Connect with us

පුවත්

සුධර්මාගේ මෙහෙකාරියගේ ඝාතනයට පොලිසියේ පිරිසක් අත්අඩංගුවට!

Published

on

කොළඹ සුප්‍රකට සලාකා සෙන්කඩ සමූහ ව්‍යාපාරයේ හිමිකරු ගාමිණී නෙත්තිකුමාර මහතාගේ හිටපු බිරිය වන ටෙලි නාට්‍ය නිෂ්පාදිකා සුධර්මා නෙත්තිකුමාර මහත්මියගේ මෙහෙකාරිය වූ රාජ් කුමාරිගේ මරණය ගැන විමර්ශන කරණ අපරාධ පරීක්ෂණ දෙපාර්තමේන්තුවේ විශේෂ පොලිස් කණ්ඩායම එම ඝාතනය ගැන තොරතුරු රැසක් හෙළිකරගෙන තිබේ.

මේ වන විට පොලිස් කණ්ඩායමක් ඇය පදිංචිව සිටි බණ්ඩාරවෙලටද ගොස් ඇති බව අපරාධ පරීක්ෂණ දෙපාර්තමේන්තු තොරතුරු අනාවරණය කළේය.

පොලිසිය විසින් අත්අඩංගුවට ගත් මෙහෙකාරිය පොලිස් ස්ථානය තුළට රැගෙනවිත් පොලිස් නිලධාරීන් විසින් පහර දී ඇති බවත් එහිදී ඇය මියගිය පසු නාඳුනන තැනැත්තියක් ලෙස කොළඹ ජාතික රෝහලට ඇයව ඇතුළත් කර මෙම මරණය සැඟවීමට වැලිකඩ පොලිසිය පියවර ගෙන ඇති බවත් අපරාධ පරීක්ෂණ දෙපාර්තමේන්තුව අනාවරණය කරගෙන ඇත.

තමාගේ නිවසේසොරකමක් සිදු වී ඇති බවට සුදර්මා නෙත්තිකුමාරගේ පැමිණිල්ල වැලිකඩ පොලිසියේ නිලධාරීන් විසින් පොලිස් පොත්වල ලියා ඇත්තේ පොලිස් පහර දීමෙන් මෙහෙකාරිය මියගිය පසුව බවට ද තොරතුරුද අපරාධ පරීක්ෂණ දෙපාර්තමේන්තුව විසින් හෙළි කරගෙන ඇත.

එම පැමිණිල්ල ලියාගෙන ඇත්තේ සුදර්මා නෙත්තිකුමාරගේ නිවෙවෙ ගොස් එහිදී බවට ලැබී ඇති තොරතුරක් සම්බන්ධයෙන් ද විශේෂ සොයා බැලීමක් මේ වන විට අපරාධ පරීක්ෂණ දෙපාර්තමේන්තුව විසින් සිදු කරමින් පවතී.

මේ සම්බන්ධයෙන් 58 හැවිරිදි සුදර්මා නෙත්තිකුමාර මහත්මිය වැලිකඩ පොලිසියට පෙරේදා (10) පැමිණ සිය නි‍වෙස‌ේ සිදුවූ එම සොරකමට අදාළ සවිස්තර පැමිණිල්ල ඉදිරිපත් කර ඇත.

එම පැමිණිල්ලට අනුව රාජගිරිය කුරේ මාවතේ පිහිටි ඇගේ නිවෙවෙදී මෙම සොරකම සිදුව ඇත්තේ පසුගිය මාර්තු 26 වෙනිදාත් මැයි 03 වෙනිදාත් අතර කාලය තුළදී බව පවසා තිබේ.

එසේම ඇය එම වැඩිදුර පැමිණිල්ලෙහි දක්වා ඇත්තේ රන් භාණ්ඩ, වටිනා සුවඳ විලවුන්, රූපලාවණ්‍ය භාණ්ඩ සොරාගැනීමක් සිදුව ඇති බවය.

එහි මුළු වටිනාකම සඳහන් කර ඇත්තේ රුපියල් 1,914,000ක් ලෙසිනි.

අපරාධ පරීක්ෂණ දෙපාර්තමේන්තු තොරුතුරු අනාවරණය කරන ආකාරයට අනුව මෙම ඝාතනය සම්බන්ධයෙන් ළඟදීම පොලිස් නිලධාරීන් කිහිප දෙනෙකු අත්අඩංගුවට ගැනීමට නියමිතය.

සබැදි පුවත්

සුධර්මාගේ මෙහෙකාරිය අත්අඩංගුවට පත්ව ඇත්තේ පැමිණිල්ලක් දාන්නත් කලින්!

සුධර්මාගේ මෙහෙකාරියගේ මරණයට පොලිසියේ 4ක් ගෙදර

සුධර්මාගේ මෙහෙකාරිය පොලිසියේදී මියයාම ගැන පරීක්ෂණයක්!

සුධර්මාගේ ගෙදර සොරකමේ සැකකාර මෙහෙකාරිය පොලිසිය තුළ රෝගී වී මරුට

පුවත්

උතුරු – නැගෙනහිරට සංවර්ධනයේ ප්‍රතිලාභ දෙන බව ජනපති කියයි

Published

on

By

යුද්ධය නිසා උතුරු නැගෙනහිරට බලපෑ ප්‍රශ්න කඩිනමින් අවසන් කර එම ජනතාවට ද සංවර්ධනයේ ප්‍රතිලාභ ලබා දෙන බව ජනාධිපති රනිල් වික්‍රමසිංහ මහතා පවසයි.

උතුරු පළාත තුළ උසස් මට්ටමේ සෞඛ්‍ය සේවාවක් සහතික කිරීම වෙනුවෙන් යාපනය රෝහල නුදුරේදීම ජාතික රෝහලක් බවට පත් කිරීමට කටයුතු කරන බවත් දකුණු පළාත තුළ පැවති දීර්ඝකාලීන අවශ්‍යතාවයක් ඉටු කරමින් කරාපිටිය රෝහල ජාතික රෝහලක් බවට පත් කිරීමට අදාළ කැබිනට් අනුමැතිය හිමිවී ඇති බවද ජනාධිපතිවරයා සඳහන් කළේය.

ජනපතිවරයා යාපනය විශ්වවිද්‍යාලයේ වෛද්‍ය පීඨයේ ඉදිකළ සායනික පුහුණු සහ පර්යේෂණ අංශ ගොඩනැගිල්ල විවෘත කිරීමේ අවස්ථාවට අද (24) පෙරවරුවේ මේ බව පැවසීය.

මේ අතර “උරුමය ”  වැඩසටහන යටතේ යාපනය දිස්ත්‍රික්කයේ ප්‍රාදේශීය ලේකම් කාර්යාල 15ම ආවරණය වන පරිදි සින්නක්කර ඔප්පු 1,286ක් ජනාධිපති රනිල් වික්‍රමසිංහ මහතා අතින් ජනතාවට ලබාදීම අද යාපනයේදී සිදුකෙරිණි.

එමෙන්ම උතුරු පළාතට අයත් මුලතිව්, කිලිනොච්චිය, වවුනියාව හා මන්නාරම දිස්ත්‍රික්කවලට අදාළව “උරුමය” වැඩසටහන යටතේ සින්නක්කර ඔප්පු 13,858ක් ඉදිරියේදී ලබා දීමට නියමිතව තිබේ.


Continue Reading

පුවත්

පැපුවා නිව් ගිනියාවේ දරුණු  නායයාමක්

Published

on

By

පැපුවා නිව් ගිනියාවේ දුෂ්කර ගම්මාන හයකට බලපෑම් එල්ල කරමින් ඇති වූ නායයෑමෙන් ජීවිත රැසක් අහිමි වී ඇතැයි විදෙස් මාධ්‍ය වාර්තා කර තිබේ.

ඊයේ (23) සිදු වූ මෙම නායයෑමෙන් නිවාස 100කට වැඩි ගණනක් පස්වලින් සම්පූර්ණයෙන්ම යට වී ඇති බව විදෙස් වාර්තාවල දැක්වේ.

මෙහිදී සිදු වී ඇති ජීවිත හානි ගණන හෝ සුන්බුන් අතර කොපමණ පිරිසක් සිරවී ඇති ද යන්න නිශ්චිතවම තවමත් ප්‍රකාශ කළ නොහැකි බවද පැවසේ.

මෙම නායයෑම සිදු වූ  Enga නම් ප්‍රදේශයේ ආණ්ඩුකාරවරයා මාධ්‍යයට පවසා ඇත්තේ මෙය මීට පෙර සිදුනොවූ ස්වභාවික ව්‍යවසනයක් බවය.

එමෙන්ම පැපුවා නිව් ගිනියාවේ අග්‍රාමාත්‍ය James Marape පවසා ඇත්තේ, මළ සිරුරු ගොඩගැනීම සඳහා අවශ්‍ය සහන සේවා සැපයීමට සහ යටිතල පහසුකම් සඳහා අදාළ ස්ථානයට ආපදා නිලධාරීන් යොමු කර ඇති බවය.

Continue Reading

පුවත්

හලාවත ගොල්ෆ් පිටියක් හදන්න සැලසුම් කරයි

Published

on

By

හලාවත ගොල්ෆ් පිටියක් ඉදිකිරීමට සැලසුම් කරන බව කැබිනට් ප්‍රකාශක බන්දුල ගුණවර්ධන මහතා  නිවේදනය කළේය.

ඒ ඉරණවිල හා හලාවත ප්‍රදේශය සංචාරක කේන්ද්‍රස්ථානයක් ලෙස සංවර්ධනය කිරීමේ සමස්ත උපාය මාර්ගයේ කොටසක් ලෙස බවද ඔහු කීය.

මේවන විට ශ්‍රී ලංකාව තුළ දැනටමත් කොළඹ, මහනුවර සහ නුවරඑළියේ ගොල්ෆ් පිටි කිහිපයක් තිබේ.

සිදුරු 18කින් යුත් ගොල්ෆ් පිටි පහක් සහ සිදුරු 9කින් යුත් ‍ගොල්ෆ ක්‍රීඩාංගණ කිහිපයක් ද ශ්‍රී ලංකාව සතුවේ.

ගොල්ෆ් පිටියට අමතරව හලාවත සහ බිංගිරිය අතර සම්බන්ධක මාර්ගයක් ඉදිකෙරෙන අතර ඉන් අපනයන කලාපයක් පුළුල් කරන බව ද අමාත්‍ය ගුණවර්ධන මහතා පවසයි.

හලාවත – ඉරණවිල සංචාරක මධ්‍යස්ථානයේ සංවර්ධන කටයුතු බිංගිරිය ඒකාබද්ධ සංවර්ධන සැලැස්මට සම්බන්ධ කාර්ය සාධක බලකායක් මගින් අධීක්ෂණය කිරීමට නියමිත බවද පැවසේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved