Connect with us

පුවත්

ශා.තෝමස් විදුහලේ ගොඩනැගිල්ලක කෑල්ලක් කඩා වැටෙයි; විදුහල්පති පියනමට චෝදනා

Published

on

කොල්ලුපිටිය ශා.තෝමස් කනිටු විදුහල මධ්‍යයේ ඇති අනාරක්ෂිත ගොඩනැගිල්ලක කොටසක් කඩාවැටීම නිසා මේවන විට එම විදුහල දින නියමක් ‍නොමැතිව වසා දමා තිබේ.

ටොන් පහක් පමණ වන මේ ගොඩනැගිලි කොටස කඩා වැටී ඇත්තේ අවුරුදු නිවාඩුවට පාසල ආරම්භ කිරීමට දින දෙකකට පෙර බවද පැවසේ.

අදාළ ගොඩනැගිල්ලි කොටස කඩා වැටෙන අවස්ථාවේ පාසල් සිසුන් සිටියේ නම් විශාල අනතුරක් සිදුවීමට තිබූ බව එහි අභ්‍යන්තර ආරංචි මාර්ගවලින් වාර්තා වේ.

අධ්‍යාපන අමාත්‍යංශයේ අධීක්ෂණය යටතේ පෞද්ගලික විදුහලක් ලෙස ක්‍රියාත්මක වන කොල්ලුපිටිය ශා.තෝමස් කනිටු විදුහලේ අදාළ ගොඩනැගිල්ලේ ඉදිකිරීම්වල ප්‍රමිතිය සම්බන්ධයෙන් ගැටුම් මතුවී තිබේ.

ඒ අනුව එම විදුහලේ වත්මන් විදුහල්පතිවරයා ලෙස කටයුතු කරනු ලබන නිහාල් ප්‍රනාන්දු පියතුමන්ට එහි දෙමවුපියන් විසින් ඔවුන්ගේ අත්සන් ද සහිතව ඉකුත් වසරේ (2023) ජනවාරි මාසයේදී දීර්ඝ ලිපියක් යොමුකර ඇත.

එහිදී, එම ගොඩනැගිල්ල තුළ 6,7 හා 8 වසරවල පංති පිහිටා ඇති බවත්, එහි සිසුන් 250කට ආසන්න පිරිසක් සිටින බවත් එම ගොඩනැගිල්ලේ අනාරක්ෂිත බව නිසා ඔවුන් දැඩි අනාරක්ෂිත බවක සිටින බව ඔවුන් පෙන්වා දී තිබිණි.

විදුහල්පති නිහාල් ප්‍රනාන්දු පියනමට දෙමාපියන් විසින් යවා තිබූ අදාළ ලිපිය පහත දැක්වේ.

අදාළ ලිපියට විදුහල්පතිවරයා විසින් මෙතෙක් පිළිතුරක් ලබාදී නොමැති අතර, ඔහු දෙමාපියන්ට චාචිකව දන්වා ඇත්තේ මෙම ඉදිකිරීම්වලට ආදිශිෂ්‍ය සංගමය අරමුදල් ලබාදෙන බැවින් ඔවුන් ඒ සඳහා පිළිතුරක් දෙනු ඇති බවයැයි ශ්‍රී ලංකා මිරර් වෙත වාර්තා වේ. 

එසේම, විදුහල්පතිවරයා මේ ගොඩනැගිල්ල‍ේ ප්‍රතිසංස්කරණ කටයුතු සිදු කිරීමේදී අත්තනෝමතික අයුරින් කටයුතු කිරීම නිසා මේවන බවිට විශාල ගැටලු රාශියක් පැන නැගී ඇති බව වාර්තා වේ.

පසුගිය වසරේදී මේ ගොඩනැගිල්ලේ සිදු කරන ලද ප්‍රතිසංස්කරණ කටයුතු සිදුකර ඇත්ත‍ේ පිළිගත් කොන්ත්‍රාත්කරුවෙකු විසින් නොවන අතර, ඒ අනුව දෙමාපියන් ඉල්ලා සිටි පරිදි ස්වාධීන ඇගයීමක් සිදුවී නොමැත.

එසේම, මීට මාස තුනකට පෙර මේ විදුහලේ තිබූ තවත් අනාරක්ෂිත තාප්පයක් කඩා වැටී ඇති අතර, විදුහල්පතිවරයා විසින් එය දෙමාපියන්ට ද වසන්කර ඇත.

මේ අතර, මෙහි අවසන්වරට කොන්ත්‍රාත් කටයුතු කළ පුද්ගලයන් කවුද ඒ සදහා කොපමන මුදලක් වැයවූයේද යන්න පිළිබඳවද විදුහල්පතිවරයා මෙතකේ අනාවරණය කර නොමැති බවද වාර්තා වේ.

එය ප්‍රතිසංස්කරණය කළ හැකි බවට ඇගයීම්  සිදු කළේ පිළිගත්, බලයලත් ව්‍යුහාත්මක ඉංජිනේරුවෙකු හෝ ඉංජිනේරු සමාගමක් විසින් යන්න පිළිබඳවද දෙමාපියන් දැනුවත් කර නොමැති බව පැවසේ.

පෞද්ගලික පාසලක් වන මෙහි එක් සිසුවකුගේ අධ්‍යාපන කටයුතු වෙනුවෙන් වාරයක් සඳහා රුපියල් 35,000/ කට ආසන්න මුදලක් ලබා ගන්නා බවද වාර්තා වේ.

පුවත්

මුදවාගැනීමේ මෙහෙයුමකට මන්ත්‍රීවරු 3ක් තායිලන්තයට

Published

on

By

විපක්ෂයේ මන්ත්‍රීවරුන් තිදෙනෙක් අද (27) අලුයම තායිලන්තය බලා පිටත්ව ගියහ.

ඒ, මියන්මාරයේ සයිබර් අපරාධ කලාපයේ ත්‍රස්ත ග්‍රහණයේ සිටින ශ්‍රී ලාංකිකයින් සහ රුසියානු – යුක්‍රේන යුද්ධයට මැදිවී රුසියාවේ සිටින ශ්‍රී ලාංකික රණවිරුවන් බේරාගෙන යළි ශ්‍රී ලංකාව වෙත රැගෙන ඒමේ රාජ්‍යතාන්ත්‍රික මෙහෙයුම සඳහා එම රටවල රාජ්‍යතාන්ත්‍රික නිලධාරීන් සහ තෙවන පාර්ශ්වයන් සමග සාකච්ඡා කර වැඩපිළිවෙළක් සකස් කිරීම සඳහාය.

මෙම විපක්ෂ මන්ත්‍රී කණ්ඩායමට නීතීඥ වසන්ත යාපා බණ්ඩාර, ජේ.සී. අලවතුවල සහ සුජිත් සංජය පෙරේරා යන මන්ත්‍රීවරුන් ඇතුළත් වේ.

ඔවුන් මියන්මාරයේ සහ රුසියාවේ දින 05 බැගින් ගත කරමින් මෙම මෙහෙයුම දියත් කිරීමට නියමිතය.

මන්ත්‍රීවරුන් පිරිස ත්‍රෛනිකායික මහනාහිමිවරුන්ගේ සහ විපක්ෂ නායකවරයාගේ ඉල්ලීම් රැගත් ලිපි, මියන්මාරය සහ රුසියාව බලා පිටත්ව ගොස් තායිලන්තයේ සහ මියන්මාරයේ සංඝනායක හිමිවරුන් සහ රුසියාවේ රාජ්‍යතාන්ත්‍රික නිලධාරීන් හමුවී භාරදීමට ද නියමිත බවට වාර්තා වේ.

පිරිස අද අලුයම 01.10ට පමණ ශ්‍රී ලන්කන් ගුවන් සේවයේ UL – 402 දරන ගුවන්යානයෙන් තායිලන්තයේ බැංකොක් නුවර බලා පිටත්ව ගොස් ඇත.

Continue Reading

පුවත්

විජයදාසට එරෙහි වාරණ නියෝගය දීර්ඝ කරයි

Published

on

By

ශ්‍රී ලංකා නිදහස් පක්ෂයේ වැඩබලන සභාපතිවරයා ලෙස විජයදාස රාජපක්ෂ මහතා කටයුතු කිරීම වළක්වාලමින් පනවා තිබෙන වාරණ නියෝගය ජුනි මස 27 වනදා දක්වා තවදුරටත් දීර්ඝ කරන ලෙස කොළඹ දිසා අධිකරණය විසින් නියෝග කරන ලදී.

මෙම නඩුව අද (27) කොළඹ දිසා විනිසුරු සඳුන් විතාන මහතා ඉදිරියේ කැඳවීම සිදුවිය.

දිසා විනිසුරු සඳුන් විතාන මහතා නියෝග කළේ, තමා මේ හා සමාන තවත් නඩුකරයක් විභාග කරන බැවින් මෙම නඩුව කොළඹ දිසා අධිකරණයේ අංක 07 අධිකරණ ශාලාවේ විනිසුරුවරයා වෙත යොමු කරන බවය.

ඉන් අනතුරුව කොළඹ දිසා අධිකරණයේ අංක 07 ශාලාවේ අතිරේක දිසා විනිසුරුවරයා ඉදිරියේ මෙම නඩුව කැඳවන ලදී.

එහිදී මෙම නඩුවට අදාළ විරෝධතා ගොනු කිරීම සඳහා කල් ලබාදෙන ලෙස වගඋත්තරකාර පාර්ශ්වයේ නීතිඥවරු අධිකරණයෙන් ඉල්ලා සිටියහ.

ඒ අනුව, අදාළ විරෝධතා ඉදිරිපත් කිරීම සඳහා කල් ලබාදුන් විනිසුරුවරයා නඩුව නැවත ජුනි මස 27 වනදා කැඳවන ලෙස නියෝග කලේය.

අමාත්‍යවරුන් වූ ලසන්ත අලගියවන්න, මහින්ද අමරවීර සහ දුමින්ද දිසානායක විසින් මෙම නඩුව ගොනු කර තිබුණි.

Continue Reading

පුවත්

තාඹුගලට ඇප

Published

on

By

රක්ෂිත බන්ධනාගාරගතව සිටි අවුරා ලංකා සමාගමේ සභාපති විරංජිත් තාබුගල ඇප මත මුදාහැර තිබේ.

හෙලිකොප්ටරයක් ලබා ගැනීම සඳහා මුදල් ලබාගෙන රුපියල් මිලියන 70 වංචා කළේය යන්න මත ඔහුව රක්ෂිත බන්ධනාගාරගත කර තිබුණි.

කොළඹ අතිරේක මහේස්ත්‍රාත් පවිත්‍රා සංජීවනි පතිරාජ මහත්මිය අද(27) නියෝග කර ඇත්තේ සැකකරු ඇප මත මුදාහරින ලෙසයි.

සබැඳි පුවත්:

https://sinhala.srilankamirror.com/news/%E0%B6%85%E0%B7%80%E0%B7%94%E0%B6%BB%E0%B7%8F-%E0%B6%BD%E0%B6%82%E0%B6%9A%E0%B7%8F-%E0%B7%83%E0%B6%B7%E0%B7%8F%E0%B6%B4%E0%B6%AD%E0%B7%92-%E0%B6%BB%E0%B7%92%E0%B6%B8%E0%B7%8F%E0%B6%B1%E0%B7%8A/

Continue Reading
Advertisement

Trending

Copyright © 2023 Sri Lanka Mirror. All Rights Reserved