Connect with us

පුවත්

විපතට පත් ජනතාවගේ සුව දුක් විමසීමට ජනපති එක්වෙයි

Published

on

ගං වතුර පාලනය කිරීම සඳහා කැලණි ගං මිටියාවතේ නව ඉදිකිරීම් සඳහා අවසර නොදෙන ලෙස ජනාධිපති රනිල් වික්‍රමසිංහ මහතා නිලධාරීන්ට උපදෙස් ලබා දුන්නේය.

එම ප්‍රදේශ ආශ්‍රිතව අනවසර ගොඩකිරීම් ද වහාම නැවැත්වීමට පියවර ගන්නා ලෙසත්, මුල්ලේරියාව සහ IDHරෝහල වෙනත් ස්ථාන‍යකට ගෙන යාමටත් ජනාධිපතිවරයා නිලධාරීන්ට උපදෙස් දුන්නේය.

අයහපත් කාලගුණය හේතුවෙන් ඇතිවී තිබෙන ගංවතුර ඇතුළු ආපදාවන්ගෙන් විපතට පත් ජනතාවගේ සුව දුක් සොයා බැලීම සඳහා ජනාධිපති රනිල් වික්‍රමසිංහ මහතා අද (03) පෙරවරුවේ කොළොන්නාව, කැලණිය සහ අඹතලේ ප්‍රදේශවල නිරීක්ෂණ චාරිකාවක නිරත වූ අතර අනතුරුව කොළොන්නාව සේදවත්ත වෙහෙරගොඩ රජමහා විහාරයේ පැවති සාකච්ඡාවට එක් වෙමින් මෙම උපදෙස් ලබා දුන්නේය.

අවතැන් වූ ජනතාව රඳවා සිටින අඹතලේ ගල්වාන පුරාණ රජමහා විහාරය, සේදවත්ත වෙහෙරගොඩ පුරාණ රජමහා විහාරය, කොළොන්නාව ටෙරන්ස් .එස්. සිල්වා විද්‍යාලයේ හා වැල්ලම්පිටිය ගාමිණී විද්‍යාලයේ ආරක්ෂිත මධ්‍යස්ථාන වෙත පැමිණි ජනාධිපතිවරයා ජනතාවගේ සුවදුක් විමසා බැලූ අතර ඔහුන්ගේ අවශ්‍යතා සොයා බලමින් ඒවා අඛණ්ඩව සපුරාලීමට ද නිලධාරීන්ට දැනුම් දුන්නේය.

කොළොන්නාව ප්‍රදේශයේ ඇති වූ ගංවතුර තත්ත්වය නිසා පීඩාවට පත් ජනතාවට අද රාත්‍රීයේ සිට ආහාර ලබාදීමට කටයුතු කරන ලෙස ද කොලොන්නාව ප්‍රාදේශීය ලේකම්වරයාට දැනුම් දුන් ජනාධිපතිවරයා විශේෂයෙන්ම එම ජනතාවගේ සෞඛ්‍ය සහ සනීපාරක්ෂක පහසුකම් පිළිබඳ විශේෂ අවධානයක් යොමු කිරීමේ වැදගත්කම ද පැහැදිළි කළේය.

ගංවතුර පාලනය කිරීම සඳහා ස්ථිර වැඩපිළිවෙළක් නාගරික සංවර්ධන අධිකාරිය,ආපදා කළමනාකරණය දෙපාර්තමේන්තුව සහ වාරිමාර්ග දෙපාර්තමේන්තුව යන ආයනත එක්ව සකස් කරන ලෙසද දැනුම් දුන් ජනාධිපති රනිල් වික්‍රමසිංහ මහතා නළ මාර්ග භාවිතා කර ගංවතුර වේගෙන් බැස යාමට සළස්වා ජනතාව නැවත පදිංචි කිරීමට කඩිනම් පියවර ගන්නා ලෙස ද දැනුම් දුන්නේය.

ආපදා තත්ත්වයෙන් අවතැන්ව ආරක්ෂිත මධ්‍යස්ථානවල රැඳී සිටින ජනතාවගේ නිවාස සහ දේපළ ආරක්ෂා කිරීම වෙනුවෙන් විශේෂ වැඩපිළිවෙළක් ක්‍රියාත්මක කිරීමේ අවශ්‍යතාව ජාතික ආරක්ෂාව පිළිබඳ ජනාධිපති ජ්‍යෙෂ්ඨ උපදේශක හා ජනාධිපති කාර්ය මණ්ඩල ප්‍රධානි සාගල රත්නායක මහතා පෙන්වා දුන්නේය.

කොළොන්නාව ප්‍රාදේශීය මහ ලේකම් කාර්යාලයේ පැවති සාකච්ඡාවකට එක් වෙමින් ඒ මහතා වැඩිදුරටත් පෙන්වා දුන්නේ ඒ වෙනුවෙන් ප්‍රජා පොලිසියේ දායකත්වයෙන් ජංගම මුර සංචාර ක්‍රියාත්මක කිරීමේ හැකියාව පවතින බවයි.

ආපදා තත්ත්වයට පත් වූ ජනතාවට අවශ්‍ය ආහාර සැපයීමේදී ඉතා සෞඛ්‍යාරක්ෂිත ක්‍රමවේදයක් අනුගමනය කිරීමට යුද හමුදාවට උපදෙස් දුන් සාගල රත්නායක මහතා ජනතාවට පිරිසිදු පානීය ජලය සැපයීමට වගබලා ගන්නා ලෙස ද නිලධාරීන්ට දැනුම් දුන්නේය.

එසේම ආපදා තත්ත්වය පහව යන තුරු ජනතාවට අවශ්‍ය සහන සැලසීම වෙනුවෙන් ත්‍රිවිධ හමුදා නිලධාරින්ගෙන් සමන්විත තාවකාලික මධ්‍යස්ථානයක් පවත්වාගෙන යාමට ද උපදෙස් දුන් අතර ගංවතුර තත්ත්වය පහව යාමත් සමඟ ඇතිවිය හැකි ඩෙංගු, මී උණ, පාචනය ඇතුළු වසංගත රෝග පාලනය සඳහා දැන් සිටම විශේෂ වැඩසටහනක් ක්‍රියාත්මක කිරීමේ වැදගත්කම ද පෙන්වා දුන්නේය.

ඇති වූ ආපදා තත්ත්වය හේතුවෙන් පූර්ණ හානියට පත් සියලු නිවාස රජයේ මුදලින්, ත්‍රිවිධ හමුදාවේ දායකත්වයෙන් ඉදි කර දීමට ජනාධිපතිවරයා උපදෙස් දී ඇති බවත් අර්ධ හානී සිදුවූ නිවාස සහ ගොඩනැගිලි පිළිබඳ වාර්තා කඩිනමින් ලබා දෙන ලෙස දිස්ත්‍රික් ලේකම්වරුන්ට දැනුම් දී ඇති බවත් පැවසීය. එම වාර්තා අනුව ඒ පිළිබඳ ඉදිරි තීරණ ගැනීමට නියමිත බවද ඒ මහතා සඳහන් කළේය.

මහජන ආරක්ෂක අමාත්‍ය ටිරාන් අලස්, ආරක්ෂක රාජ්‍ය අමාත්‍ය ප්‍රමිත බණ්ඩාර තෙන්නකෝන්,පාර්ලිමේන්තු  මන්ත්‍රීවරුන් වන රියර් අද්මිරාල් සරත් වීරසේකර, නීතිඥ ප්‍රේමනාත් .සී. දොළවත්ත, එස්.එම්.මරික්කාර්, ජනාධිපති වෘත්තීය සබඳතා පිළිබඳ අධ්‍යක්ෂ ජනරාල් සමන් රත්නප්‍රිය, යුද හමුදාපති ලුතිනන් ජෙනරාල් විකුම් ලියනගේ, ගුවන් හමුදාපති එයාර් මාර්ෂල් උදේනි රාජපක්ෂ, නාවික හමුදාපති වයිස් අද්මිරාල් ප්‍රියන්ත පෙරේරා, පොලිස්පති දේශබන්දු තෙන්නකෝන් යන මහත්වරු ඇතුළු පිරිසක් මෙම අවස්ථාවට එක්ව සිටියහ.

ක්‍රීඩා

හරීන් කර ගැහුව බර කරත්තේ ගැන පාර්ලිමේන්තුවට කියයි

Published

on

By

ක්‍රීඩා අමාත්‍යංශය යනු ක්‍රිකට් පමණක් නොවන බව ක්‍රීඩා අමාත්‍ය හරීන් ප්‍රනාන්දු මහතා කියයි.

ඔහු අද (18) පාර්ලිමේන්තුවේදී අදහස් දක්වමින් කියා සිටියේ ක්‍රීඩා අමාත්‍යංශය ට ක්‍රීඩා 73ක් සම්බන්ධයෙන් කටයුතු කිරීමට තිබෙන බවයි.

වැඩිදුරටත් ඔහු මෙසේද කීය, “පසුගියදා රෙගුලාසියක් දැම්මා. එම රෙගුලාසිය අනූව විධායක කමිටුවක අවුරුදු 16ක් හිටියොත් එයාට සභාපති වෙන්න බෑ. මම දන්න තරමින් ශම්මි සිල්වා 16 ඉඳලත් ඉවරයි. ඊළඟට ඔහුට ඉල්ලන්න බෑ. මේ තියෙන්නේ පෞද්ගලික වෛරයක්.”

ඔහු තවදුරටත් පැවසුවේ ක්‍රිකට් කණ්ඩායම පැරදෙන විට සියලුදෙනා ඇමතිවරයාට බනින බවයි.

“කොහේවත් යන බර කරත්තයක් මගේ කරපිට තිබ්බා. වර්ල්ඩ් කප් එකේ ගහපු මැච් 3න් 2ක් පැරදුනාම නිදාගෙන හිටිය අය නැවතත් නැගිටලා. භාරගත්ත ගමන් ටුවර් තුනම දින්නා. හොඳයි කිව්වේ නෑ. දිනන කොට ක්‍රීඩකයෝ…පරදින කොට ඇමතියා.”

Continue Reading

පුවත්

ජූලි මස 15 විදුලි ගාස්තු සංශෝධනයක්

Published

on

By

මෙම වසරේ (2024) දෙවැනි විදුලි ගාස්තු සංශෝධනය ලබන ජූලි මස 15 වැනිදා ප්‍රකාශයට පත්කරන බව මහජන උපයෝගිතා කොමිසමේ සභාපති මහාචාර්ය මංජුල ප්‍රනාන්දු මහතා අද (18) පැවසීය.

යෝජිත විදුලි ගාස්තු සංශෝධනය පිළිබඳව මහජනතාවගේ ලිඛිත අදහස් ලබන ජූලි මස 8 වැනිදා දක්වා භාරගන්නා බවත් වාචික අදහස් විමසීම ජූලි මස 9 වැනිදා පැවැත්වෙන බවත් සභාපතිවරයා සඳහන් කළේය.

මෙම ගාස්තු සංශෝධනයේදී විදුලි ගාස්තු අඩු කිරීමට නියමිත අතර ඒ අනුව එම අඩුවන ප්‍රතිශත ජූලි මස 15 වැනිදා ප්‍රසිද්ධ කරනු ඇත. 

Continue Reading

පුවත්

පොසොන් වන්දනාවේ යන බැතිමතුන්ට විශේෂ දැනුම්දීමක්

Published

on

By

පොසොන් පොහොය නිමිත්තෙන් රජරට බලා වන්දනාවේ පැමිණෙන බැතිමතුන්ට ජාතික නාමල් උයනේ නිර්මාතෘ, වනවාසී රාහුල හිමියන් විසින් විශේෂ ඉල්ලීමක් සිදුකර තිබේ.

අනුරාධපුරයේ අටමස්ථානය, මිහින්තලය වැනි ප්‍රධාන විහාරස්ථාන පොසොන් පොහොය දිනට ජාති ආගම් භේදයකින් තොරව වන්දනාකරුවන් පැමිණෙයි.

මෙලෙස වන්දනාවේ පැමිණෙන වන්දනාකරුවන් පොලිතීන් භාවිතයෙන් බැහැරව සිය ආගමිකවතාවත්හි නිරතවන ලෙස උන්වහන්සේ මෙහිදී බැතිමතුන්ගෙන් ඉල්ලා සිටී.

වැඩිදුරටත් අදහස් දැක්වූ නාමල් උයනේ නිර්මාතෘ, වනවාසී රාහුල හිමියන්,

”පොසොන් උත්සවය තමයි මේ රටේ තියෙන ප්‍රධානම උත්සවය. මිහිදු මහා රහතන්වහන්සේ බෞද්ධ දර්ශනය මේ රටට රැගෙන ආවේ, උතුම් වූ පොසොන් පෝය දවසේ. ඒ දවස තමයි රජරටට තියෙන විශේෂම දවස. මේ වෙලාවේ මම ඉල්ලීමක් කරනවා. මේ රටේ ඉන්න සියලුම ජනතාවගෙන් බෞද්ධ වේවා, කතෝලික වේවා මේ හැමකෙනාම එනවා යනවා අනුරාධපුරයට. ඒ එනකොට පොලිතීන් ගේන්න එපා. පොලීතීන් භාවිතයෙන් බැහැරවෙලා වන්දනාමාන කරන්න එන්න. අනුරාධපුර මහදිසාපතිතුමන්ගේ ප්‍රධානත්වයෙන් කමිටු පිහිටුවලා ආරක්ෂක අංශවල සහාය ලබා ගෙන, මේ වන්දනා ගමන් විනෝද චාරිකා ලෙස ගමනාන්තය අවසන් කිරීම නෙමෙයි කළ යුත්තේ. මිනිස්සුන්ගේ අධ්‍යාත්මය සංවර්ධනය කරන වැඩපිළිවෙලක් හැටියට පොසොන් පෝය.පොසොන් දවස මේ රජරට ක්‍රියාත්මක විය යුතුයි.”

Continue Reading

Trending

Copyright © 2023 Sri Lanka Mirror. All Rights Reserved