Connect with us

පුවත්

විභාග ප්‍රතිඵල වෙනස්කරල පොලිසියට බැඳුන කොස්තාපල්ට ඇප !

Published

on

ව්‍යාජ අධ්‍යාපන සහතිකයක් ඉදිරිපත් කර පොලිස් සේවයට එක්ව සිටි ආධුනික පොලිස් කොස්තාපල්වරයකුව කොළඹ වංචා විමර්ශන කාර්යාංශය මඟින් පෙරේදා (13) අත්අඩංගුවට ගෙන තිබේ.

චාවකච්චේරිය පොලිස් ස්ථානයට අනුයුක්තව සේවයේ නිරතව සිටි පොලිස් කොස්තාපල්වරයකුව මෙසේ අත්අඩංගුවට ගෙන ඇති අතර ඔහුව ගල්කිස්ස අධිකරණයට ඉදිරිපත් කිරීමෙන් පසු ඇප මත මුදාහැර ඇත.

මේ නිලධාරියා පොලිස් සේවයට එක්ව ඇත්තේ 2020 වසරේදීය.

සේවයට බැඳීමේදී අවශ්‍ය අධ්‍යාපන සුදුසුකම් සඳහා ගණිතය විෂය අසමත්ව තිබී ඇති බවත් විභාග සහතිකයේ ඔහු ගණිතය සමත් බවට වෙනස් කරමින් පොලිසියට බැඳී ඇති බවත් වංචා විමර්ශන කාර්යාංශය සඳහන් කරයි.

මේ පොලිස් නිලධාරියා අ.පො.ස. සාමාන්‍ය පෙළ විභාගයට පෙනී සිට ඇත්තේ 2012 වසරේදීය.

ඔහුගේ අධ්‍යාපන සහතික ව්‍යාජ බව අනාවරණය වන විට ඔහු සේවයේ නිරතව සිට ඇත්තේ වාලච්චේන පොලිස් ස්ථානයට අනුයුක්තවය.

අධ්‍යාපන සහතිකය ව්‍යාජ බව අනාවරණය වීමත් සමඟ ඔහු ඉකුත් ජුනි මාසයේ සිට පොලිස් සේවයට වාර්තා කර නැති බවද සඳහන්ය.

ඒ හේතුව මත ජුනි 23 වැනිදා සිට තනතුර අතහැර යෑමේ නියෝගයක් පවා ඔහුට එරෙහිව නිකුත් කර තිබී ඇත.

පුවත්

පොසොන් උත්සවයට විශේෂ ප්‍රවාහන පහසුකම්

Published

on

By

පොසොන්  සමයේ අනුරාධපුරයට හා මිහින්තලයට පැමිණෙන සැදැහැවතුන් වෙනුවෙන් විශේෂ ලංගම බස්රථ සේවාවක් ක්‍රියාත්මක කරන බව අමාත්‍ය ආචාර්ය බන්දුල ගුණවර්ධන මහතා පවසයි.

අමාත්‍යවරයා වැඩිදුරටත් පවසා සිටියේ, උතුරු දුම්රිය මාර්ගයේ ප්‍රතිසංස්කරණ පොසොන් පොහොයට පෙර නිම කිරීමට නොහැකි බැවින් මෙම පියවර ගන්නා බවයි.

හෝමාගම,   පිටිපන පාසල් හන්දියේ සිට සිංහ අරන දක්වා මාර්ගය කාපට් අතුරා සංවර්ධනය කිරීම ආරම්භ කෙරුණේ අමාත්‍ය බන්දුල ගුණවර්ධන මහතාගේ ප්‍රධානත්වයෙනි.

මීටර් 800ක දුරක් මාර්ගය සංවර්ධනය කෙරෙන අතර ඒ සදහා වෙන් කෙරෙන මුදල රුපියල් මිලියන 13කි.

Continue Reading

පුවත්

උතුරු දුම්රිය මාර්ගයේ සංවර්ධන කටයුතු නිමවීමට තව කල් යයි

Published

on

By

උතුරු දුම්රිය මාර්ගයේ සංවර්ධන කටයුතු එළඹෙන පොසොන් පොහොයට පෙර නිම කිරීමට හැකියාවක් නොමැති බව කැබිනට් මාධ්‍ය ප්‍රකාශක ප්‍රවාහන අමාත්‍ය බන්දුල ගුණවර්ධන මහතා පවසයි.

අද (28) පැවැති කැබිනට් තීරණ දැනුම්දීමේ මාධ්‍ය හමුවේදී මාධ්‍යවේදියෙකු විසින් යොමුකළ ප්‍රශ්නයකට පිළිතුරු දෙමින් අමාත්‍යවරයා ඒ බව සඳහන් කළේය.

අමාත්‍යවරයා මෙහිදී පවසා සිටියේ, උතුරු දුම්රිය මාර්ගයේ සංවර්ධන කටයුතු අගෝස්තු මාසය වනවිට නිමකළ හැකි බවය.

Continue Reading

පුවත්

වතු ගැන ජනපති ගෙනා විශේෂ යෝජනාවට අනුමැතිය

Published

on

By

ශ්‍රී ලංකා රාජ්‍ය වැවිලි සංස්ථාව, ජනතා වතු සංවර්ධන මණ්ඩලය සහ සීමාසහිත ඇල්කඩුව වැවිලි සමාගම යන ආයතනවලට අදාළ හිඟ ව්‍යවස්ථාපිත දීමනා ගෙවීම සඳහා අවශ්‍ය අරමුදල් මහා භාණ්ඩාගාරය වෙතින් සලසා දීමට අමාත්‍ය මණ්ඩල අනුමැතිය හිමිව තිබේ.

ජනාධිපතිවරයා විසින් අදාළ යෝජනාව අමාත්‍ය මණ්ඩලයට ඉදිරිපත් කරන ලදී.

ඒ අනුව අදාළ හිඟ ව්‍යවස්ථාපිත දීමනා නිරවුල් කිරීමෙන් පසුව 1958 අංක 15 දරන සේවක අර්ථසාධක අරමුදලට අනුව ආයතනයන් විසින් ගෙවිය යුතු අධිභාර මුදල්වලින් අඩුකළ හැකි උපරිම ප්‍රමාණය අඩුකිරීමට කම්කරු කොමසාරිස් ජනරාල්වරයාට උපදෙස්දීමට ජනාධිපතිවරයා සිය යෝජනාව මගින් කරුණු ඉදිරිපත් කර තිබේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved