විශ්ව විද්යාල සිසුන්ට ලබාදෙන මහපොළ හා ශිෂ්යාධාර මුදල් මාස 04ක් පුරා ලබාදී නැති බව වාර්තා වේ.
සිසුන්ට ලබාදෙන මෙම මහපොළ හා ශිෂ්යාධාර මුදල් අවසන් වරට ලබා දී ඇත්තේ ඉකුත් අප්රේල් මාසයේදී වන අතර ඒ වනවිටත් මාස 02ක මුදල් හිඟව පැවති බව විශ්ව විද්යාල සිසුහු පවසති.
විශ්ව විද්යාල අධ්යාපනයේ යෙදෙන සිසුවෙක් වෙනුවෙන් මේ වනවිට ලබාදෙන මහපොළ ආධාර මුදල රුපියල් 5000ක් වන අතර ශිෂ්යාධාර මුදල රුපියල් 4000කි. උසස් අධ්යාපනය වෙනුවෙන් විශ්ව විද්යාල සිසුවෙක්ට මේ අතරින් එක් ආධාර මුදලක් ලබාදීම සිදුවේ.
සිසුන් පවසන්නේ තමන් වෙත ලබාදුන් මෙම මහපොළ හා ශිෂ්යාධාර මුදල් නොලැබී යාම හේතුවෙන් දැඩි අපහසුතාවයකට පත්ව ඇති බවය.
මේ අතර මාස 2කකට අධික කාලයක් අඛණ්ඩව ක්රියාත්මක වූ විශ්වවිද්යාල අනධ්යයන කාර්ය මණ්ඩලයේ විධායක ශ්රේණියේ නිලධාරීන් සිය වර්ජනය අත්හැරීමට තීරණය කල බව ඊයේ දැනුම් දීම සිදුවිය.විශ්වවිද්යාල ප්රතිපාදන කොමිෂන් සභාවේ සභාපති ජ්යෙෂ්ඨ මහාචාර්ය සම්පත් අමරතුංග මහතා සමග පැවති සාකච්ඡාවකින් අනතුරුව විධායක ශ්රේණියේ නිලධාරීන් වර්ජනය අතහැරීමට තීරණයක් ගෙන තිබේ.
නමුත් මාස දෙකකට අධික කාලයක් ක්රියාත්මක කර තිබෙන විශ්වවිද්යාල අනධ්යයන සේවකයන් වැඩ වර්ජනය අවසන් නොකළ බවත් වැඩ වර්ජනය අවසන් කළේ යැයි කියන විශ්වවිද්යාල අනධ්යයන කාර්ය මණ්ඩලයේ විධායක ශ්රේණියේ නිලධාරීන් 500 ක් පමණක් සිටින බවත් විශ්වවිද්යාල වෘත්තිය සමිති ඒකාබද්ධ කමිටුවේ සම සභාපති ධම්මික එස්. ප්රියන්ත මහතා පවසයි.
විශ්වවිද්යාල අනධ්යයන සේවකයන් 12,000 කට අධික සංඛ්යාවක් මේ දක්වා වර්ජනයේ නිරතව සිටින බව කී ප්රියන්ත මහතා ඉල්ලීම් ලැබෙනතුරු වර්ජනය අත්නොහරින බවද සඳහන් කළේය.
සබැඳි පුවත්
තවත් පිරිසක් වර්ජනය අත්හරී
