Connect with us

පුවත්

සමාජ මාධ්‍ය පිස්සෝ වීරයෝ කළා – මනූෂ 

Published

on

නිදහස සමරන එක වැරදියි කියන්නෙ ජාතික හැඟීමක් නැති පිරිසක් බව කම්කරු හා විදේශ රැකියා අමාත්‍ය මනූෂ නානායක්කාර මහතා කියයි. 

මනූෂ නානායක්කාර මහතා මේ බව පැවසුවේ අනුරාධපුර යොවුන් නිකේතනයේ පැවති මගෙන් පටන් ගමු ජාතික වැඩපිළිවෙල ආරම්භ කරමින් එහි තරුණ සමුළුවට එක් වෙමිනි.

රෙද්දෙ අස්සේ මහත්වරු 88/89 කාලයේ දී මිනිස්සු මරපු එක ඉල් මහ කියලා සමරන්න හොඳයි, ඒත් නිදහස සමරන එජපය වැරදියි කියනවා යැයි ද ඔහු කීය.

කාශ්‍යප වගේ රජෙක්, රටට ඩොලර් ගේන රජෙක් අපට අද සිටින බව සිහිපත් කළ අමාත්‍යවරයා, ජනාධිපති රනිල් වික්‍රමසිංහ මහතා කාශ්‍යප රජු මෙන් රට තාක්ෂණයෙන් දියුණු කළ හැකි නායකයෙක් බව පෙන්වා දුන්නේය. 

අමාත්‍ය මනූෂ නානායක්කාර මහතා මෙසේ ද කීවේය. 

“අපි ලස්සනට ඇන්දොත් තමයි අපි ගැන ප්‍රසන්න බවක් එන්නේ. පොතක පිටකවරය බලන්න එපා කිව්වාට ඇත්තමට පිටකවරයත් ලස්සනට තියෙන්න ඕනේ. හිතන්න මම මෙතනට පිළිවෙලක් නැතිව ආවා නම් ඔබ මං දිහා බලනවාද? ඒ කියන්නේ අපිට බාහිර පෙනුම වගේම ඇතුලත් ප්‍රසන්න වීම ඉතාම වැදගත්. අපි වෙනස් වෙනකොට අපේ බාහිර පෙනුමේ ඉදන්ම වෙනස් කරන්න ඕනෙ. ඒක වෙනස් කරන්න පුළුවන් වෙන්නේ ඔබට පමණයි. ආණ්ඩුවට ඒක කරන්න බැහැ. ඇත්තමට මගෙන් තමයි පටන් ගන්න ඕනේ. වෙනස් වෙන්න නම් අනිත් හැමෝටම කලින් තමන් වෙනස් වෙන්න ඕනේ ඒ කියන්නේ මගෙන් තමයි පටන් ගන්න ඕනේ.”

අපි බැලුවේ දොස්තර හොඳ හිත

“අපි බැලුවේ දොස්තර හොඳ හිත වගේ කාටුන්. ඒකේ හිටියා හැමදේමට නෑ බෑ කියලා කියන චව් චව් කියලා කෙනෙක්. අදත් ඒ වගේම වේදිකා වල හැමදේටම නෑ බෑ කියන චව්චව්ලා ඉන්නවා. මතකද සූර පප්පා කාටුන් එක. හැමදාම ගෝල දේශයේ අය රෝමයට හැහුවා. නමුත් රෝමය හැමදාම නැගී සිටියා. මේ කාටුන් එකේ වගේම සැබෑවටත් රෝමයට ඉතිහාසයේ ඉදන්නම ප්‍රහාර වලට ලක්වුනා. ඒත් රෝමයට සුවිශේෂී ඉතිහාසයක් තියෙනවා. අපිට රෝමය කිව්වාම ගොඩක් දේවල් මතකයට නැගෙනවා. රෝමයට මොන ප්‍රහාර එල්ල වුනත් ශක්තිමත්ව ගොඩ නැගුනා. ඒ වගේම අද තානාපති කාර්යාල වලට ඩොලර් යොදා ගෙන අපිට ගහනවා ඒත් අපි රෝමය වගේ ඉතා ශක්තිමත්ව නොසැලී ගොඩ නැගෙනවා. අපේ කාලයේදී ජීවිතය ජයගත්ත ඔෂින් තමයි වීරයෝ කියලා දැක්කේ.”

සමාජ මාධ්‍ය පිස්සෝ වීරයෝ කළා

” පසුව වෙනස් වීරයෝ පිරිසක් ආවා. සල්ලිකාරයන්ගෙන් සල්ලි අරගෙන දුප්පත් අයට දුන්න රොබින් හුඩ් වගේ චරිත පසු කාලීනව වීරයෝ වුනා. එහිදී නිකම් හිටියට කමක් නෑ තියෙන තැනින් ගෙනත් දෙන්නම් කියලා මානසිකත්වයක් තමයි නිර්මාණය වුනේ. මේත් එක්කම නිකම් දෙන්නම් කියන විරයෝ බිහි වුනා. මේ අය ඇට දෙන්නම්, පාන් තුනයි පනහට දෙන්නම් කිව්වා. මේවායින් මිනිස්සු පුලන්නෝ බවට පත් කළා. අද පිරිසක් පිට රට ඉදන් ෆේස්බුක් එකෙන් වීරයෝ වෙනවා. ඒ අය වෙනත් අයගෙන් සල්ලි අරගෙන බෙදලා දෙනවා නැත්තම්. ඒ වගේම තර්ජනය කරලා මත හදන්න කටයුතු කරනවා. තමන්ට අවශ්‍ය දෙවල් කරගන්න බැරි වෙනකෙට ව්‍යාධි තත්ත්වයක් ඇතිවෙනවා. ෆේස්බුක් අවාම මේ ව්‍යාධි තත්ත්වයන් තියෙන සියලුදෙනාම ෆේස් බුක් එකට ආවා. ඉතින් දැන් අපිට පේන්නේ මුළු රටේම ඉන්නේ පිස්සෝ කියලයි. අද වෙනකොට සමාජ මාධ්‍ය මගින් පිස්සො ටිකක් වීරයෝ කරලා තියෙනවා.”

මගෙන් පටන්ගමු වැඩසටහන ආරම්භ කිරීමට පෙර අමාත්‍යවරයා ඩී.එස්. සේනානායක පිළිරුවට මල් මාළාවක් පළදවනු ලැබීය. 

පුවත්

ඔටිසම් තත්ත්වයෙන් පෙළෙන ළමුන් වෙනුවෙන් දිවා සුරැකුම් මධ්‍යස්ථාන

Published

on

By

ඔටිසම් තත්ත්වය සහ ස්නායු සංවර්ධනය පිළිබඳ ගැටලුවලින් පෙළෙන ළමුන් වෙනුවෙන් ප්‍රතිකාර හා දිවා සුරැකුම් මධ්‍යස්ථාන පිහිටුවීම සඳහා ජාතික මට්ටමේ යාන්ත්‍රණයක් සකස් කිරීමේ ඒකාබද්ධ සැලැස්මක සංකල්පීය යෝජනාව සති දෙකක් ඇතුළත ඉදිරිපත් කරන කරන ලෙස ජනාධිපති ලේකම් ආචාර්ය නන්දික සනත් කුමානායක මහතා අදාළ නිලධාරීන්ට උපදෙස් ලබා දුන්නේය.

ජනාධිපති අනුර කුමාර දිසානායක මහතාගේ සංකල්පයකට අනුව ක්‍රියාත්මක කරන මෙම වැඩසටහන පිළිබඳව ප්‍රජාශක්ති ලේකම් කාර්යාලයේ මෙහෙයවීමෙන් ඊයේ (09) පස්වරුවේ පැවති සාකච්ඡාවකදී ජනාධිපති ලේකම්වරයා විසින් මෙලෙස අදාළ නිලධාරීන්ට උපදෙස් ලබා දෙන ලදී. මෙම වැඩසටහන, ඊට අදාළ රේඛීය අමාත්‍යාංශ සහ ආයතන මගින් ක්‍රියාත්මක කෙරෙන අතර ජනාධිපති ලේකම් කාර්යාලය මගින් සම්බන්ධීකරණ කටයුතු සිදු කෙරේ.

මෙහිදී, මෙවර අයවැයෙන් කාන්තා හා ළමා කටයුතු අමාත්‍යාංශයට වෙන් කර තිබෙන රුපියල් මිලියන 250ක ප්‍රතිපාදන සමාජසේවා දෙපාර්තමේන්තුව මගින් දිස්ත්‍රික් ලේකම්වරුන්ට ලබා දීම, එම දිවා සුරැකුම් මධ්‍යස්ථාන ක්‍රියාත්මක කිරීමට අවශ්‍ය මානව සම්පත් සංවර්ධන සැලැස්මක් සකස් කිරීම, මෙම වැඩසටහන අදාළ රේඛීය ආයතන සම්බන්ධ කර ගනිමින් ක්‍රියාත්මක කිරීමට විද්‍යාත්මක පසුබිමක් සහිත නව මොඩලයක් සකස් කිරීම ඇතුළු කරුණු පිළිබඳව සාකච්ඡා විය. එම කරුණුවලින් සමන්විත යාන්ත්‍රණයක් සකස් කිරීමේ සංකල්පීය යෝජනාව සති දෙකක් ඇතුළත සකස් කරන ලෙසට ජනාධිපති ලේකම් ආචාර්ය නන්දික සනත් කුමානායක මහතා එහිදී නිලධාරීන්ට වැඩිදුරටත් උපදෙස් ලබා දුන්නේය.

ජනාධිපති ජ්‍යෙෂ්ඨ අතිරේක ලේකම් කපිල ජනක බණ්ඩාර, කාන්තා හා ළමා කටයුතු අමාත්‍යාංශයේ ලේකම් කේ.ඩී.ආර්. ඔල්ගා, ග්‍රාමීය සංවර්ධන, සමාජ ආරක්ෂණ සහ ප්‍රජා යටිතල පහසුකම් අමාත්‍යාංශයේ ලේකම් සම්පත් මන්ත්‍රීනායක, අතිරේක ලේකම්  එච්.ඒ.හේමා පෙරේරා,  සමාජ සේවා දෙපාර්තමේන්තුවේ අධ්‍යක්ෂ දර්ශනී කරුණාරත්න, සෞඛ්‍ය හා ජනමාධ්‍ය අමාත්‍යාංශයේ ප්‍රජා සෞඛ්‍ය අංශයේ අධ්‍යක්ෂ විශේෂඥ වෛද්‍ය වරුණි රසාදරි, ප්‍රජා සෞඛ්‍ය නියෝජ්‍ය අධ්‍යක්ෂ විශේෂඥ වෛද්‍ය ආසිරි හේවාමාලගේ සහ රිජ්වේ ආර්යා රෝහලේ නියෝජ්‍ය අධ්‍යක්ෂ වෛද්‍ය සංතුශිත සේනාධිපති යන මහත්ම මහත්මීහු ඇතුළු පිරිසක් මෙම අවස්ථාවට එක්ව සිටියහ.

Continue Reading

පුවත්

සිංගිමලේ ජලාශයෙන් ජලය ලබා ගැනීම තාවකාලිකව නතර කරයි

Published

on

By

හැටන් – සිංගිමලේ ජාලාශයෙන් ජලය ලබා ගැනීම ජල සම්පාදන මණ්ඩලය විසින් තාවකාලිකව නතර කර තිබේ.

ඒ සිංගිමලේ ජලාශයට පාසල් සිසුවෙකු වැටී ජීවිතක්ෂයට පත්වීමත් සමගය.

එම සිද්ධියෙන් පසු අඹගමුව ප්‍රාදේශිය සෞඛ්‍ය වෛද්‍ය නිලධාරිවරයා ඇතුලු පිරිසක් අද එම ජලාශ පරීක්ෂාවක යෙදී ඇති බව සඳහන්ය.

අනතුරුව සිදුකළ පරික්ෂාවකදී අනාවරණය වී ඇත්තේ දැනට සිංගිමලේ ජලාශයේ ජලය පානය සදහා සුදුසු නොවන බවටය.

එතෙක් වෙනත් ජල මූලාශ්‍රයකින් ජලය ලබා ගෙන පිරිපහදු කොට පාරිභෝගිකයන්ට සීමා සහිතව පානීය ජලය නිකුත් කිරීමට බලධාරීන් තීරණය කර තිබේ.

පසුගිය 09 වනදා සිංගිමලේ ජලාශයට වැටීමෙන් 18 හැවිරිදි පාසල් සිසුවෙකු ජීවිතක්ෂයට පත් විය.

Continue Reading

පුවත්

කොටස් වෙළෙඳපොළෙන් නව වාර්තාවක්

Published

on

By

කොළඹ කොටස් වෙළෙඳපොළ ඉතිහාසයේ සියලු කොටස් මිල දර්ශකය මෙතෙක් ඉතිහාසයේ වාර්තා කරන ලද ඉහළම අගය ඊයේ (09) දිනයේ දී සනිටුහන් වූ අතර එහිදී දිනය අවසානයේ දී සියලු කොටස් මිල දර්ශකය ඒකක 18,161.49 ක් දක්වා ඉහළ ගොස් තිබුණි.

මෙය පූර්ව ගනුදෙනු දිනයට සාපේකේෂව ඒකක 129.37ක ඉහළ යාමකි.

එහි දී සමාගම් 125ක කොටස් මිල ගණන් ඉහළ ගිය අතර එය සියලු කොටස් මිල දර්ශකයේ හැසිරීමට ඉහළ ධනාත්මක දායකත්වයක් ලබා දී තිබුණි.

අද (10) ගනුදෙනු පිරිවැටුම දැක්වුනේ රුපියල් බිලියන 5.98 ක් ලෙසය.

Continue Reading
Advertisement

Trending

Copyright © 2023 Sri Lanka Mirror. All Rights Reserved