Connect with us

පුවත්

සුධර්මාගේ ගෙදර සොරකමේ සැකකාර මෙහෙකාරිය පොලිසිය තුළ රෝගී වී මරුට

Published

on

කොළඹ සුප්‍රකට සලාකා සෙන්කඩ සමූහ ව්‍යාපාරයේ හිමිකරු ගාමිණී නෙත්තිකුමාර මහතාගේ හිටපු බිරිය වන ටෙලි නාට්‍ය නිෂ්පාදිකා සුදර්මා නෙත්තිකුමාර මහත්මියගේ නිවසේ සිදුවූ සොරකමක් සම්බන්ධයෙන් අත්අඩංගුවට ගත් එම නිවසේ මෙහෙකාරිය වැලිකඩ පොලිස් ස්ථානය තුළ දී හදිසියේම රෝගී වී රෝහල්ගත කිරීමෙන් අනතුරුව මියගොස් තිබේ.

මෙසේ මියගොස් ඇත්තේ බදුල්ල නාවල වත්ත දෙමෝදර පදිංචිකාරියක් වන ආර්. රාජ් කුමාරි නමැති 42 හැවිරිදි කාන්තාවකි.

රාජගිරිය රෝයල් ගාර්ඩ්න් හී පදිංචිව සිටින ව්‍යාපාරික කතක් ලෙසත් ප්‍රසිද්ධ චරිතයක් වන චිත්‍රපට හා ටෙලි නාට්‍ය නිෂ්පාදිකාව විසින් සිය නිවසේ සිදුවූ බව කියන හොරකමක් ගැන වැලිකඩ පොලිසියට පසුගිය 11 වෙනිදා පැමිණිලිකර ඇත්තේ සිය නිවසේ මෙහෙකාරිය විසින් නි‍වසේ තිබුණු රන් භාණ්ඩ ඇතුළු දේපොළ සොරකම් කර ඇති බවය.

පොලිසිය මෙම පැමිණිල්ල සම්බන්ධයෙන් ක්ෂණිකව ක්‍රියාත්මක වෙමින් බොරැල්ල කොටා පාරේ නිවසක ඒ වන විට මෙහෙකාර සේවයේ නිරතව සිටි මෙහෙකාරිය අත්අඩංගුවට ගෙන තිබේ.

ඇයව පොලිස් ස්ථානයට රැගෙන ගොස් රඳවාගෙන දීර්ඝ ලෙස ඇගෙන් ප්‍රශ්න කර ඇති බවත් එහි දී ඇය හුස්ම ගැනීමේ අපහසුතාවයකට පත්ව කොළඹ ජාතික රෝහලට ඇතුළත් කිරීමෙන් අනතුරුව මියගොස් ඇති බවත් පොලිස් තොරතුරු අනාවරණය කළේය.

මේ සම්බන්ධයෙන් වැලිකඩ පොලිස් ස්ථානාධිපතිවරයාගෙන් තොරතුරු විමසා සිටියත් ඔහු වෙනත් සිදුවීම් සම්බන්ධයෙන් තොරතුරු මාධ්‍යයට විමසන සැණින් ලබාදුන්නද මෙම සිදුවීම ගැන කිසිදු තොරතුරක් ලබා නොදී මගහැරි බව රජයේ “දිනමිණ” පුවත්පත වාර්තා කර තිබේ.

කෙසේවුවද, ගාමිණී නෙත්තිකුමාර හා සුධර්මා නෙත්තිකුමාරගේ පුත්‍රයා වන 31 හැවිරිදි රයන් නෙත්තිකුමාර ද මීට වසර

මීට වසර දෙකකට පෙර කොල්ලුපිටියේ පිහිටි ඩර්ඩන්ස් රෝහලේ දසවැනි මහලින් පැන සිය දිවි හානි කරගෙන තිබිණි.

ගාමිණී හා  සුධර්මා ඒ් වන විටද විවාහයෙන් වෙන්වී සිටි අතර මියගිය රයන් සිටියේ පියා සමගින් බව වාර්තා විය.

පුවත්

ධීවරයින්ට හදිසි දැනුම්දීමක්

Published

on

By

අද (22)  දින සිට ක්‍රියාත්මක වන පරිදි නැවත දැනුම්දෙනතුරු බහුදින ධීවර යාත්‍රා ඇතුළුව සියලුම ධීවර යාත්‍රා සඳහා රැකියාවට පිටත්වීම සඳහා අවසර ලබා නොදෙන බව ධීවර හා ජලජ සම්පත් දෙපාර්තමේන්තුව පවසයි.

අද මාධ්‍ය වෙත අදහස් දක්වමින් එම දෙපාර්තමේන්තුවේ අධ්‍යක්ෂ ජනරාල් සුසන්ත කහවත්ත මහතා මේ බව පැවසීය.

දිවයින වටා මුහුදු ප්‍රදේශවල ඉදිරි දින කිහිපයේදී දැඩි වර්ශාපතනයත් දැඩි සුළං තත්ත්වයක් ඇතිවිය හැකි බවට වාර්තාවීමත් සමග එම දෙපාර්තමේන්තුව මෙම තීරණය ගෙන ඇත.

එසේම මේ වනවිට රැකියාවේ නිරතව සිටින බහුදින ධීවර යාත්‍රා වෙත ද ආරක්‍ෂිත ප්‍රදේශ හරහා ගමන්කරන ලෙසට දැනුම්දී ඇති බව එහි අධ්‍යක්ෂවරයා වැඩිදුරටත් සඳහන් කළේය.

Continue Reading

පුවත්

අස්වැසුම ප්‍රතිලාභ ගෙවීමේ කාලය දිර්ඝ කෙරේ

Published

on

By

අස්වැසුම සුභ සාධක ප්‍රතිලාභ ගෙවීමේ කාලය දීර්ඝ කරමින් ජනාධිපති රනිල් වික්‍රමසිංහ මහතා අති විශේෂ ගැසට් නිවේදනයක් නිකුත් කර තිබේ.

එම අති විශේෂ ගැසට් නිවේදනයට අනුව අස්වැසුම ප්‍රතිලාභ ලබන ඇතැම් පිරිස්වලට එම සහනාධාරය 2026 වසරේ ජූනි 30 වැනිදා දක්වා ලබා දෙනු ඇත.

මීට පෙර ප්‍රකාශයට පත් කර තිබූ පරිදි අස්වැසුම ප්‍රතිලාභ හිමි පිරිසකට එම ප්‍රතිලාභය ලබාදෙන කාලය ජුනි 30 වැනිදායින් අවසන් කර තිබිණි.

තවත් පිරිසකට අස්වැසුම ප්‍රතිලාභය ලබා ලබාදෙන කාලය මේ වසරේ දෙසැම්බර් 31 වැනිදායින් අවසන් කිරීමට නියමිත විය.

එහෙත් ජනාධිපතිවරයා අලුතින් නිකුත් කර ඇති අති විශේෂ ගැසට් නිවේදනයට අනුව අස්වැසුම ප්‍රතිලාභ හිමි ඇතැම් පිරිසකට 2026 වසරේ ජූනි 30 වැනිදා දක්වාත් තවත් පිරිසකට 2025 වසරේ ජූනි 30 වැනිදා දක්වාත් එම ප්‍රතිලාභය ගෙවීමට නියමිතය.

අවදානමට ලක්වූ පවුලකට මසකට රුපියල් 5000 ක් දුප්පත් පවුලකට රුපියල් 8500 ක් අන්ත දිලිදු පවුලකට රැපියල් 15000 ක් ආදී වශයෙන් අස්වැසුම ප්‍රතිලාභ හිමිවේ.

Continue Reading

පුවත්

විජයදාසගේ පෙත්සම විභාගය කල්යයි

Published

on

By

ශ්‍රී ලංකා නිදහස් පක්ෂයේ සභාපතිවරයා ලෙස විජයදාස රාජපක්ෂ හා වැඩබලන මහලේකම් ලෙස කීර්ති උඩවත්ත යන මහත්වරු පත්වීම නීතිවිරෝධී බවට තීන්දුවක් ලබාදෙන ලෙස ඉල්ලා පාර්ලිමේන්තු මන්ත්‍රී දුමින්ද දිසානායක මහතා විසින් කොළඹ දිසා අධිකරණය හමුවේ ගොනුකර ඇති පැමිණිල්ලක් නිෂ්ප්‍රභ කිරීමේ නියෝගයක් නිකුත් කරන ලෙස ඉල්ලා ඉදිරිපත් කළ අභියාචනා පෙත්සම අද (22) බස්නාහිර පළාත් සිවිල් අභියාචනා මහාධිකරණය හමුවේ යළි තුන්වන දිනටත් විභාගයට ගත්තේය.

අධිකරණ අමාත්‍ය විජයදාස රාජපක්ෂ මහතා විසින් එම අභියාචනා පෙත්සම ඉදිරිපත් කර තිබුණි.

එම පෙත්සම ගිහාන් කුලතුංග සහ ෆ්‍රෑන්ක් ගුණවර්ධන යන මහත්වරුන්ගෙන් සමන්විත සිවිල් අභියාචනා මහාධිකරණ විනිසුරු මඩුල්ල ඉදිරියේ යළි කැඳවනු ලැබීය.

එහිදී වගඋත්තරකාර දුමින්ද දිසානායක මහතා වෙනුවෙන් පෙනී සිටි ජනාධිපති නීතිඥ චන්දක ජයසුන්දර මහතා වැඩිදුරටත් කරුණු ඉදිරිපත් කළේය.

ඉන් අනතුරුව වැඩිදුර කරුණු දැක්වීම ලබන 31 වනදා තෙක් කල්තැබුණි.

Continue Reading
Advertisement

Trending

Copyright © 2023 Sri Lanka Mirror. All Rights Reserved