Connect with us

පුවත්

සෞඛ්‍යයේ V8 ලේකම්ලාට; සීතා තාම යන්නේ ජනපති කාර්යාල කාරයේ

Published

on

තමා රාජකාරි ගමන් බිමන් යාම සඳහා භාවිත කරනු ලබන්නේ ජනාධිපති ලේකම් කාර්යාලයෙන් තාවකාලිකව ලබා දී ඇති බෙන්ස් වර්ගයේ මෝටර් රථයක් බව සෞඛ්‍ය රාජ්‍ය ඇමැතිනි විශේෂඥ වෛද්‍ය සීතා අරඹේපොළ මහත්මිය කියයි.

එසේම තමන්ට වී එයිට් වර්ගයේ සුපිරි ජීප් රථයක් ලබා දෙන ලෙස සෞඛ්‍ය අමාත්‍යාංශයෙන් කිසිදු අවස්ථාවක ඉල්ලීමක් නොකළ බව සෞඛ්‍ය රාජ්‍ය ඇමැතිනිය ප්‍රකාශ කළාය.

සෞඛ්‍ය අමාත්‍යාංශයෙන් රාජ්‍ය ඇමැතිවරියට රථවාහන තුනක් ලබා දිය යුතු වුවද මේවන විට ලබා දී ඇත්තේ කැබ් රථයක් පමණක් වන අතර මීට පෙර ලබා දී තිබූ මෝටර් රථය ද ධාවනයට නුසුදුසු බව දන්වමින් සෞඛ්‍ය අමාත්‍යාංශයෙන් රැගෙන ගොස් ඇතැයි වාර්තා වේ.

සෞඛ්‍ය රාජ්‍ය ඇමැති විශේෂඥ වෛද්‍ය සීතා අරඹේපොළ මහත්මිය වැඩිදුරටත් පවසන්නේ මීට පෙර සිටි රාජ්‍ය අමාත්‍යවරුන් භාවිත කළ වාහන කිසිවක් තමාට හෝ තම කාර්ය මණ්ඩලයේ නිලධාරින්ට භාවිත කිරීමට ලබා දී නොමැති බවය.

එහෙත් රාජ්‍ය ඇමැතිවරුන් භාවිත කළ වී එයිට් වර්ගයේ ජීප් රථ දෙක අතිරේක ලේකම්වරුන් දෙදෙනකු භාවිත කරන බව සෞඛ්‍ය අමාත්‍යාංශයේ ලේකම් ජනක ශ්‍රී චන්ද්‍රගුප්ත ප්‍රකාශ කරයි.

මේ වනවිට රාජ්‍ය ඇමැතිවරුන් පත්කර ඇති බැවින් ඉන් එක් ජීප් රථයක් රාජ්‍ය ඇමැතිවරියට ලබා දීමට සැලසුම්කර ඇති බවද ඔහු සඳහන් කරයි.

වී එයිට් ජීප් රථයක් ඉල්ලීම සම්බන්ධයෙන් සෞඛ්‍ය ලේකම්වරයා යොමු කළ ලිපියක මේ බව සඳහන් වෙයි.

පුවත්

මෙරට ප්‍රංශ තානාපති අභාවප්‍රාප්ත වෙයි

Published

on

By

ශ්‍රී ලංකාවේ ප්‍රංශ තානාපතිවරයා රාජගිරිය ප්‍රදේශයේ පිහිටි සිය නිල නිවස තුළදී මියගොස් ඇති බව පොලීසිය පවසයි.

Jean Francois Pactet මහතා මියයන විට 53 හැවිරිදි වියේ පසුවිය.

දේහය සම්බන්ධයෙන් ස්ථානීය මහෙස්ත්‍රාත් පරීක්ෂණය සිදුකිරීමට නියමිතව ඇත.

Continue Reading

කලා

ආනන්ද පෙරේරා දිවිගමනට සමුදෙයි!

Published

on

By

මෙරට ප්‍රවීණ සංගීතඥයෙකු හා ගායකයකු වූ ආනන්ද පෙරේරා මහතා අභාවප්‍රාප්ත වී තිබේ.

මියයන විට ඒ මහතා 67 හැවිරිදි වියේ පසුවිය.

මහනුවර ජාතික රෝහලේ ප්‍රතිකාර ලබමින් සිටියදී ඒ මහතා අභාවප්‍රාප්ත වී ඇත.

මෙරට අතිශය ජනප්‍රිය සංගීත කණ්ඩායමක් වූ සිහශක්ති සංගීත කණ්ඩායම මෙහෙයවනු ලැබුවේ ඔහු විසිනි.

Continue Reading

පුවත්

“රාජපක්ෂලා එක්ක ඩීල් නොදැම්මේ සජබ විතරයි”

Published

on

By

රට විනාශ කළ රාජපක්ෂවරුන් සමග ඩිල් නොදැමූ එකම පක්ෂය සමගි ජන බලවේගය පමණක් බව විපක්ෂ නායක සජිත් ප්‍රේමදාස පවසයි.

ඔහු මෙම අදහස් පල කළේ, සජිත් ජනපති කරන, ජන බලය ගොඩ නගන ජන පවුර යන මැයෙන් සමගි ජන බලවේගය සංවිධාන කළ ජන රැළියට පොළොන්නරුව – කදුරුවෙළ නගරයේදී ඊයේ (25) එක්වෙමිනි.

ශ්‍රී ලංකා නිදහස් පක්ෂයේ හිටපු නියෝජ්‍ය අමාත්‍යවරයෙකු වූ නන්දසේන හේරත්, ශ්‍රී ලංකා නිදහස් පක්ෂයේ හිටපු පාර්ලිමේන්තු මන්ත්‍රී තිලක් මහලේකම් සහ ජනතා විමුක්ති පෙරමුණේ පොළොන්නරුව මහ නගර සභාවේ හිටපු නාගරික මන්ත්‍රී සමන්ත බණ්ඩාර විපක්ෂ නායක සජිත්ප්‍රේමදාසට සහය පළ කරමින් මෙහිදී සමගි ජන බලවේගය සමග එක්විය.

පාර්ලිමේන්තු මන්ත්‍රීවරුන් ඇතුලු සමගි ජන බල වේගය නියෝජනය කරන විශාල පිරිසක් මෙම රැලිය සඳහා එක්ව සිටියහ.

Continue Reading
Advertisement

Trending

Copyright © 2023 Sri Lanka Mirror. All Rights Reserved