පුවත්
සජිත්ට එරෙහිව ජපුරෙන් පැමිණිල්ලක්
ශ්‍රී ජයවර්ධනපුර විශ්ව විද්‍යාලයේ සිසුන් සම්බන්ධව ජනාධිපතිවරණ අපේක්ෂක සජිත් ප්‍රේමදාස මහතා සහ ඔහුගේ මැතිවරණ වේදිකා හරහා අසත්‍ය පුවතක් සමාජගත කිරීම සම්බන්ධව එම විශ්ව විද්‍යාලයේ මහා ශිෂ්‍ය සංගමය මැතිවරණ කොමිසමට පැමිණිල්ලක් ඉදිරිපත් කර තිබේ.
ශ්‍රී ජයවර්ධනපුර විශ්ව විද්‍යාලයේ සිසුන් අතර ඇති කරන ලද සැකයත් මත වර්ධනය වූ නොසන්සුන්කාරී තත්වයක් මත විශ්ව විද්‍යාලය වසා දැමීමට පසුගිය සැප්තැම්බර් 12 වනදා පාලනාධිකාරිය විසින් තීරණය කළ අතර, මෙම සිදුවීම පටු දේශපාලන වුවමනාවන් වෙනුවෙන් වැරදි ලෙස අර්ථකථනය කිරීමට ජනාධිපතිවරණ අපේක්ෂක සජිත් ප්‍රේමදාස මහතා සහ ඔහුගේ නියෝජිතයන් කටයුතු කරමින් සිටින බවට ජයවර්ධනපුර විශ්ව විද්‍යාලයීය මහා ශිෂ්‍ය සංගමය පෙන්වා දෙයි.
එම සංගමය වැඩිදුරටත් පවසන්නේ, ශ්‍රී ජයවර්ධනපුර විශ්වවිද්‍යාලයේ පීඨ දෙකක සිසුන් දේශපාලන පක්ෂ දෙකකට අයත් බවත්, ඔවුන් අතර බරපතල ගැටුමක් ඇති වී ඇති බවත්, මේ හේතුවෙන් විශ්ව විද්‍යාලය ලේ ගංඟාවක් බවට පත්ව ඇති බවත් හැගෙන ආකාරයේ ප්‍රකාශ සජිත් ප්‍රේමදාස මහතා සහ ඔහුගේ නියෝජිතයින් විසින් සමාජගත කරමින් සිටින බවය.
මෙම අසත්‍ය ප්‍රචාරයන් හේතුවෙන් ශ්‍රී ජයවර්ධනපුර විශ්ව විද්‍යාලයේ ශිෂ්‍ය ශිෂ්‍යාවන් බරපකල ලෙස අගතියට පත්ව ඇති බවත් ඒ සඳහා කඩිනමින් මැදිහත්වී අවශ්‍ය ක්‍රියාමාර්ග ගන්නා ලෙසත් ජයවර්ධනපුර විශ්ව විද්‍යාලයීය මහා ශිෂ්‍ය සංගමය මැතිවරණ කොමිසමෙන් ඉල්ලා තිබේ.
2025 ලෝක රූ රැජින තරගාවලියේ අවසන් තරගකාරියන් 40 දෙනා අතරට එක්වීමට ශ්‍රී ලංකා නියෝජනය කළ සුරූපිනිය අනුදි ගුණසේකරට නොහැකි විය.
මෙම තරගාවලියේ Multimedia සහ Head-to-Head ඉසව්වලදී ශ්‍රී ලංකාවට අභිමානයක් අත් කර දෙමින් අනුදි දස්කම් දැක්වූවාය.
72 වන ලෝක රූ රැජින කිරුළ තායිලන්තයට
ආසියාවේ පැතිර යන නව කොවිඩ් ප්‍රභේදය ලංකාවේත්
