Connect with us

පුවත්

සුසිල් උපාධියට නිබන්ධනය කළේ ස්ත්‍රී නිමිත්ත ගැනද? රෝහිණී අසයි!

Published

on

අධ්‍යාපන ඇමැති ආචාර්ය සුසිල් ප්‍රේමජයන්ත මහතාට ඉකුත් සතියේ කලබැගෑනියකට මුහුණ දීමට සිදු වුයේ මාතලේ දිස්ත්‍රික් මන්ත්‍රීනි රෝහිණි කවිරත්නට අදාළව කට වැරදීමක් නිසාය. 

ඒ සම්බන්ධයෙන් ඇමැතිවරයා ඊයේ මන්ත්‍රීවරියට කනගාටුව පළ කළේ මන්ත්‍රීවරියගෙන් යහපත් ප්‍රතිචාරයක් අපේක්ෂාවෙනි.

කෙසේවුවද, මන්ත්‍රීවරිය එයට ප්‍රතිචාර දැක්වූයේ නව තනතුරක්ද ඇමැතිවරයාට පටබඳිමිනි. 

ඇය ඔහුව එහිදී ”කුණුහරුපාචාර්ය” ලෙස නම් කර සිටියාය.

ප්‍රේමජයන්ත මහතා සිය සමාව ගැනීම මෙසේ සිදු කළේය.

” පසුගිය සිකුරාදා මෙම ගරු සභාවේ මතු වූ සංවාදයකදී රෝහිණි කවිරත්න මැතිනියට යම් සිත් රිදීමක් වූයේ නම් ඒ ගැන මම කනගාටු වෙනවා. එය එතුමිය වෙත එල්ල කරන ලද්දක් නොවන බවත් කියන්න කැමතියි.”

කෙසේවුවද, මන්ත්‍රීවරිය එයට ප්‍රතිචාර දැක්වූයේ කථානායකවරයාටද චෝදනාවක් එල්ල කරමින් නොනැවතී ස්ත්‍රී නිමිත්ත ගැනද සඳහන් කරමිනි.

ඇය එහිදී වැඩිදුරටත් මෙසේ පැවසුවාය.

‘‘මේ සම්බන්ධයෙන් මම වරප්‍රසාද ප්‍රශ්නයක් ඉදිරිපත් කිරීමට සූදානමින් සිටියා. මට ඔබතුමාගෙන් දැන ගන්න අවශ්‍යයයි. මට සැකයක් ති‍යෙනවා මෙතුමාගේ මේ ප්‍රකාශය කරන තෙක් ඒ වරප්‍රසාද ප්‍රශ්නය කල් දැම්මා ද කියලා. උත්තරීතර යැයි කියන මේ සභාවේ සභානායක, අධ්‍යාපන ඇමැති, කුණුහරුපාචාර්ය සුසිල් ප්‍රේමජයන්ත කියන මනුස්සයා කරපු කථාව……”

“කට වහගෙන ඉන්න කරුණාකරලා. එතුමා එදා කළ කතාව කථානායකතුමාත් අගමැතිතුමාත් පිළිගන්නවා ද. ඒක හැන්සාඩ් එකෙන් අයින් කරලා තිබෙනවාද. එහෙම නැත්නම් අපි දන්නවා සුමංගල ශබ්ද කෝෂයේ මේ වචනය තිබෙනවා මට ප්‍රකාශ කරන්න බැහැ. මොකද මම එතැනට වැටෙන්න කැමති නැහැ. ඒ වචනය මේ පාර්ලිමේන්තුවේ පාවිච්චි කළාට කමක් නැද්ද කියලා මම කථානායකතුමාගෙන් අහනවා. මොකද මේ පාර්ලිමේන්තුවේ කාන්තාවක් කතා කරනකොට ස්ත්‍රී නිමිත්ත එළියට ඇදගෙන ඒක මලද…. මල් ද….. කියනවා. මොකක්ද හැදියාව. මම දන්නෙ නැහැ මෙතුමා උපාධියට නිබන්ධනය කළේ ස්ත්‍රී නිමිත්ත ගැනද කියලා.” අධ්‍යාපන ඇමැතිවරයාද ඊට පිළිතුරක් දීමට උත්සුක නොවීය.

සබැඳි පුවත්

රොහීණීට, සුසිල් කුණුහරුප කිව්වට පරීක්ෂණයක් ! (වීඩියෝ)

ක්‍රීඩා

IPL කිරුළ කොල්කටා නයිට් රයිඩර්ස්ට

Published

on

By

2024 IPL තරගාවලියේ කිරුළ හිමිකරගැනීමට කොල්කටා නයිට් රයිඩර්ස් කණ්ඩායම ඊයේ (26) රාත්‍රියේදී සමත්විය.

ඒ හයිද්‍රාබාද් කණ්ඩායමට එරෙහිව ලකුණු 114ක ජයග්‍රාහී ඉලක්කයක් හඹා යමින් පන්දුවාර 10.3කදී කඩුලු 2ක් පමණක් දැවී එම ඉලක්කය සම්පූර්ණ කරමිනි.

වේගවත් ඉනිමක් ක්‍රීඩා කළ වෙන්කටේෂ් අයියර් පන්දු 26කදී හයේ පහර 3ක් සහ හතරේ පහර 4ක් සමග ලකුණු 52ක් රැස්කරගත්තේය.

පිළිතුරු ඉනිම ආරම්භයේදී ඔහුට අගනා සහායක් ලබාදුන් රමනුල්ලා ගුර්බාස් පන්දු 32කදී හයේ පහර 2ක් සහ හතරේ පහර 5ක් සමග ලකුණු 39ක් රැස්කරගත්තේය.

කොල්කටා නයිට් රයිඩර්ස් පිල‍ේ සම හිමිකරුවන් වන්නේ බොලිවුඩයේ සුපිරි නළු ශාරුක් ඛාන් හා නිළි ජුහී චව්ලාය.

වසර 06කට පසු අයි.පී.එල්. අවසන් මහා තරගයකට සුදුසුකම් ලැබූ සන්රයිසස් හයිද්‍රබාද් කණ්ඩායමට මෙවරත් සිය බලාපොරොත්තු ඉටුකර ගැනීමට නොහැකි විය.

අයි.පී.එල්. ඉතිහාසයටම එක් කිරුළකට හිමිකම් කියන හයිද්‍රබාද් කණ්ඩායම එය දිනාගනු ලැබුවේ 2016 වසරේදීය.

ඔවුන් අවසන් වරට 2018 වසරේ අවසන් මහා තරගයට සුදුසුකම් ලැබූවත්, එවරද ඔවුන්ට චෙන්නායි හමුවේ පරාජයට පත් විය.

කොල්කටා කණ්ඩායම මේ ජයග්‍රහණය ලබා ගත්තේ වසර 10කට පසුවය.

ඔවුන්ද 2021 වසරේදී අවසන් මහා තරගය සුදුසුකම් ලැබූවත්, චෙන්නායි හමුවේ පරාජය වී අනුශූරතාවට පමණක් සීමාවීමට සිදු විය.

ඔවුන් අවසන් වරට අයි.පී.එල්. ශූරයන් ලෙසින් කිරුළු පැළදියේ 2014 වසරේදීය.

හයිද්‍රබාද් කණ්ඩායමේ සම හිමිකාරිනියක් ලෙස කාව්‍ය මාරන් කටයුතු කරනු ලබයි.

Continue Reading

පුවත්

මෙරට ප්‍රංශ තානාපති අභාවප්‍රාප්ත වෙයි

Published

on

By

ශ්‍රී ලංකාවේ ප්‍රංශ තානාපතිවරයා රාජගිරිය ප්‍රදේශයේ පිහිටි සිය නිල නිවස තුළදී මියගොස් ඇති බව පොලීසිය පවසයි.

Jean Francois Pactet මහතා මියයන විට 53 හැවිරිදි වියේ පසුවිය.

දේහය සම්බන්ධයෙන් ස්ථානීය මහෙස්ත්‍රාත් පරීක්ෂණය සිදුකිරීමට නියමිතව ඇත.

Continue Reading

කලා

ආනන්ද පෙරේරා දිවිගමනට සමුදෙයි!

Published

on

By

මෙරට ප්‍රවීණ සංගීතඥයෙකු හා ගායකයකු වූ ආනන්ද පෙරේරා මහතා අභාවප්‍රාප්ත වී තිබේ.

මියයන විට ඒ මහතා 67 හැවිරිදි වියේ පසුවිය.

මහනුවර ජාතික රෝහලේ ප්‍රතිකාර ලබමින් සිටියදී ඒ මහතා අභාවප්‍රාප්ත වී ඇත.

මෙරට අතිශය ජනප්‍රිය සංගීත කණ්ඩායමක් වූ සිහශක්ති සංගීත කණ්ඩායම මෙහෙයවනු ලැබුවේ ඔහු විසිනි.

Continue Reading
Advertisement

Trending

Copyright © 2023 Sri Lanka Mirror. All Rights Reserved