Connect with us

පුවත්

සාගරය ජාත්‍යන්තර දේශපාලන අරගල බිමක් නොවිය යුතුය – චීනය

Published

on

සාගරය, ජාත්‍යන්තර දේශපාලන අරගල බිමක් නොවිය යුතු බව චීනය පවසයි.

චීන විදේශ අමාත්‍ය සහකාර Miao Deyu මහතා මේ බව කියාසිටියේ, අද (5) පැවති “මහාද්වීපික තටකය හා කලාපීය පාලන තන්ත්‍රවල තාක්ෂණික සහ නීතිමය අංශ” පිළිබඳ 7 වැනි ජාත්‍යන්තර වැඩමුළුව වීඩියෝ තාක්ෂණය ඔස්සේ අමතමිනි.

“එක්සත් ජාතීන්ගේ සාගර නීතිය පිළිබඳ සම්මුතිය” බලාත්මක වීමේ 30 වැනි සංවත්සරය මෙම වසරට යෙදී ඇත. භූ දේශපාලනික ආත්මාර්ථකාමී අවශ්‍යතා මුල්කර ගනිමින් ඇතැම් රටවල් එම සම්මුතිය වැරදි ලෙස අර්ථකථනය කර, අනිසි ලෙස භාවිත කරන බව Miao Deyu මහතා එහිදී පෙන්වා දුන්නේය. එසේම, ඔවුන් ඒකපාර්ශ්වවාදය අනුගමනය කරමින් සමුද්‍රීය ආධිපත්‍යය හිමිකර ගැනීමට උත්සාහ දරන බව ද ඔහු පැවසීය.

වර්තමානයේ මානව ක්‍රියාකාරකම්, සමුද්‍ර තාක්ෂණික නවෝත්පාදන සහ දේශගුණික විපර්යාස හේතුවෙන් ගෝලීය සාගර පාලනයට නව ගැටලුකාරී තත්ත්ව රැසක් උද්ගත ව පවතී. ජාත්‍යන්තර ප්‍රජාව එක්ව එම ගැටලු කඩිනමින් විසඳා ගත යුතු බව ද Miao Deyu මහතා කියාසිටියේය.

(දිනමිණ)

පුවත්

නාඳුනන මළ සිරුරක් හමුවේ

Published

on

By

කයිට්ස් මඩත්තවේලි ප්‍රදේශයේ තිබී නාඳුනන පිරිමි පුද්ගලයෙකුගේ මළ සිරුරක් හමුව තිබේ.

පොලීසිය පැවසුවේ ඊයේ (14) සවස කයිට්ස් පොලීසියට ලද තොරතුරක් මත අදාළ විමර්ශන කටයුතු ආරම්භ කළ බවය.

මෘත ශරීරය සම්බන්ධයෙන් හදිසි මරණ පරීක්ෂණය සිදුකර ඇති අතර මෙතෙක් ඔහුගේ අනන්‍යතාවය තහවුරු කරගෙන නොමැත.

මෙම පුද්ගලයා අවුරුදු 45ත් 50 අතර උස අඩි 05යි අඟල් 02 ක් පමණ වන අයෙක් බව පොලීසිය පවසයි.

සිරුර යාපනය රෝහලේ තැන්පත් කර ඇති අතර කයිට්ස් පොලීසිය වැඩිදුර විමර්ශන සිදුකරයි

Continue Reading

පුවත්

කොළඹ වරායට පැමිණි නිර්වින්දන ඖෂධ බෙදාහැරීමට සැලසුම්

Published

on

By

කොළඹ වරායට රැගෙන ආ නිර්වින්දන ඖෂධ තොගය අද (15) දිනයේ බෙදාහැරීමට සැලසුම් කර ඇතැයි සෞඛ්‍ය අමාත්‍යාංශය පවසයි.

එහි වෛද්‍ය සැපයුම් අංශයේ අධ්‍යක්ෂ, නියෝජ්‍ය අධ්‍යක්ෂ ජනරාල් වෛද්‍ය ජි විජේසූරිය මහතා පැවසුවේ, එතෙක් පෞද්ගලික ආයතන වලින් අදාළ ඖෂධ මිලදී ගෙන සැත්කම් සිදුකරන්නැයි රෝහල් අධ්‍යක්ෂවරුන්ට උපදෙස් දුන් බවය.

ජාතික රෝහලේ ශල්‍යාගාරවල නිර්වින්දන ඹෟෂධ හිඟයක් පවතින බවද වාර්තා වේ.

ජාතික රෝහලේ ආරංචි මාර්ග සඳහන් කළේ, ඒ හේතුවෙන් සැත්කම් අවලංගු කිරීමට සිදුව ඇති බවයි.

Continue Reading

පුවත්

ජනපතිට වසරක දිගුවක් !

Published

on

By

ජනමත විචාරයකින් තොරව පාර්ලිමේන්තුවේ තුනෙන් දෙකක බහුතරයකින් ජනාධිපති ධූර කාලය දීර්ඝ කර ගැනීමේ හැකියාව පිළිබඳව මේ වන විට සාකච්ඡා වෙමින් පවතින බව “මවුබිම” පුවත්පත වාර්තා කර තිබේ.

මේවන විට මේ පිළිබඳව නීති ක්ෂේත්‍රයේ විශාදයින්ගේ මතය විමසීමට ජනපතිවරයාට හිතවත් පාර්ශව කටයුතු කර ඇති බවත්, ඔවුන්ගේ මතය වී ඇත්තේ ජනපතිවරයාගේ ධූර කාලය මේ අයුරින් වසර 5 සිට 6 දීර්ඝ කිරීමට අවස්ථාවක් ඇති බව යැයි එම පුවත්පත වැඩිදුරටත් වාර්තා කර ඇත.

2015 ආණ්ඩුක්‍රම ව්‍යවස්ථාවේ 19 වැනි සංශෝධනයෙන් ජනපතිවරයාගේ වසර 6ක්ව පැවැති ධූර කාලය වසර 5ක් දක්වා ඒ අවස්ථාවේ අඩුකාලා සේම, පාර්ලිමේන්තුවේ 2/3 බහුතරයකින් ධූර කාලය වසර 5 සිට 6 දක්වා දීර්ඝ කර ගැනීමට හැකියාව පවතින බව ජැමෙයිකා තාක්ෂණ විශ්ව විද්‍යාලයේ හිටපු මහාචාර්ය නීතීඥ ප්‍රතිභා මහානාම මහතා සදහන් කරන බවද පැවසේ.

ඒ අවස්ථාවේ ජනමත විචාරණයක් නොපැවැත්වුණ බවද ඔහු කියා සිටී.

78 ආණ්ඩුක්‍රම ව්‍යවස්ථාවට අනුව 83(ආ) ව්‍යවස්ථාවේ ඇත්තේ ජනාධිපතිවරයාගේ ධූර කාලය හා පාර්ලිමේන්තුවේ ධූර කාලය සය අවුරුද්දක් ඉක්මවා දීඝ කරන්නා වූ පනත් කෙටුම්පතක් පාර්ලිමේන්තුවේ 2/3කින් සහ ජනමත විචාරණයකින් සම්මත විය යුතු බවයි.

යම් හෙයකින් ජනපතිවරයාට 2/3ක බහුතරයක් නැතිවුවහොත් ජාතික වැදගත්කමින් යුත් කාරණයක් ලෙස ජනමත විචාඑණයකින් සම්මත කර ගැනීමට හැකියාව පවතින බවද පැවසේ.

Continue Reading

Trending

Copyright © 2023 Sri Lanka Mirror. All Rights Reserved