පුවත්
සඳගල ගල්කර ඇත්තේ කෙහෙළියගේ ලේක්හවුස් උපදේශකයින්!
මහනුවර ඓතිහාසික සඳගල සොරකම් කර කුඩු කිරීමේ අපරාධයට චෝදනා ලැබ සිටින දෙදෙනෙකු කෙහෙළිය රඹුක්වැල්ල මහතා ජනමාධ්‍ය අමාත්‍ය ධූරය දැරූ සමයේ ඔහු විසින් උපදේශකයන් ලෙස පත් කර සිටි අය බව හෙළිව තිබේ.
අදාළ පුද්ගගලයන් 2020.12.07 දින සිට ලේක් හවුස් ආයනයට බඳවාගෙන උපදේශ දීමනා ලෙස ලක්ෂ 18කට වැඩි මුදලක් ලේක් හවුස් ආයතනයෙන් ගෙවා ඇති බවද වාර්තා වේ.
කුණ්ඩසාලේ කීර්ති ශ්‍රී රාජසිංහ මාළිගාවේ තිබූ අදාළ සඳගල ටොන් එකක් පමණ බරැති එකක් වන අතර මේ පුරාවස්තුව සොරකම් කරගෙන පැමිණි සැකකරුවන් එහි නිධානයක් ඇතැයි සැකයෙන් ඒය කුඩුකර තිබිණි.
සිද්ධිය සම්බන්ධයෙන් චෝදනාවට ලක්වූ ප්‍රධාන චූදිතයා වන්නේද මේ උපදේශකයින්ගෙන් අයෙකි.
මේ අතරින් පොලිසිය මුල සිටම හදුනාගනෙ සිටි එක් අයෙක් අරුප්පොල පදිංචි අයෙක් වන අතර ඔහු අමාත්‍යවරයාගේ ව්‍යාපාරික සම්බන්ධීකරණ ලේකම්වරයෙකි.
ඔහුව ලේක් හවුස් ආයතනයට අනුයුක්ත කර උපදේශකයෙක් ලෙස වැටුප් ගෙවා තිබිණි.
එසේ වැටුප් ලැබූ අදාළ පුද්ගලයා ලේක්හවුස් ආයතනයේ පස්පාගාවත් නොමැති බව පැවසේ.
සඳගල අපරාධය සම්බන්ධ විමර්ශනය නුවරින් ගැලවී අපරාධ පරීක්ෂණ දෙපාර්තමේන්තුවට පැවරුණ අවස්ථාවේ සිට ප්‍රස්තුත තැනැත්තා අරුප්පොල නිවසින් අතුරුදහන්ව ඇමතිවරයාගේ රැකවරණයේ සිටි බව බුද්ධි අංශ වාර්තා කර ඇති බවද වාර්තා වේ.
මෙම සම්බන්ධීකරණ ලේකම්වරයා සිය ඩිෆෙන්ඩර් රථය යොදාගෙන මෙම සොරකමට ආරක්ෂාව සැලසූ ආකාරය සීසීටීවී දර්ශනවල සටහන්ව තිබිණි.
පසුව කළ විමර්ශන වලදී මෙම පුරාවස්තුව ගැලවීම සඳහා යොදා ගත් බූම් ට්‍රක් රථය ද මෙම පුද්ගලයාට හිමි එක්ක බව හෙළි විය.
කෙහෙළිය රඹුක්වැල්ල ඇමතිවරයාගේ නියමයෙන් උපදේශකයෙක් ලෙස ලේක් හවුස් ආයතනයෙන් පඩි ලැබූ අනෙක් පුද්ගලයා නිධානයක් ඇතැයි උපකල්පනය පිට සඳගල කුඩු කළ පසු එම විනාශ වූ ගල් කැබලි වරාතැන්නෙන් මහවැලි ගඟට විසි කළ තැනැත්තෙක් බව පොලිසිය කීවේය.
පසුගිය දා පැවති කෝප් කමිටුවේ දී මේ සම්බන්ධව කළ ප්‍රශ්න කිරීමේ දී අතිරේක සාමාන්‍යාධිකාරී මුදල් විසින් ප්‍රකාශ කළේ ඇමතිවරයාගේ නිර්දේශ අනුව අධ්‍යක්ෂ මණ්ඩලයේ නිර්දේශ මත මෙම පුද්ගලයින් දෙදෙනාට වැටුප් ගෙවීම සිදුකර ඇති බවය.
කෝප්කමිටු සභාපති මහාචාර්ය රන්ජිත් බණ්ඩාර සහ පාර්ලිමේන්තු මන්ත්‍රී දයාසිරි ජයසේකර විසින් සිදුකළ ප්‍රශ්නකිරීම්වලදී ලේක්හවුස් සභාපති සහ ජනමාධ්‍ය අමාත්‍යාංශයේ ලේකම් අනුෂ පැල්පිට ප්‍රකාශ කළේ මේ අවස්ථාවේ දී බරපතල වැරැද්දක් ආයතනය සිදුකර ඇති බවත් මින් ඉදිරියට එවැනි වැරදි සිදුනොවීම සම්බන්ධව සහතික වන බවත්ය.
සබැඳි පුවත් :
සඳගල ඉස්සුවාට පොහොට්ටු මන්ත්‍රී කෙනෙක් රිමාන්ඩ්
ජාතික ජනමාධ්‍ය ප්‍රතිපත්තිය ගැන ජනමාධ්‍ය අමාත්‍යාංශයෙන් නිවේදනයක්
ඝාතනය වූ ජ්යෙෂ්ඨ මාධ්යවේදී ඒ.නඩේසන්ව මඩකලපුවේදී සමරයි
ශ්‍රී ලංකාව BRICS වලට උනන්දුවක් තියෙනවද? මට නම් දැනෙන්නෙ නැහැ – රුසියානු තානාපති
-
පුවත්1 week ago2025ට මුදල් වෙන් කළ ව්යාපෘති රැසක් අතරමඟ
-
පුවත්1 week agoදුමින්ද දිසානායක රිමාන්ඩ් (Update)
-
පුවත්4 days ago“පත්තර මල්ලී” හෙටින් ඉවරයි
-
පුවත්5 days agoNEXTට පසු සේවක බිල්ල වැලිගම MICHELIN?; MICHELIN හි වැඩි කොටස ඉන්දියානු සියැට් ගනියි
-
ඡායාරූප සටහන1 week agoනල්ලූර් කෝවිල සමීපයේ ඉදිකළ Barista අවන්හලට ප්රදේශවාසීන්ගෙන් විරෝධය (ඡායා)