Connect with us

පුවත්

සාලි හඬපට තොගයක් CIDයට දෙයි : තිළිණි, ජානකී හවුල හෙළිවෙයි

Published

on

තිකෝ සමූහ ව්‍යාපාරයේ හිමිකාරිය වන තිලිණි ප්‍රියමාලි සහ ක්‍රිෂ් සමූහ ව්‍යාපාරයේ විධායක අධ්‍යක්ෂ ජානකී සිරිවර්ධන විසින් සිදුකර ඇතැයි කියන මහ පරිමාණ රහස් මූල්‍ය ගනුදෙනුවලට අදාළ හඬපට 30ක් හිටපු ආණ්ඩුකාර අසාද් සාලි මහතා, අපරාධ පරීක්ෂණ දෙපාර්තමේන්තුව වෙත ඊයේ (26) භාරදී තිබේ.

අපරාධ පරීක්ෂණ දෙපාර්තමේන්තුව පසුගිය ඔක්තෝබර් 05දා අත්අඩංගුවට ගත් තිලිණි ප්‍රියමාලි සිදුකර තිබෙන මූල්‍ය ගනුදෙනු රැසකට අදාළව ඉකුත් මැයි 03 වැනිදා දක්වා හඬපට විමර්ශන කටයුතු සඳහා භාරදුන් බව හිටපු ආණ්ඩුකාර අසාද් සාලි මහතා මාධ්‍යට පවසා ඇත.

තිලිණි ප්‍රියමාලිගේ තිකෝ සමූහ ව්‍යාපාරයේ බිලියන ගණනින් තැන්පත් කළ ප්‍රකෝටිපතියන් යළි මුදල් ඉල්ලා සිටින අවස්ථාවේදී ‘ඔය මුදල් ඉක්මනට ලැබෙනවා. කලබල වෙන්න එපා.’ කියමින් ව්‍යාපාරිකයන් ඇතුළු පිරිස සැනසූ කඩවත ප්‍රදේශයේ විහාරස්ථානයේ ස්වාමින් වහන්සේ නමක් සම්බන්ධයෙන්ද අපරාධ පරීක්ෂණ දෙපාර්තමේන්තුව විශේෂ විමර්ශනයක් ආරම්භ කර තිබේ.

එම විහාරස්ථානයේ කිලෝ ග්‍රෑම් 2500ක් බර විශාල රන් කැටයක් තිබෙන බව පවසමින් විශාල පිරිසක් මුළාකර තිබෙන බවද විමර්ශනවලදී අනාවරණය වී තිබේ.

එම රන් කැටයේ ඡායාරූපද තිලිණි ප්‍රියමාලි සහ ජානකී සිරිවර්ධන ඇතුළු පිරිසක් එකට සිටින ඡායාරූප රැසක්ද විමර්ශන කටයුතු සඳහා අපරාධ පරීක්ෂණ දෙපාර්තමේන්තුවට භාරදුන් බව හිටපු ආණ්ඩුකාර අසාද් සාලි මහතා හෙළිකර තිබේ.

තිලිණි ප්‍රියමාලිගේ පෙම්වතා බව කියන දැනට රිමාන්ඩ් භාරයේ සිටින ඉසුරු බණ්ඩාරට අයත් බව කියන පිළිමතලාවේ නිවසක්ද පරීක්ෂා කිරීමෙන් අනතුරුව, එහි තිබී රන් ආලේපිත කුට්ටි තොගයක්ද සොයාගත් බව අපරාධ පරීක්ෂණ දෙපාර්තමේන්තුවේ විමර්ශන නිලධාරියකු මාධ්‍යට හෙළිකර ඇත.

තිළිණි මහරිනුත් රිමාන්ඩ්!

මේ අතර, ජංගම දුරකථන සහ උපාංග අලෙවි කරන කඩවත ප්‍රදේශයේ ව්‍යාපාරිකයකුගෙන් භාණ්ඩ මිලදී ගෙන රුපියල් ලක්ෂ හතරකට අධික වටිනාකමින් යුත් අගරු චෙක්පතක් ලබාදුන් බව කියන ‘තිකෝ’ සමූහ ව්‍යාපාරයේ හිමිකාරිය වන තිලිණි ප්‍රියමාලි ලබන මස 09 වැනිදා තෙක් රිමාන්ඩ් භාරයේ තබන ලෙස මහර මහෙස්ත්‍රාත් අධිකරණය ඊයේ (26 ) නියෝග කළේය.

මහා පරිමාණ මූල්‍ය වංචාවකට අදාළ රිමාන්ඩ් බන්ධනාගාරයේ සිටි තිලිණි ප්‍රියමාලි බන්ධනාගාර නිලධාරීන්ගේ ආරක්ෂාව යටතේ මහර මහෙස්ත්‍රාත් අධිකරණය වෙත ඊයේ (26) ඉදිරිපත් කර තිබිණි.

Continue Reading

පුවත්

ජාතික ජන බලවේගය ශ්‍රේෂ්ඨාධිකරණයට

Published

on

By

ඉදිරි මැතිවරණ සමයේ  ආණ්ඩු පක්ෂයේ දේශපාලන පක්ෂවලට වාසි සහගත වන ආකාරයේ ව්‍යාපෘතීන් ක්‍රියාත්මක කිරීම සඳහා අනුමැතිය නොදෙන ලෙසත් මෙම කරුණට අදාළව මැතිවරණ කොමිෂන් සභාව විසින් නිකුත් කර ඇති ලිපියට අනුකූලව කටයුතු කරන ලෙසත් ජනාධිපති ලේකම් ඇතුළු පිරිසකට නියෝග නිකුත් කරන්නැයි ඉල්ලා ශ්‍රේෂ්ඨාධිකරණය හමුවේ මූලික අයිතිවාසිකම් පෙත්සමක් ගොනුකර තිබේ.

ජාතික ජන බලවේගයේ කඩුවෙල හිටපු නාගරික මන්ත්‍රී අසිත නිරෝෂන් මහතා විසින් පෙත්සම ඉදිරිපත් කළේය.

එහි වගඋත්තරකරුවන් ලෙස නීතිපතිවරයා, අග්‍රාමාත්‍යවරයා ඇතුළු අමාත්‍ය මණ්ඩල සාමාජිකයින්, ජනාධිපති ලේකම්වරයා, මුදල් අමාත්‍යාංශයේ ලේකම්වරයා ඇතුළු පිරිසක් නම්කර තිබේ.

මුදල් අමාත්‍යංශයේ ලේකම්වරයා විසින් 2024 අයවැය යෝජනා යනුවෙන් චක්‍රලේඛයක් නිකුත් කර ඇති අතර ඒ යටතේ ග්‍රාමීය ප්‍රදේශවල සංවර්ධන ව්‍යාපෘති ක්‍රියාත්මක කිරීමට යෝජනා කර ඇතැයි පෙන්වා දෙන පෙත්සම්කරු ඊට අමතරව “කඳුකර දශකය” නමින් තවත් චක්‍රලේඛයක් නිකුත් කරමින් ග්‍රාමීය ප්‍රදේශවල ජනතාවගේ ජීවන තත්ත්වය උසස් කිරීම සඳහා මූල්‍ය පහසුකම් ලබා දීමට යෝජනා කර ඇති බවත් සඳහන් කළේය.

මෙම ව්‍යාපෘති 2කම මෙම වසරේ ජූලි 31 වනදා වනවිට අවසන් කළ යුතු බවට ද නිවේදනය කර ඇති බවත් මෙම ව්‍යාපෘතී ඉටුකිරීම සඳහා ප්‍රජා කමිටුවලට මිලියන 10 බැගින් මුදල් වෙන්කිරීමටද තීරණය කර ඇති බවත් පෙත්සමේ සඳහන් වෙයි.

පළාත් පාලන ඡන්ද විමසීම සඳහා නාමයෝජනා බාරදුන් අපේක්ෂකයින් මෙම ප්‍රජා කමිටුවල කටයුතු කරන බවත් මෙම ව්‍යාපෘති හරහා ඔවුන්ට දේශපාලනික වශයෙන් වාසි ලබාගැනීමට අවස්ථාව ලැබෙන බවත් පෙත්සමේ පෙන්වා දී තිබේ.

එම නිසා එවැනි අපේක්ෂකයින්ට රාජ්‍ය ප්‍රතිපාදන වෙන්කිරීමට පියවර නොගන්නා ලෙස රාජ්‍ය ආයතන සහ ඒවායේ ප්‍රධානීන් දැනුවත් කරන්නැයි දන්වා මැතිවරණ කොමිසමේ සභාපතිවරයා විසින් ජනාධිපති ලේකම්වරයා වෙත ඉකුත්දා ලිපියක් යොමුකර තිබෙන බවත් පෙත්සම්කරු සඳහන් කරයි.

ඉදිරියේදී පැවැත්වීමට නියමිත ජනාධිපතිවරණයේදී හා පළාත් පාලන ඡන්ද විමසීමේදී දේශපාලන වාසියක් ලබාගැනීමේ අරමුණින් එම ව්‍යාපෘති ක්‍රියාත්මක කෙරෙන බවත් ඒ තුළින් සිය මූලික මිනිස් අයිතීන් උල්ලංඝනයවීමක් සිදුවන බවට තීන්දුවක් ලබාදෙන ලෙසත් පෙත්සම්කරු ශ්‍රේෂ්ඨාධිකරණයෙන් ඉල්ලා  සිටියි.

Continue Reading

පුවත්

අමුණුගම දිලිත්ව හැර යයි

Published

on

By

දිලිත් ජයවීර මහතාගේ මව්බිම ජනතා පක්ෂයෙන් ආචාර්ය සරත් අමුණුගම මහතා ඉල්ලා අස්වී තිබේ.

අදාළ ඉල්ලා අස්වීමේ ලිපිය ඊයේ (27) භාර දුන් බව සඳහන්ය.

ආචාර්ය සරත් අමුණුගම මහතා මව්බිම ජනතා පක්ෂයේ සභාපති ධුරය හෙබවූයේය.

‘එක්ව නංවන රටක් – සතුටු පිරුණු දැයක්’ තේමා කරගනිමින් දේශපාලන පක්ෂ කිහිපයක් සහ සිවිල් සංවිධාන කිහිපයක් එක්වී ‘සර්ව ජන බලය’ නමින් නව දේශපාලන ව්‍යාපාරයක් ඊයේ (27) පිහිටුවනු ලැබූ අතර ඒ සඳහා මව්බිම ජනතා පක්ෂය ඇතුළු පක්ෂ කිහිපයක්ම එක්විය.

සබැඳි පුවත්:

Continue Reading

පුවත්

පොසොන් උත්සවයට විශේෂ ප්‍රවාහන පහසුකම්

Published

on

By

පොසොන්  සමයේ අනුරාධපුරයට හා මිහින්තලයට පැමිණෙන සැදැහැවතුන් වෙනුවෙන් විශේෂ ලංගම බස්රථ සේවාවක් ක්‍රියාත්මක කරන බව අමාත්‍ය ආචාර්ය බන්දුල ගුණවර්ධන මහතා පවසයි.

අමාත්‍යවරයා වැඩිදුරටත් පවසා සිටියේ, උතුරු දුම්රිය මාර්ගයේ ප්‍රතිසංස්කරණ පොසොන් පොහොයට පෙර නිම කිරීමට නොහැකි බැවින් මෙම පියවර ගන්නා බවයි.

හෝමාගම,   පිටිපන පාසල් හන්දියේ සිට සිංහ අරන දක්වා මාර්ගය කාපට් අතුරා සංවර්ධනය කිරීම ආරම්භ කෙරුණේ අමාත්‍ය බන්දුල ගුණවර්ධන මහතාගේ ප්‍රධානත්වයෙනි.

මීටර් 800ක දුරක් මාර්ගය සංවර්ධනය කෙරෙන අතර ඒ සදහා වෙන් කෙරෙන මුදල රුපියල් මිලියන 13කි.

Continue Reading

Trending

Copyright © 2023 Sri Lanka Mirror. All Rights Reserved