේඛන 10ක් අධිකරණයට ඉදිරිපත් කරමින් පාර්ලිමේන්තුවේ සහ සමාජයේ කීර්තියක් උසුලන තමන්ට සිදුකළ අපහාසයට වන්දි අය කර දෙන ලෙසට ඉල්ලා සිටියේය.

කොළඹ ප්‍රධාන දිසා විනිසුරු සඳුන්විතාන මහතා ඉදිරියේ සාක්ෂි කැඳවීම සිදුවිය.

Continue Reading

පුවත්

රාජ සන්තක වුණු “කුඩු සනා”ගේ වත්කම්

Published

on

By

මහා පරිමාණ මත්ද්‍රව්‍ය ජාවාරම්කරුවෙකු බව කියන දිනේෂ් පෙරේරා නොහොත් “කුඩු සනා” නැමැත්තා මත්ද්‍රව්‍ය ජාවාරමෙන් උපයාගත් බව කියන මුදල්වලින් මිලදීගත් අධි සුඛෝපභෝගී නිවාස දෙකක් සහ මෝටර් රථ තුනක් පොලිසිය විසින් තහනම් කර තිබේ.

පොලීසිය පවසන්නේ, එම දේපළවල වටිනාකම රුපියල් කෝටි 10කට ආසන්න බවයි.

මහා පරිමාණ මත්ද්‍රව්‍ය ජවාරම්කරුවකුවන දිනේෂ් පෙරේරා නොහොත් “කුඩු සනා” නමැත්තා සහ ඔහුගේ සහෝදරයා පසුගියදා මහනුවරදී අත්අඩංගුවට ගෙන අධිකරණයට ඉදිරිපත් කිරීමෙන් පසු රිමාන්ඩ් බන්ධනාගාරගත කරන ලදී.

ඔහුගේ බිරියගේ නමින් මිලදීගෙන ඇති ගෝනපල ප්‍රදේශයේ පිහිටි කෝටි 2කට අධික වටිනාකමකින් යුත් සුඛෝපභෝගී නිවසක් , සැකකරුගේ මවගේ නමින් මිලදීගෙන තිබූ මොරන්තුඩුව ප්‍රදේශයේ නිවසක් , සහ රුපියල් කෝටි තුනකට ආසන්න වටිනාකමකින් යුත් සුඛෝපභෝගී මෝටර් රථ දෙකක් ඇතුළු මෝටර් රථ තුනක් ද විමර්ශන නිලධාරීන් සිය භාරයට ගැනීම සිදුවිය.

Continue Reading
Advertisement

Trending

Copyright © 2023 Sri Lanka Mirror. All Rights Reserved