Connect with us

පුවත්

විමල් හැදූ කොස් පිටුව දෙල් වෙලා; වැඩේ කළ අය ගල් වෙලා

Published

on

කර්මාන්ත අමාත්‍යාංශය සහ ඊට අනුබද්ධ ජාතික ව්‍යවසාය සංවර්ධන අධිකාරිය විසින් කොස් උරුමයක පුනරුදය නමින් කොස් ආශ්‍රිත නිෂ්පාදන ප්‍රචලිත කිරීම සඳහා ආරම්භ කළ Kos Heritage නමින් එළිදැක්වූ ෆේස්බුක් පිටුව සහ යූ ටියුබ් චැනලය වසරකට ආසන්න කාලසීමාවක සිට යාවත්කාලීන කර නැතැයි වාර්තා වේ.

පසුගිය 2021 වසරේ එවකට කර්මාන්ත අමාත්‍යවරයා ලෙස කටයුතු කළ විමල් වීරවංශගේ ප්‍රධානත්වයෙන් මෙම ව්‍යාපෘතියේ සමාරභක උළෙල බත්තරමුල්ල අපේ ගම පරිශ්‍රයේදී පැවැත්වුණු අතර එහිදී මෙම ෆේස්බුක් පිටුව සහ යූ ටියුබ් නාළිකාව එළිදැක්වීය. 

නමුත් පසුගිය වසරේ (2022 වසරේ) පෙබරවාරි මස සිට මෙම ෆේස්බුක් පිටුව යාවත්කාලීන කිරීමට කටයුතු කර නොමැති අතර එහි සඳහන් කර ඇති දුරකථන අංකයද මේ වන විට ක්‍රියාවිරහිත වී තිබේ. එමෙන්ම මේ අයුරින්ම Kos Heritage යූ ටියුබ් චැනලයද වසරකට පමණ ආසන්න කාලසීමාවක සිට යාවත්කාලීන කර නොමැත.

එසේම ‌අදාළ යූ ටියුබ් චැනලය ආරම්භ කර වසර ගණනාවක් ගතව ඇතත් එහි සබ්ස්ක්‍රයිබර්ස්ලා ඇත්ත‌ේ 56 දෙනෙකු පමණක් වන අතර ෆේස්බුක් පිටුවේද ලයික්ස් ඇත්තේ 300 කට ආසන්න ප්‍රමාණයකි.

උරුමයක පුනර්ජීවනය නැවත සනිටුහන් කරන් යන තේමාව ඔස්සේ ආරම්භ කළ මෙම ව්‍යාපෘතිය ආරම්භ කිරීමේදී ඒ සඳහා විශාල ප්‍රචාරයක් ලබාදීමට එම ආයතන කටයුතු කළ අතර මෙම ව්‍යාපෘතිය සඳහාම කොස් උරුමයක පුනරුදය තේමා ගීතය එළි දැක්වීමද සිදුවිය. 

අදාළ ගීතය නිර්මාණය කිරීමට වසන්ත කුමාර කොබවක හා නවරත්න ගමගේ වැනි ප්‍රවීන ශිල්පීන් යොදාගනිමින් විශාල මුදලක් වැය කර ඇති බවද පැවසේ.

නමුත් මේ වන විට ඒ කිසිවකගෙන් නිසි ප්‍රයෝජනයක් ගෙන නොමැති බව පෙනෙන්නට ඇත. මේ සම්බන්ධව විමසීම සඳහා අප අවස්ථා කිහිපයකදීම ජාතික ව්‍යවසාය සංවර්ධන අධිකාරිය වෙත ඇමතුම් ලබාගත් නමුත් කිසිවකු ඇමතුම හා සම්බන්ධ කරගැනීමට නොහැකි විය.

මූලාශ්‍රය – අරුණ

පුවත්

ග්‍රාමීය සංවර්ධනයට රජයෙන් බිලියන 20 ක්

Published

on

By

ග්‍රාමීය ජනතාවට අවශ්‍ය පහසුකම් සැලසීමට මෙන්ම අඩු ආදායම්ලාභී පවුල්වල ජීවන තත්ත්වයන් නංවාලීමේ ව්‍යාපෘති රැසක් ඉදිරි මාස කිහිපය තුළ ක්‍රියාත්මක කිරීමට රජය සැලසුම් කර ඇත.

කෘෂිකර්ම හා වැවිලි කර්මාන්ත අමාත්‍ය මහින්ද අමරවීර මහතා පවසන්නේ, එම වැඩ කටයුතු සඳහා රජය විසින් රුපියල් බිලියන 20.6ක මුදලක් වැය කිරීමට පියවර ගන්නා බවට ජනාධිපති රනිල් වික්‍රමසිංහ මහතා අමාත්‍ය මණ්ඩලය දැනුම්වත් කළ බවය.

මේ හේතුවෙන්, හැකි තරම් නව කෘෂිකාර්මික ව්‍යාපෘති සකසන්නැයි අමාත්‍යවරයා විසින්  නිලධාරීන්ට උපදෙස් ලබා දී තිබේ.

එම කෘෂිකාර්මික ව්‍යාපෘති ගම්මානවල ගොවි ජනතාවගේ ආදායම් තත්ත්වයන් ඉහළ නැංවීම, ඔවුන්ගේ යටිතලපහසුකම් සංවර්ධනය සහ නව කෘෂි තාක්ෂණය ඉලක්ක කර ගනිමින් සකසන ලෙසද මෙහිදී මහින්ද අමරවීර අමාත්‍යවරයා උපදෙස් දී ඇති බව සඳහන්ය.

කෘෂිකර්ම හා වැවිලි කර්මාන්ත අමාත්‍යාංශයේදී පැවති සාකච්ඡාවක් අමතමින් අමාත්‍යවරයා මෙම උපදෙස් ලබා දී ඇත.

Continue Reading

පුවත්

“ආර්ථික පරිවර්තන පනත ඉතා භයානකයි”

Published

on

By

ආණ්ඩුව පාර්ලිමේන්තුවට ඉදිරිපත් කර ඇති ආර්ථික පරිවර්තන පනත ඉතා භයානක ප්‍රතිඵල ගෙන දෙන පනතක් යයි පාර්ලිමේන්තු මන්ත්‍රී මහාචාර්ය ජී.එල් පීරිස් මහතා කොළඹ අද (27) පැවති මාධ්‍ය හමුවකදී පැවසීය.

මේ වන විට පවතින්නේ ජනවරමක් රහිත පාර්ලිමේන්තුවක් බැවින් එමගින් මෙවැනි පනතක් සම්මත කර ගැනීම ඉතා භයානක බවද මහාචාර්යවරයා කීය. 

මන්ත්‍රීවරයා වැඩිදුරටත් කියා සිටියේ රජය ලාභ ලබන ආයතන ලහි ලහියේ විකුණා දැමීමට අවශ්‍යය පිඹුරුපත් කඩිනමින් සකස් කරන බව දැනගන්නට ලැබී ඇති බවය

ජනතා ගැටලු විසඳීම සඳහා අභිනව පාර්ලිමේන්තුවක අවශ්‍යතාවය  වර්තමාන සමාජය තුළින් පිළිබිඹු වන බව කී ඒ මහතා තරුණ පරපුර ඇමතීම සියලු පක්ෂ නායකයින්ගේ යුතුකම බවත් අනාගතයේ ජීවනාලිය  ඔවුන් බවඅමතක නොකළ යුතු යයිද සඳහන් කළේය

වත්මන් ආණ්ඩුව  මැතිවරණවලට දක්වන බිය සුළු බව හේතුවෙන් මුදල් නොමැති යැයි පවසා මැතිවරණ කල් දැමීමට අර  අඳිමින් සිටින බව පැවසූ මහාචාර්යවරයා ඒ සඳහා නොයෙකුත් උපක්‍රම යොදමින් සිටින බවද පැවසීය

පළමුව පැවැත්වෙන්නේ පාර්ලිමේන්තු මැතිවරණයද ජනාධිපතිවරණයද යන්න ගැන ජනතාව කිසියම් කුතුහලයකින් පෙළෙන බව පැවසූ මන්ත්‍රීවරයා ආණ්ඩුක්‍රම ව්‍යවස්ථාවට අනුව ජනාධිපතිවරණය අනිවාර්යයෙන්ම පැවැත්විය යුතු බව සඳහන් කළේය

Continue Reading

පුවත්

මුදවාගැනීමේ මෙහෙයුමකට මන්ත්‍රීවරු 3ක් තායිලන්තයට

Published

on

By

විපක්ෂයේ මන්ත්‍රීවරුන් තිදෙනෙක් අද (27) අලුයම තායිලන්තය බලා පිටත්ව ගියහ.

ඒ, මියන්මාරයේ සයිබර් අපරාධ කලාපයේ ත්‍රස්ත ග්‍රහණයේ සිටින ශ්‍රී ලාංකිකයින් සහ රුසියානු – යුක්‍රේන යුද්ධයට මැදිවී රුසියාවේ සිටින ශ්‍රී ලාංකික රණවිරුවන් බේරාගෙන යළි ශ්‍රී ලංකාව වෙත රැගෙන ඒමේ රාජ්‍යතාන්ත්‍රික මෙහෙයුම සඳහා එම රටවල රාජ්‍යතාන්ත්‍රික නිලධාරීන් සහ තෙවන පාර්ශ්වයන් සමග සාකච්ඡා කර වැඩපිළිවෙළක් සකස් කිරීම සඳහාය.

මෙම විපක්ෂ මන්ත්‍රී කණ්ඩායමට නීතීඥ වසන්ත යාපා බණ්ඩාර, ජේ.සී. අලවතුවල සහ සුජිත් සංජය පෙරේරා යන මන්ත්‍රීවරුන් ඇතුළත් වේ.

ඔවුන් මියන්මාරයේ සහ රුසියාවේ දින 05 බැගින් ගත කරමින් මෙම මෙහෙයුම දියත් කිරීමට නියමිතය.

මන්ත්‍රීවරුන් පිරිස ත්‍රෛනිකායික මහනාහිමිවරුන්ගේ සහ විපක්ෂ නායකවරයාගේ ඉල්ලීම් රැගත් ලිපි, මියන්මාරය සහ රුසියාව බලා පිටත්ව ගොස් තායිලන්තයේ සහ මියන්මාරයේ සංඝනායක හිමිවරුන් සහ රුසියාවේ රාජ්‍යතාන්ත්‍රික නිලධාරීන් හමුවී භාරදීමට ද නියමිත බවට වාර්තා වේ.

පිරිස අද අලුයම 01.10ට පමණ ශ්‍රී ලන්කන් ගුවන් සේවයේ UL – 402 දරන ගුවන්යානයෙන් තායිලන්තයේ බැංකොක් නුවර බලා පිටත්ව ගොස් ඇත.

Continue Reading
Advertisement

Trending

Copyright © 2023 Sri Lanka Mirror. All Rights Reserved