Connect with us

පුවත්

සතොස ලොක්කෝ හිතුමතේ දීමනා බෙදාගෙන මාට්ටු වෙයි!

Published

on

ලංකා සතොස ලිමිඩඩ් සමාගම විසින් එහි ප්‍රධාන විධායක නිලධාරීවරයා සඳහා මාසික දීමනා වශයෙන් පසුගිය 2022 වසරේදී රුපියල් අටලක්ෂ හතළිස්හයදහස් හයසිය හැටක මුදලක් හා නියෝජ්‍ය සාමාන්‍යාධිකාරීවරුන්ට අට දෙනෙකු සඳහා රුපියල් තිස් එක් ලක්ෂ පනස්පන්දහසක මුදලක් වැඩිපුර ගෙවා ඇති බව ජාතික විගණන කාර්යාලය මඟින් නිකුත් කර ඇති විගණන වාර්තාවකින් හෙළිව තිබේ.

ප්‍රධාන විධායක නිලධාරී සහ නියෝජ්‍ය සාමාන්‍යාධිකාරීවරු සඳහා ගෙවිය යුතු මාසික දීමනාව පිළිවලින් රුපියල් අනූ පන්දහසක් සහ අනූ දහසක් වශයෙන් අනුමත කර තිබියදී අධ්‍යක්ෂ මණ්ඩලයේ අනුමැතිය මත ප්‍රධාන විධායක නිලධාරීවරයා සඳහා 2022 වසරේදි රුපියල් ලක්ෂ දෙකහමාරක මාසික දීමනාවක් ගෙවා ඇති බව හෙළිව තිබේ.

එසේම, අධ්‍යක්ෂ මණ්ඩල අනුමැතියකින් තොරව නියෝජ්‍ය සාමාන්‍යාධිකාරී තනතුරු සඳහා රුපියල් ලක්ෂ එකහමාරක මාසික දීමනාවක් ගෙවා ඇති බව අදාළ විගණන වාර්තා වලින් පෙන්වා දී ඇත.

එමෙන්ම සතොස සමාගම විසින් භාන්ඩාගාරයේ අනුමැතියකින් තොරව නිල වාහන භාවිත කිරීමට හිමිකම් නොමැති නිලධාරීන් සඳහා මාසිකව රුපියල් දොලොස්දහස් පන්සියය බැගින් නිලධාරීන් 11 දෙනෙකුට රුපියල් දා හතරලක්ෂ අසූ හත්දහස් පන්සියයක් වූ ප්‍රවාහන දීමනාවක්ද එම වර්ශයේදී ගෙවා ඇතැයිද පැවසේ.

සතොස සමාගමේ කළමනාකාරීත්වය විසින් විගණනයට සඳහන් කර ඇත්තේ කළමනාකරණ සේවා අධ්‍යක්ෂ ජනරාල් විසින් යොමුකරන ලද ලිපිය මගින් ප්‍රධාන විධායක නිලධාරී තනතුර සඳහා රුපියල් අනූ පන්දහසක මාසික දීමනාවක් හා අනුමත සන්නිවේදන ප්‍රවාහන හා ඉන්ධන දීමනාව ගෙවීම් කිරීමට අනුමැතිය ලබා දී ඇති බවයි.

මූලාශ්‍රය – මොණරා

පුවත්

ගම්පහ දිස්ත්‍රික්කයේ පාසල්  67කට ක්‍රිකට් උපකරණ

Published

on

By

ගම්පහ දිස්ත්‍රික්කයේ පාසල් තුළ ක්‍රිකට් ක්‍රීඩාව දියුණු කිරීමේ අරමුණින් පාසැල් 67ක් සඳහා ක්‍රිකට් උපකරණ ප්‍රදානය කිරීම ජනාධිපති කාර්ය මණ්ඩල ප්‍රධානි හා ජාතික ආරක්ෂාව පිළිබඳ ජනාධිපති ජ්‍යෙෂ්ඨ උපදේශක සාගල රත්නායක මහතාගේ ප්‍රධානත්වයෙන් ඊයේ (15) ජනාධිපති කාර්යාලයේ දී සිදු විය.

ජනාධිපති රනිල් වික්‍රමසිංහ මහතාගේ සංකල්පයකට අනුව, සාගල රත්නායක මහතාගේ පූර්ණ මගපෙන්වීම හා අධීක්ෂණය යටතේ ක්‍රියාත්මක Youth vision 2048 සංවිධානය සහ ශ්‍රී ලංකා ක්‍රිකට් ආයතනය එක්ව මෙම වැඩසටහන සංවිධානය කර තිබිණි.

මෙහිදී අදහස් දැක්වූ සාගල රත්නායක මහතා සඳහන් කළේ ජාතික මට්ටමේ දක්ෂ ක්‍රීඩකයින් බිහි කිරීමට පාසල් ක්‍රිකට් ක්‍රීඩාව ඉතා වැදගත් බවයි. එසේම රටේ බිඳ වැටුණු ආර්ථිකය යළි නඟා සිටුවීමට ජනාධිපති රනිල් වික්‍රමසිංහ මහතා ඉකුත් දෙවසර තුළ කැපවී කටයුතු කළ බවත්, එම ආර්ථික වැඩපිළිවෙළ ඉදිරියට ක්‍රියාත්මක කර දූෂණයෙන් තොර ක්‍රමවත් ආර්ථික රාමුවක් තුළ රටේ දරුවන්ට හොඳ අනාගතයක් ගොඩනඟාදීම ජනාධිපතිවරයාගේ අපේක්ෂාව බවත් ඒ මහතා සඳහන් කළේය.

දේශගුණික විපර්යාස පිළිබඳ ජනාධිපති උපදේශක රුවන් විජේවර්ධන මහතා ද මෙහිදී අදහස් දැක්වූ අතර අනාගත පරපුරේ ක්‍රීඩා කෞෂල්‍ය ඔප් නැංවීම වෙනුවෙන් දායක වූ සියලුදෙනාට ඒ මහතා සිය ප්‍රශංසාව පළ කළේය.
ජනාධිපති තරුණ කටයුතු හා තිරසර සංවර්ධන  අධ්‍යක්ෂ සචිර සරත්චන්ද්‍ර, Youth vision 2048 සංවිධානයේ උපදේශක ආචාර්ය ලසන්ත ගුණවර්ධන, Youth vision 2048 සංවිධානයේ සභාපති ඩෑන් පෝද්දිවෙල,  ශ්‍රී ලංකා ක්‍රිකට් ආයතනයේ  නිලධාරීන් සහ විදුල්පතිවරුන්, ක්‍රීඩා උපදේශකවරුන් සිසු දරුවන් ඇතුළු පිරිසක් මෙම අවස්ථාවට එක්ව සිටියහ.

(ජනාධිපති මාධ්‍ය අංශය)

Continue Reading

පුවත්

මේ සතියේ කැබිනට් තීරණ මෙන්න

Published

on

By

ඊයේ (ජූලි 15) පැවති අමාත්‍ය මණ්ඩල රැස්වීමේදී තීරණ රැසකට එළැඹ තිබේ.

එම තීරණ මෙසේය :

Continue Reading

පුවත්

ජල ගාස්තු සූත්‍රයට කැබිනට් අනුමැතිය

Published

on

By

ජාතික ජල සම්පාදන හා ජලාපවහන මණ්ඩලය සමාලෝචනය කිරීම පිණිස ගාස්තු ප්‍රතිපත්තිය සහ සූත්‍රය ක්‍රියාත්මක කිරීම සඳහා කැබිනට් අනුමැතිය ලැබී තිබේ.

2024-04-08 දින පැවැති අමාත්‍ය මණ්ඩල රැස්වීමේදි සාකච්ඡාවට ගන්නා ලද ජාතික ජල සම්පාදන හා ජලාපවහන මණ්ඩලයේ නව ගාස්තු ප්‍රතිපත්තිය සහ සූත්‍රයට සියලු පාර්ශ්ව සමග සාකච්ඡා කර අවශ්‍ය සංශෝධන ඇතුළත් කරමින් නව ගාස්තු ප්‍රතිපත්තිය සම සූත්‍රය ඉදිරිපත් කිරීමට නියම කර ඇත.

මේ අනුව සකස් කර ඇති සංශෝධිත ජල ගාස්තු ප්‍රතිපත්තිය සහ සංශෝධිත ජල ගාස්තු සූත්‍රය 2025 වසරේ සිට ක්‍රියාත්මක කිරීම පිණිස ජල සම්පාදන සහ වතු යටිතල පහසුකම් සංවර්ධන අමාත්‍යවරයා විසින් ඉදිරිපත් කළ යෝජනාව අමාත්‍ය මණ්ඩලය අනුමත කර ඇත.

Continue Reading

Trending

Copyright © 2023 Sri Lanka Mirror. All Rights Reserved