Connect with us

පුවත්

සල්ලි තිබුණට පළාත් පාලනයට පොහොට්ටුවේ කල්ලි කිහිපයක් විරුද්ධයි

Published

on

යෝජිත පළාත් පාලන මැතිවරණය මාස කිහිපයකින් කල් දමන ලෙස පොහොට්ටුවට සම්බන්ධ ප්‍රාදේශීය සභා සහ නගර සභා සභාපතිවරුන් පිරිසක් ජනාධිපතිවරයාගෙන් ඉල්ලීමක් කර තිබේ.

පසුගිය බදාදා ජනාධිපතිවරයා මුණගැසුණු පොහොට්ටුව පක්ෂයට සම්බන්ධ පළාත් පාලන ආයතන ප්‍රධානීන් 47 දෙනකු මෙම ඉල්ලීම කළ බව වාර්තා වේ.

පවත්නා ආර්ථික තත්ත්වය යටතේ ජනතාව ඡන්දයකට මුහුණ දීමට තරම් සුදුසු වාතාවරණයක නොමැති බව ප්‍රකාශ කර ඇති පළාත් පාලන ප්‍රධානීන් මැතිවරණය සඳහා රජයට මෙන්ම තමන්ටත් විශාල වියදමක් දැරීම අපහසු බව පෙන්වා දී ඇති බව වාර්තා වේ.

ඔවුන්ගේ ඉල්ලීමට ප්‍රතිචාර දක්වා ඇති ජනාධිපතිවරයා පවත්නා ආර්ථික තත්ත්වය ගැන ද සලකා බලා අදාළ අංශ මැතිවරණය සම්බන්ධයෙන් තීන්දුවක් ගනු ඇතැයි අපේක්ෂා කරන වග සඳහන් කර තිබේ.

අග්‍රාමාත්‍ය දිනේෂ් ගුණවර්ධන, පොහොට්ටු මහලේකම් සාගර කාරියවසම් හා පළාත් පාලන රාජ්‍ය අමාත්‍ය ජානක වක්කුඹුර යන මහත්වරුද මෙම හමුවට එක්ව සිට ඇත.

සල්ලි තියෙනවා…

මේ අතර, මෙවර පළාත් පාලන මැතිවරණය සඳහා මුදල් අමාත්‍යාංශය විසින් මුදල් වෙන්කර ඇතැයි මැතිවරණ කොමසාරිස් ජනරාල් සමන් ශ්‍රී රත්නායක මහතා කියයි.

ඒ අනුව ඕනෑම අවස්ථාවක මැතිවරණයක් පැවැත්වීම සඳහා සූදානමින් මැතිවරණ කොමිසම මුදල් වෙන්කරගෙන තිබෙන බව මැතිවරණ කොමසාරිස් ජනරාල්වරයා කියා සිටී.

ලබන වසරේ (2023) පැවැත්වෙන පළාත් පාලන මැතිවරණයට රුපියල් බිලියන 10 ක ප්‍රතිපාදන වෙන්කර ඇතැයිද සඳහන් කරයි.

පළාත් පාලන මැතිවරණය පැවැත්වීමට නියමිත වූයේ මේ වසරේදී (2022) බවත්, ඒ අනුව ඊට අදාළ ඇස්තමේන්තු කල් ඇතිවම මුදල් අමාත්‍යාංශයට යවා ඇති බවත් ඔහු කීවේය. එමෙන්ම, පළාත් සභා මැතිවරණයද ඕනෑම අවස්ථාවක පැවැත්වීමට හැකි බවද කොමසාරිස් ජෙනරාල්වරයා සඳහන් කර සිටී.

ඉකුත් පාර්ලිමේන්තු මැතිවරණය සඳහා රුපියල් බිලියන 5.8 ක මුදලක් වැයවූ බවද ඔහු මාධ්‍යට හෙළිකර තිබේ.

මැතිවරණ කොමිසම විසින් පළාත් පාලන මැතිවරණය ලබන වසරේ (2023) මාර්තු මස 19 වැනිදාට පෙර පවත්වා පළාත් පාලන ආයතන 341 ට අදාළව පළාත්පාලන සභිකයන්ගේ නම් ලැයිස්තුව ගැසට් කළයුතු බවද කියා සිටී.

2017 අංක 16 දරන පළාත් පාලන ඡන්ද විමසීමේ පනත අනුව මිශ්‍ර සමානුපාතික නියෝජන ක්‍රමය යටතේ කොට්ඨාස මට්ටමින් සහ අතිරේක ලැයිස්තුවට අදාළව සභිකයන් ගැසට් කිරීම සිදු කෙරෙන බවද කොමසාරිස් ජෙනරාල්වරයා පවසා ඇත.

සාමාන්‍යයෙන් මැතිවරණයක් පැවැත්වීමට දින 60 ත් 65 ක පමණ කාලයක් ගතවන බවත්, එම හේතුව මත මෙම මස අවසන් සතියේ නාමයෝජනා දිනය පිළිබඳ අවසන් නිවේදනය යැවීමට කොමිෂන් සභාව තීරණය කළ බවත් මැතිවරණ කොමසාරිස් ජනරාල් සඳහන් කරයි.

මැතිවරණය සම්පූර්ණයෙන්ම නීතිමය ක්‍රියාවලියක් බවත්, ඒ අනුව පළමුව නාමයෝජනා කැඳවීමේ නිවේදනය නිකුත් කරන බවත් කොමසාරිස් ජනරාල්වරයා කියා සිටී.

පළාත් පාලන මැතිවරණය ප්‍රකාශයට පත්කිරීමේ බලය මැතිවරණ කොමිසම සතුව පවතින බවත්, එය නීතිමය වශයෙන් ලැබුණු බලයක් බවත් ඔහු පෙන්වාදෙයි.

පුවත්

ග්‍රාමීය සංවර්ධනයට රජයෙන් බිලියන 20 ක්

Published

on

By

ග්‍රාමීය ජනතාවට අවශ්‍ය පහසුකම් සැලසීමට මෙන්ම අඩු ආදායම්ලාභී පවුල්වල ජීවන තත්ත්වයන් නංවාලීමේ ව්‍යාපෘති රැසක් ඉදිරි මාස කිහිපය තුළ ක්‍රියාත්මක කිරීමට රජය සැලසුම් කර ඇත.

කෘෂිකර්ම හා වැවිලි කර්මාන්ත අමාත්‍ය මහින්ද අමරවීර මහතා පවසන්නේ, එම වැඩ කටයුතු සඳහා රජය විසින් රුපියල් බිලියන 20.6ක මුදලක් වැය කිරීමට පියවර ගන්නා බවට ජනාධිපති රනිල් වික්‍රමසිංහ මහතා අමාත්‍ය මණ්ඩලය දැනුම්වත් කළ බවය.

මේ හේතුවෙන්, හැකි තරම් නව කෘෂිකාර්මික ව්‍යාපෘති සකසන්නැයි අමාත්‍යවරයා විසින්  නිලධාරීන්ට උපදෙස් ලබා දී තිබේ.

එම කෘෂිකාර්මික ව්‍යාපෘති ගම්මානවල ගොවි ජනතාවගේ ආදායම් තත්ත්වයන් ඉහළ නැංවීම, ඔවුන්ගේ යටිතලපහසුකම් සංවර්ධනය සහ නව කෘෂි තාක්ෂණය ඉලක්ක කර ගනිමින් සකසන ලෙසද මෙහිදී මහින්ද අමරවීර අමාත්‍යවරයා උපදෙස් දී ඇති බව සඳහන්ය.

කෘෂිකර්ම හා වැවිලි කර්මාන්ත අමාත්‍යාංශයේදී පැවති සාකච්ඡාවක් අමතමින් අමාත්‍යවරයා මෙම උපදෙස් ලබා දී ඇත.

Continue Reading

පුවත්

“ආර්ථික පරිවර්තන පනත ඉතා භයානකයි”

Published

on

By

ආණ්ඩුව පාර්ලිමේන්තුවට ඉදිරිපත් කර ඇති ආර්ථික පරිවර්තන පනත ඉතා භයානක ප්‍රතිඵල ගෙන දෙන පනතක් යයි පාර්ලිමේන්තු මන්ත්‍රී මහාචාර්ය ජී.එල් පීරිස් මහතා කොළඹ අද (27) පැවති මාධ්‍ය හමුවකදී පැවසීය.

මේ වන විට පවතින්නේ ජනවරමක් රහිත පාර්ලිමේන්තුවක් බැවින් එමගින් මෙවැනි පනතක් සම්මත කර ගැනීම ඉතා භයානක බවද මහාචාර්යවරයා කීය. 

මන්ත්‍රීවරයා වැඩිදුරටත් කියා සිටියේ රජය ලාභ ලබන ආයතන ලහි ලහියේ විකුණා දැමීමට අවශ්‍යය පිඹුරුපත් කඩිනමින් සකස් කරන බව දැනගන්නට ලැබී ඇති බවය

ජනතා ගැටලු විසඳීම සඳහා අභිනව පාර්ලිමේන්තුවක අවශ්‍යතාවය  වර්තමාන සමාජය තුළින් පිළිබිඹු වන බව කී ඒ මහතා තරුණ පරපුර ඇමතීම සියලු පක්ෂ නායකයින්ගේ යුතුකම බවත් අනාගතයේ ජීවනාලිය  ඔවුන් බවඅමතක නොකළ යුතු යයිද සඳහන් කළේය

වත්මන් ආණ්ඩුව  මැතිවරණවලට දක්වන බිය සුළු බව හේතුවෙන් මුදල් නොමැති යැයි පවසා මැතිවරණ කල් දැමීමට අර  අඳිමින් සිටින බව පැවසූ මහාචාර්යවරයා ඒ සඳහා නොයෙකුත් උපක්‍රම යොදමින් සිටින බවද පැවසීය

පළමුව පැවැත්වෙන්නේ පාර්ලිමේන්තු මැතිවරණයද ජනාධිපතිවරණයද යන්න ගැන ජනතාව කිසියම් කුතුහලයකින් පෙළෙන බව පැවසූ මන්ත්‍රීවරයා ආණ්ඩුක්‍රම ව්‍යවස්ථාවට අනුව ජනාධිපතිවරණය අනිවාර්යයෙන්ම පැවැත්විය යුතු බව සඳහන් කළේය

Continue Reading

පුවත්

මුදවාගැනීමේ මෙහෙයුමකට මන්ත්‍රීවරු 3ක් තායිලන්තයට

Published

on

By

විපක්ෂයේ මන්ත්‍රීවරුන් තිදෙනෙක් අද (27) අලුයම තායිලන්තය බලා පිටත්ව ගියහ.

ඒ, මියන්මාරයේ සයිබර් අපරාධ කලාපයේ ත්‍රස්ත ග්‍රහණයේ සිටින ශ්‍රී ලාංකිකයින් සහ රුසියානු – යුක්‍රේන යුද්ධයට මැදිවී රුසියාවේ සිටින ශ්‍රී ලාංකික රණවිරුවන් බේරාගෙන යළි ශ්‍රී ලංකාව වෙත රැගෙන ඒමේ රාජ්‍යතාන්ත්‍රික මෙහෙයුම සඳහා එම රටවල රාජ්‍යතාන්ත්‍රික නිලධාරීන් සහ තෙවන පාර්ශ්වයන් සමග සාකච්ඡා කර වැඩපිළිවෙළක් සකස් කිරීම සඳහාය.

මෙම විපක්ෂ මන්ත්‍රී කණ්ඩායමට නීතීඥ වසන්ත යාපා බණ්ඩාර, ජේ.සී. අලවතුවල සහ සුජිත් සංජය පෙරේරා යන මන්ත්‍රීවරුන් ඇතුළත් වේ.

ඔවුන් මියන්මාරයේ සහ රුසියාවේ දින 05 බැගින් ගත කරමින් මෙම මෙහෙයුම දියත් කිරීමට නියමිතය.

මන්ත්‍රීවරුන් පිරිස ත්‍රෛනිකායික මහනාහිමිවරුන්ගේ සහ විපක්ෂ නායකවරයාගේ ඉල්ලීම් රැගත් ලිපි, මියන්මාරය සහ රුසියාව බලා පිටත්ව ගොස් තායිලන්තයේ සහ මියන්මාරයේ සංඝනායක හිමිවරුන් සහ රුසියාවේ රාජ්‍යතාන්ත්‍රික නිලධාරීන් හමුවී භාරදීමට ද නියමිත බවට වාර්තා වේ.

පිරිස අද අලුයම 01.10ට පමණ ශ්‍රී ලන්කන් ගුවන් සේවයේ UL – 402 දරන ගුවන්යානයෙන් තායිලන්තයේ බැංකොක් නුවර බලා පිටත්ව ගොස් ඇත.

Continue Reading
Advertisement

Trending

Copyright © 2023 Sri Lanka Mirror. All Rights Reserved