Connect with us

පුවත්

“සුව සැරිය රෝහල් සේවාව” නමින් විශේෂ බස් රථ

Published

on

ශ්‍රී ජයවර්ධනපුර මහ රෝහලට විශේෂ බස් රථ සේවාවක අවශ්‍යතාවය පැන නැගී තිබූ අතර, ඒ පිළිබද අවධානය යොමු කරමින් සෞඛ්‍ය හා කර්මාන්ත අමාත්‍ය වෛද්‍ය රමේෂ් පතිරණ මහතාගේ ප්‍රධානත්වයෙන් සහ  ප්‍රවාහන, මහාමාර්ග සහ  ජනමාධ්‍ය අමාත්‍ය බන්දුල ගුණවර්ධන මැතිතුමාගේ සහභාගීත්වයෙන් “සුව සැරිය රෝහල් සේවා” නමින් විශේෂ බස් රථ සේවාවක් ඊයේ (05) පෙරවරුවේ ශ්‍රී ජයවර්ධනපුර රෝහල් පරිශ්‍රයෙන් ආරම්භ කරන ලදි.

මීට පෙර සෞඛ්‍ය හා කර්මාන්ත අමාත්‍ය වෛද්‍ය ර‌මේෂ් පතිරණ මහතා සහ ශ්‍රී ජයවර්ධනපුර රෝහලේ නිලධාරින් සහ කාර්ය මණ්ඩලය සමග  රෝහලේ ප්‍රගතිය පිළිබදව සොයාබැලීමේ විශේෂ සාකච්ඡාවක් පැවැත් වූ අතර, එහිදී රෝහල් කාර්ය මණ්ඩලය සහ ප්‍රතිකාර ලබාගැනීමට පැමිණෙන ජනතාව මුහුණ දෙන ප්‍රධාන ගැටළුවක් ලෙස ප්‍රවාහන දුෂ්කරතාවය පෙන්වා දෙන ලදි.

මේ පිළිබදව විශේෂ අවධානය යොමු කරමින් සෞඛ්‍ය අමාත්‍යවරයා ප්‍රවාහන, මහාමාර්ග සහ  ජනමාධ්‍ය අමාත්‍ය බන්දුල ගුණවර්ධන මහතාගෙන් කළ ඉල්ලීමට ප්‍රතිචාරයක් ලෙස කඩිනමින් මෙම විශේෂ බස් රථ සේවාව ආරම්භ කිරිමට පියවර ගැනුනි.

මහරගම, තලවතුගොඩ, බොරැල්ල, කොටුව (138/212/174) නගර ආවරණය වන පරිදි ශ්‍රී ජයවර්ධනපුර රෝහල දක්වා මෙම ප්‍රවාහන සේවාව ක්‍රියාත්මක වේ.

මෙහිදී අදහස් දැක් වූ සෞඛ්‍ය හා කර්මාන්ත අමාත්‍ය වෛද්‍ය රමේෂ් පතිරණ මහතා…

කුමන අර්බුද පැමිණියත් ඉතාම කෙටි කාලයකින් පෙර පුරුදු තත්ත්වයට පැමිණිමේ විශිෂ්ටතාවයක් මෙරට නිදහස් සෞඛ්‍ය සේවාව තුල පවතින බව මෙහිදි සෞඛ්‍ය අමාත්‍යවරයා පෙන්වා දෙන ලදි.

ජපන් රජය විසින් හිටපු ජනාධිපති ඡේ.ආර් ජයවර්ධන මැතිතුමාට උපහාරයක් ලෙස ලබාදුන් මෙම රෝහලට වසර 40 ක කාලයක් ගත වූවත් එය ඉතා විශිෂ්ට නිර්මාණයක් බව ද පෙන්වා දුන් අතර, රෝහල තිබෙන තත්ත්වයට වඩා විශිෂ්ට සෞඛ්‍ය සේවාවක් ජනතාවට ලබාදෙන තත්ත්වයට පත් කිරිමට සියළු දෙනාගේ සහාය අපේක්ෂා කරන බව ද පැවසීය.”

මෙහිදී අදහස් දක්වමින් ප්‍රවාහන හා ජනමාධ්‍ය අමාත්‍ය බන්දුල ගුණවර්ධන මහතා….

“ලංකා ගමනාගමන මණ්ඩලය පොදු ප්‍රවාහනය වශයෙන් එහි සියළු සේවකයින්ගේ ද මහත් කැපවිම මත විශිෂ්ට සේවාවක් සපයන බව පැවැසිය.

ලංගම  ජාතික සම්පතක් බවත්, “සිසු සැරිය” නමින් පාසල් දරුවන් වෙනුවෙන් බස් රථ සේවාවක් පවතින බවත් රජය වසරකට මිලියන 2000 ක සහනාධාරයක් ඒ සදහා ලබාදෙන බව ද පැවසිය.

ජයවර්ධනපුර රෝහලට පැමිණීමට බස් රථ සේවාවක් නොමැති බැවින් මෙම විශේෂ බස් රථ දෙක ධාවනයේ යෙදවීමට කටයුතු යොදා ඇති බව ද මෙම සේවාව ද ලබාගැනිමින් රෝහලෙන් ලබාදෙන ප්‍රතිකාර සේවාවන් ශකිත්මත් කිරිමට කටයුතු කරන ලෙස ද ඉල්ලා සිටින ලදි.

අද (05) දින ආරම්භ කරන ලද මෙම සුව සැරිය රෝහල් සේවාව ඉදිරියේ දී සිසු සැරිය මෙන් දිවයින පුරා ක්‍රියාත්මක කිරිමට තමන් බලාපොරොත්තු වන බවද වැඩිදුරටත් පැවැසිය.”

මෙම අවස්ථාවට සෞඛ්‍ය රාජ්‍ය අමාත්‍ය සීතා අරඹේපොල, සෞඛ්‍ය ලේකම් විශේෂඥ වෛද්‍ය පාලිත මහීපාල, ශ්‍රී ජයවර්ධනපුර මහ රෝහලේ සභාපති වෛද්‍ය සාරංග අලහප්පෙරුම, අධ්‍යක්ෂ වෛද්‍ය රත්නසිරි හේවගේ යන මහත්ම මහත්මින් ඇතුලු රෝහල් කාර්ය මණ්ඩලය එක්ව සිටියහ.

පුවත්

බැසිල්ගේ හොඳම ගෝලයා ජනපති අපේක්ෂකත්වයා ලෙස රනිල්ව යෝජනා කරයි!

Published

on

By

ඉදිරි ජනාධිපතිවරණයට ජනාධිපති රනිල් වික්‍රමසිංහ මහතා ඉදිරිපත් විය යුතු බවට වන යෝජනාව අද (21) පස්වරුවේ පැවති  “එක්ව ජය ගමු – අපි ගම්පහ” ජන හමුවේ දී ඉදිරිපත්කර තිබුණි.

ජනාධිපති මාධ්‍ය අංශය පැවසුවේ ගම්පහ දිස්ත්‍රික් ජනතාව වෙනුවෙන් අමාත්‍ය ප්‍රසන්න රණතුංග මහතා විසින් එම යෝජනාව ඉදිරිපත් කළ බවයි.

එම රැලියේ සිටි සියලුදෙනා දෑත්  ඔසවා එම යෝජනාව ඒකමතිකව සම්මත කර ගනු ලැබූ බව ජනාධිපති මාධ්‍ය අංශය පැවසීය.

එහිදී අදහස් දක්වමින් අමාත්‍ය ප්‍රසන්න රණතුංග මහතා සඳහන් කළේ ජනාධිපති අපේක්ෂකත්වයෙන් දැන් රනිල් වික්‍රමසිංහ මහතාට පැන යාමට නොහැකි වනු ඇති බවයි.
කෙසේවුවද, 

 ජනාධිපති රනිල් වික්‍රමසිංහ මහතා එහිදී කියා සි‍ටියේ ජනාධිපතිවරණයට ඉදිරිපත් වන ලෙසට තමන්ට කළ ආරාධනයට සුදුසු වේලාවේදී පිලිතුරු ලබා දෙන බවයි.

කළකට පෙර ප්‍රසන්න රණතුංග මහතා හිටපු මුදල් අමාත්‍ය බැසිල් රාජපක්ෂ මහතාගේ ඉතා කිට්ටුම සගයෙකු ලෙසයි කටයුතු කරනු ලැබුවේ.

Continue Reading

ක්‍රීඩා

ආසියානු හා ආබාධිත ආසියානු තරගාවලිවල පදක්කම් ලාභීන්ට මුදල් තෑගි පිරිනමයි

Published

on

By

ආසියානු තරගාවලියේ හා ආබාධිත ආසියානු තරගාවලියේ පදක්කම් ලාභීන්ට ක්‍රීඩා අමාත්‍යාංශය මගින් පොරොන්දු ප්‍රකාරව මුදල් පිරිනැමීම පසුගියදා ක්‍රීඩා අමාත්‍යාංශයේ ඩන්කන් වයිට් ශ්‍රවණාගාරයේදී පැවැත්විණ.

මෙහිදී රුපියල් කෝටි 12 කට අධික මුදලක් එම පදක්කම් ලාභීන් හා ඔවුන්ගේ පුහුණුකරුවන් අතර බෙදා දෙන ලදී. 

මෙම ප්‍රදානයන් ක්‍රීඩා, ඉඩම් හා සංචාරක අමාත්‍ය හරීන් ප්‍රනාන්දු මහතාගේ අතින් සිදු කෙරිණ. 

පැරිස් ඔලිම්පික් යන ක්‍රීඩක ක්‍රීඩිකාවන් හය දෙනාටද රුපියල් දස ලක්ෂය බැගින් මෙහිදී පිරිනැමිණ.

මෙම අවස්ථාවට ඔලිම්පික් කමිටු ලේකම් මැක්ස්වෙල් ද සිල්වා මහතාද සහභාගි විය.

ලබන ලද ජයග්‍රහණ අනුව වැඩිම මුදලක් ලැබුණු ක්‍රීඩිකාව වූයේ තරුෂි කරුණාරත්නයි.

Continue Reading

පුවත්

පෞද්ගලික වාහන ආනයනය ලබන වසර තෙක් කල්දාලා!

Published

on

By

පුද්ගලික වාහන ආනයනය කිරීම සඳහා පනවා ඇති තහනම ඉවත් කිරීම ලබන වසර මුල දක්වා ප්‍රමාද කිරීමට රජය තීරණය කර ඇතැයි වාර්තා වේ.

මෙරට ආර්ථිකය තවමත් ස්ථාවර නොවීම සහ ඒ සඳහා පහසුකම් සැලැසීමට ප්‍රමාණවත් විදෙස් සංචිත ප්‍රමාණයක් මහ බැංකුව සතුව නොමැතිවීම යන කරුණු මත පදනම්ව එලෙස තහනම ඉවත් කිරීම ලබන වසර මුල දක්වා ප්‍රමාද කිරීමට රජය තීරණය කර ඇති බව පැවසේ.

පුද්ගලික වාහන ආනයනය කිරීම ආරම්භ කිරීමත් සමඟ ඇමෙරිකානු ඩොලර් බිලියන 1 ක මුදල් ප්‍රමාණයක් සෑම වසරකම මෙරටින් පිටතට ගලා සිදුවන බව වාර්තා වේ.

කෙසේ නමුත් ලොරි, බස් සහ ට්‍රක් රථ මෙන්ම සංචාරය ක්ෂේත්‍රය සඳහා යොදා ගන්නා වෑන් රථ වැනි වාණිජ පදනමකින් යුත් වාහන ආනයනය කිරීම සඳහා පනවා ඇති තහනම ලබන මස සිට ඉවත්වනු ඇති බවද පැවසේ.

එනමුත් රාජ්‍ය අමාත්‍යාංශ සහ අනෙකුත් ආයතන සඳහා අවශ්‍ය වාහන ආනයනය කිරීම ආරම්භ වන්නේ ලබන වසරේ පුද්ගලික වාහන ආනයනය කිරීම සඳහා පනවා ඇති තහනම ඉවත් කිරීමෙන් පසුව බවද වාර්තා වේ.

මීට පෙර විද්‍යුත් වාහන සහ පුද්ගලික මෝටර් රථ ආනයනය කිරීම සඳහා මෙම වසර අවසානයේ සිට අවසර ලබා දීමට රජය සැලැසුම් කර තිබිණි. 

කෙසේවුවද, එයද ලබන වසර දක්වා ප්‍රමාද කිරීමට රජය තීරණය කර ඇති බව පැවසේ.

ආනයනය කරනු ලබන පුද්ගලික වාහන වලින් වැඩිම ප්‍රමාණය ත්‍රී රෝද රථ සහ යතුරු පැදි වේ. 

ඒ හේතුවෙන් පුද්ගලික වාහන ආනයනය ඉවත් කිරීම ලබන වසරේ මැයි හෝ ජූනි දක්වා ප්‍රමාද වනු ඇතැයි ද මාධ්‍ය වාර්තා කර තිබේ.

600 සීසී සිට 800 සීසී දක්වා කාණ්ඩයට අයත් මෝටර් රථ පාලනයක් සහිතව ආනයනය කිරීමට රජය අවසර ලබා දෙනු ඇති බවත් මුල් අදියරේදී බලයලත් නියෝජිතයන්ට සහ මව් සමාගම්වලට ඒ සඳහා අවසර ලැබෙනු ඇති බවත් මේ අතර වාර්තා වේ.

 වාහන ආනයනය ලබන වසරේ ආරම්භ වූ පසු වාහන අමතර කොටස් ආනයනය කර මෙරටදී වාහන එකලස් කරන සමාගම් සඳහා රජය ප්‍රමුඛතාව ලබාදීමේ සැලැසුමක්ද ක්‍රියාත්මක බව වාර්තා වේ.

වාහන ආනයනය කිරීම සඳහා අවසර ලැබී නැති වෛද්‍යවරුන්ගේ සහ රජයේ ඉහළ නිලධාරීන්ගේ වාහන බලපත්‍ර සඳහා අවසර ලබාදීම තීරණය කරනු ලබන්නේද ලබන වසරේදී බව පැවසේ. 

අවසරය ලබා ගැනීම සඳහා පෝලිමේ තිබෙන ආනයන බලපත්‍ර 10,000 සඳහා එකවර අවසර නොලැබෙනු ඇති බවද වාර්තා වන අතර, එසේම අනෙකුත් වාහනද පාලනයක් සහිතව ආනයනය කිරීමට ද අපේෂිතය.

Continue Reading
Advertisement

Trending

Copyright © 2023 Sri Lanka Mirror. All Rights Reserved