චන්ද්‍රිකා බණ්ඩාරනායකගේ පරිවාස ආණ්ඩුවේ මෙන්ම, අනුර කුමාර දිසානායකගේ වත්මන් ආණ්ඩුවේ ද කිසිඳු තනතුරක් භාර නොගැනීමට තීරණය කර ඇතැයි ජනතා විමුක්ති පෙරමුණේ ක්‍රියාකාරී දේශපාලනයේ නිරතව සිටින ටිල්වින් සිල්වා මහතා කියයි.
BBC සිංහල සමග පැවති සාකච්ඡාවකදී ඔහු මේබව සඳහන් කර ඇත.
ආණ්ඩුවයි පක්ෂයයි දෙකක් බද පවසන ටිල්වින් මහතා, ඒ දෙක එකක් කර ගැනීමට නොයන බවද ඔහු කියා සිටී.
”මට කියලා ගෙයක්, ඉඩමක් නෑ. පුද්ගලිකව උපායා ගත්ත ලොකුම දේ ආදරය. මම හිතනවා ගොඩක් අය මට ආදරෙයි කියලා.” යනුවෙන් ද ඔහු කියා සිටී.
වසර 46ක් ජනතා විමුක්ති පෙරමුණේ ක්‍රියාකාරී දේශපාලනයේ නිරතව සිටින ටිල්වින් සිල්වා ඉන් වසර 29ක් ජනතා විමුක්ති පෙරමුණේ ප්‍රධාන ලේකම්වරයා වන්නේය.
”83 පක්ෂය තහනම් කරන අවස්ථාවේ මම කළුතර දිස්ත්‍රික්කයේ තරුණ සංගමයේ ලේකම්වරයා. නමුත් මම ඒ කාලේ ප්‍රසිද්ධ දේශපාලනය නොකරපු නිසා මම පක්ෂයේ මොනවද කරන්නේ කියලා බොහෝ දෙනෙක් දැනගෙන හිටියේ නෑ. අවුරුදු හතක් හිරේ ඉඳලා ඇවිත් 1995 පක්ෂ ලේකම් ධූරය භාර ගත්තට පස්සේ තමයි බන්ධනාගාර නිලධාරී දැන ගත්තේ මම කවුද කියලා. මගේ ඒ හැසිරීම පක්ෂයේ බොහෝ දෙනෙකුගේ ජීවිත ආරක්ෂා කර ගන්න පුළුවන් වුණා. පොලීසිය හිතුවේ මම පක්ෂයට උදව් කරපු සාමාන්‍ය කෙනෙක් කියලා.” යනුවෙන් ඔහු පැවසුවේය.
පාසල් කාලය, ආර්ථික අභියෝග හා අභියෝග හමුවේ පාසල් ගමන අඩාල වීම, රෝහණ විජේවීර හමුවීම, පක්ෂය තුළ කළ රහසිගත දේශපාලනය, බන්ධනාගාරයේ ජීවිතය හා බැඳුනු ‘අප්‍රකට’ කතා මෙන්ම අනුර දිසානායක ජනාධිපතිවරයා යටතේ තනතුරු භාර නොගැනීමට හේතුව ටිල්වින් සිල්වා BBC සිංහල සමග පැවති සාකච්ඡාවේ දී විස්තර මෙසේ විස්තර කර තිබේ.
