Connect with us

පුවත්

සඳගල ට විදල තියෙන්නේ දේශපාලන සහචරයෝ පිරිසක්!

Published

on

පල්ලෙකැලේ උඩමළුව පුරාවිද්‍යා රක්ෂිතයේ තිබූ සඳගල නැමැති පුරාවස්තුව සොරකම් කිරීමේ සිද්ධිය සම්බන්ධයෙන් විමර්ශන සිදුකරන අපරාධ පරීක්ෂණ දෙපාර්තමේන්තුවේ නිලධාරීන් එම සිද්ධියට සම්බන්ධ පුද්ගලයන්ගේ සම්බන්ධතා ජාලය පිළිබඳ තොරතුරු පුළුල් විමර්ශනයකින් පසු බොහෝ දුරට නිරාකරණය කරගෙන ඇති බව වාර්තා වේ .

මහනුවර ප්‍රදේශයේ ප්‍රබල දේශපාලකයකුවටා සිටින පිරිසක් මෙම සොරකමට සෘජුව දායක වී ඇති බවට මේ වන විට කරුණු අනාවරණය වී ඇති අතර එම දේශපාලකයාගේ සම්බන්ධීකරණ ලේකම්වරයෙකු, එම දේශපාලකයා සමග සමීප සම්බන්ධතා පවත්වන කුණ්ඩසාලය ප්‍රදේශයේ ප්‍රාදේශීය සභා මන්ත්‍රීවරයෙකු ඇතුලූ ව්‍යාපාරිකයෙකු එම පුරාවස්තු සොරකමට සෘජුව සම්බන්ධ වී ඇති බවට කරුණු අනාවරණය වෙමින් තිබේ. 

කුණ්ඩසාලය ප්‍රදේශයේ එම කෝටිපති ව්‍යාපාරිකයා අදාල දේශපාලකයාගේ සහ පවුලේ සාමාජිකයන්ගේ කෝටි ගණන් වූ කළු සල්ලි විවිධ පුද්ගලයන්ට පොලියට ලබාදෙමින් ලක්ෂ ගණනින් මුදල් උපයන්නෙකු බවද කියති .

දැනට එම පුරාවස්තුව කොළඹ කිසියම් ස්ථානයක සඟවා ඇතැයි සැක කරන අතර සිද්ධියේ මහමොළකරු අත්අඩංගුවට ගැනීම සඳහා අපරාධ පරීක්ෂණ දෙපාර්තමේන්තුවේ නිලධාරීන් විසින් අවශ්‍ය තොරතුරු මේ වන විටත් රැස්කරගෙන සිටි බව පැවසේ.

ඔහු අත්අඩංගුවට ගත් වහාම මෙම පුරාවස්තු කොල්ලයේ සුලමුල සහ ඊට සම්බන්ධ වූ පුද්ගලයන්ගේ තොරතුරු ජාලය හෙළිවනු ඇතැයි අපරාධ පරීක්ෂණ දෙපාර්තමෙන්තුව විශ්වසය පල කරයි.

මූලාශය – අද

පුවත්

මෙරට ප්‍රංශ තානාපති අභාවප්‍රාප්ත වෙයි

Published

on

By

ශ්‍රී ලංකාවේ ප්‍රංශ තානාපතිවරයා රාජගිරිය ප්‍රදේශයේ පිහිටි සිය නිල නිවස තුළදී මියගොස් ඇති බව පොලීසිය පවසයි.

Jean Francois Pactet මහතා මියයන විට 53 හැවිරිදි වියේ පසුවිය.

දේහය සම්බන්ධයෙන් ස්ථානීය මහෙස්ත්‍රාත් පරීක්ෂණය සිදුකිරීමට නියමිතව ඇත.

Continue Reading

කලා

ආනන්ද පෙරේරා දිවිගමනට සමුදෙයි!

Published

on

By

මෙරට ප්‍රවීණ සංගීතඥයෙකු හා ගායකයකු වූ ආනන්ද පෙරේරා මහතා අභාවප්‍රාප්ත වී තිබේ.

මියයන විට ඒ මහතා 67 හැවිරිදි වියේ පසුවිය.

මහනුවර ජාතික රෝහලේ ප්‍රතිකාර ලබමින් සිටියදී ඒ මහතා අභාවප්‍රාප්ත වී ඇත.

මෙරට අතිශය ජනප්‍රිය සංගීත කණ්ඩායමක් වූ සිහශක්ති සංගීත කණ්ඩායම මෙහෙයවනු ලැබුවේ ඔහු විසිනි.

Continue Reading

පුවත්

“රාජපක්ෂලා එක්ක ඩීල් නොදැම්මේ සජබ විතරයි”

Published

on

By

රට විනාශ කළ රාජපක්ෂවරුන් සමග ඩිල් නොදැමූ එකම පක්ෂය සමගි ජන බලවේගය පමණක් බව විපක්ෂ නායක සජිත් ප්‍රේමදාස පවසයි.

ඔහු මෙම අදහස් පල කළේ, සජිත් ජනපති කරන, ජන බලය ගොඩ නගන ජන පවුර යන මැයෙන් සමගි ජන බලවේගය සංවිධාන කළ ජන රැළියට පොළොන්නරුව – කදුරුවෙළ නගරයේදී ඊයේ (25) එක්වෙමිනි.

ශ්‍රී ලංකා නිදහස් පක්ෂයේ හිටපු නියෝජ්‍ය අමාත්‍යවරයෙකු වූ නන්දසේන හේරත්, ශ්‍රී ලංකා නිදහස් පක්ෂයේ හිටපු පාර්ලිමේන්තු මන්ත්‍රී තිලක් මහලේකම් සහ ජනතා විමුක්ති පෙරමුණේ පොළොන්නරුව මහ නගර සභාවේ හිටපු නාගරික මන්ත්‍රී සමන්ත බණ්ඩාර විපක්ෂ නායක සජිත්ප්‍රේමදාසට සහය පළ කරමින් මෙහිදී සමගි ජන බලවේගය සමග එක්විය.

පාර්ලිමේන්තු මන්ත්‍රීවරුන් ඇතුලු සමගි ජන බල වේගය නියෝජනය කරන විශාල පිරිසක් මෙම රැලිය සඳහා එක්ව සිටියහ.

Continue Reading
Advertisement

Trending

Copyright © 2023 Sri Lanka Mirror. All Rights Reserved