Connect with us

පුවත්

හරක් කටා ගේන්න පාකිස්තානු ජාවාරමුන් හා හැප්පෙන්න ජනපති තීන්දු කරයි

Published

on

හරක් කටා ගේන්න පාකිස්තානු ජාවාරමුන් හා හැප්පෙන්න ජනපති තීන්දු කරයි

නඳුන් චින්තක හෙවත් හරක් කටා සහ සළිඳු මල්ෂිත ගුණරත්න නොහොත් කුඩු සළිඳු  යන මත්ද්‍රව්‍ය ජාවාරමුන් මැඩගස්කරයේ සිට මෙරටට ගෙන ඒම සඳහා ජාත්‍යන්තර පොලිසියේ සහය ගැනීමට රජය තීරණය කර ඇතැයි වාර්තා වේ.

ඒ මෙම පිරිස අත්අඩංගුවට ගත් බව නිල වශයෙන් මෙරටට දැනුම් දීමෙන් පසුවය.

වහාම මෙම පිරිස මැඩගස්කර් සිට මෙරටට රැගෙන විත් රැඳවුම් නියෝග මත තබාගෙන ඉදිරි විමර්ශන කිරීමට පියවර ගන්නැයි ජනපති රනිල් වික්‍රමසිංහ මහතා ආරක්ෂක අංශ ප්‍රධානීන්ට ඊයේ (07) පැවැති ජාතික ආරක්ෂක කවුන්සිලයේදී උපදෙස් දී තිබේ.

හරක් කටා ඇතුළු පිරිස මැඩගස්කර් ආරක්ෂක අංශ වෙත මුදල් ගෙවා මුදාගැනීම සඳහා පාකිස්ථාන් මත්ද්‍රව්‍ය ජාවාරමුන් ඊයේ (07) වනවිටත් මෙහෙයුම් අරඹා තිබුණු බවද අනාවරණය වී ඇත.

මේ සඳහා ඇමෙරිකන් ඩොලර් මිලියන තුනක් ඩුබායි සිට මැඩගස්කරය වෙත යවා ඇතැයි නිල නොවන ආරංචි මාර්ගවලින් වාර්තා වන බන “අරුණ” පුවත් පත වාර්තා කර තිබේ.

හරක් කටා ඇතුළු පිරිස මුදාගැනීම සඳහා ප්‍රංශයේ සිට නීතිඥවරයකුද පිටත් කර යවා ඇතැයි හෙළිවී ඇත.

මේ පිරිස කොටුකර ඇත්තේ අපරාධ පරීක්ෂණ දෙපාර්තමේන්තුවේ මෙරට ඉන්ටර්පෝල් ශාඛාව දිගින් දිගටම ජාත්‍යන්තර පොලිස් මූලස්ථානය ලබාදුන් තොරතුරුවලට අනුව බවද එම පුවත්පත වාර්තා කර ඇත.

මේ අනුව ඊයේ (07) වනවිට අපරාධ පරීක්ෂණ දෙපාර්තමේන්තුවේ විශේෂ කණ්ඩායමක් මැඩගස්කරයට යවා මෙම පිරිස මෙරටට ගෙන ඒම සම්බන්ධවද විශේෂ සාකච්ඡාවක් පවත්වා ඇතැයි පැවසේ.

ඒ සඳහා සහකාර පොලිස් අධිකාරිවරයකු ඇතුළු කණ්ඩායමක් සමග පොලිස් විශේෂ කාර්ය බළකායද යැවීමට තීරණය වී ඇති බව පැවසේ.

කලාපීය වශයෙන් තර්ජනයක් වූ මෙම මත්ද්‍රව්‍ය ජාලයට සම්බන්ධ වූවන් ඉරාන් හා පාකිස්ථාන් අන්තවාදී කණ්ඩායම් සමග පවත්වාගෙන යන සබඳතා පිළිබඳව ආසියාතික රටවල්ද රාජ්‍ය තාන්ත්‍රික මට්ටමින් ජාත්‍යන්තර පොලිසිය හා මැඩගස්කර රජය දැනුවත් කර ඇත.

ඒ අනුව මෙම සැකකරුවන් ශ්‍රී ලංකාවට භාරදීමට තීරණය කර තිබෙන බවද පැවසේ.

හරක් කටා ඇතුළු පිරිස මැලේසියාවට යාමේ අදහසින් මැඩගස්කරයට පැමිණි බව දැනට කෙරෙන විමර්ශනවලදී හෙළිවී ඇත. 

මැලේසියාවට පැන ගොස් යුරෝපයට හෝ වෙනත් රටකට පැන යාම අරමුණ බව හෙළිවී තිබේ. 

ඩුබායි රාජ්‍යයේ සැඟවී සිටින මත්කුඩු ජාවාරමුන් හා පාතාලයන් රාජ්‍ය තාන්ත්‍රික සබඳතා මගින් මෙරටට භාර ගැනීමට මහජන ආරක්ෂක අමාත්‍යංශය සාකච්ඡා වට කිහිපයක්ම පවත්වා තිබිණි.

ඒ අතරේ ඩුබායිහි සිටින ජාවාරම්කරුවන් වෙනත් රටවලට පැන යාමට සැලසුම් කර ඇතැයි ආරක්ෂක අංශ වෙත තොරතුරු ලැබී ඇත.

පුද්ගලික ජෙට් යානාවකින් ධන කුවේරයකු ලෙස හරක් කටා ඇතුළු පිරිස මැඩගස්කරයට පැමිණ තිබිණි. 

හේරත් දිසානායකගේ රොෂාන් ඉසංක නමින් සකස් කළ ව්‍යාජ ගුවන් ගමන් බලපත්‍රයෙන් ඩුබායි සිට මැඩගස්කරය වෙත හරක් කටා පැමිණ ඇත. 

මොහු ඉකුත් වසරේ අගෝස්තු 19 වැනිදා එක්සත් අරාබි එමීර් අත්අඩංගුවට ගත්තේ රොෂාන් ඉසංක නමින් සැකසූ ගුවන් ගමන් බලපත්‍රයෙන් විදෙස්ගත වීමට උත්සාහ කරමින් සිටියදීය.

නඳුන් චින්තක හෙවත් හරක් කටා නමින් ජාත්‍යන්තර රතු නිවේදන නිකුත් කළද ඔහු රොෂාන් ඉසංක නමින් ව්‍යාජ ගුවන් ගමන් බලපත්‍රයක් සකසාගෙන ඇතැයි ජාත්‍යන්තර පොලිසියේ දත්ත ගබඩාව යාවත්කාලීන කිරීමට මෙරට අපරාධ පරීක්ෂණ දෙපාර්තමේන්තුව පියවර ගත්තේය.

හරක් කටා සමග මැඩගස්කරයට ගිය පිරිසට ඉතියෝපියානු ජාතික අමෛතු මොහොමඩ් නූර් නමැති කාන්තාවක්ද සිටින අතර ඇය හරක් කටාගේ බිරිඳ ලෙස පෙනී සිට ඇත. 

හේරත් දිසානායකගේ මාසෙල් එතැෂ් නමැති අවුරුද්දකුත් මාස නවයක් වයසැති හරක් කටාගේ දරුවාද සිටින බව හෙළිවී තිබේ.

මේ පිරිසට රාජේෂ් රාජරාම් නමැති ඉන්දියානුවෙක්, ෆ්‍රැක්තෙවිස් පීටර්ස් නමැති දකුණු අප්‍රිකානු ජාතිකයකුද සිටිති. 

පානදුර රෝහල ළඟදී ගිලන් රථ රියැදුරකුට වෙඩි තැබීමේ සිද්ධියේ වෙඩික්කරුවන් දෙදෙනකුද මෙම පිරිස අතර සිටින අතර එක් අයෙක් සරත් කුමාර ලෙස හඳුනාගෙන ඇත.

සබැඳි පුවත්

හරක් කටා, කුඩු සළිඳු ඇතුළු 8ක් මැඩගස්කරයේදී අත්අඩංගුවට!

පුවත්

මුදවාගැනීමේ මෙහෙයුමකට මන්ත්‍රීවරු 3ක් තායිලන්තයට

Published

on

By

විපක්ෂයේ මන්ත්‍රීවරුන් තිදෙනෙක් අද (27) අලුයම තායිලන්තය බලා පිටත්ව ගියහ.

ඒ, මියන්මාරයේ සයිබර් අපරාධ කලාපයේ ත්‍රස්ත ග්‍රහණයේ සිටින ශ්‍රී ලාංකිකයින් සහ රුසියානු – යුක්‍රේන යුද්ධයට මැදිවී රුසියාවේ සිටින ශ්‍රී ලාංකික රණවිරුවන් බේරාගෙන යළි ශ්‍රී ලංකාව වෙත රැගෙන ඒමේ රාජ්‍යතාන්ත්‍රික මෙහෙයුම සඳහා එම රටවල රාජ්‍යතාන්ත්‍රික නිලධාරීන් සහ තෙවන පාර්ශ්වයන් සමග සාකච්ඡා කර වැඩපිළිවෙළක් සකස් කිරීම සඳහාය.

මෙම විපක්ෂ මන්ත්‍රී කණ්ඩායමට නීතීඥ වසන්ත යාපා බණ්ඩාර, ජේ.සී. අලවතුවල සහ සුජිත් සංජය පෙරේරා යන මන්ත්‍රීවරුන් ඇතුළත් වේ.

ඔවුන් මියන්මාරයේ සහ රුසියාවේ දින 05 බැගින් ගත කරමින් මෙම මෙහෙයුම දියත් කිරීමට නියමිතය.

මන්ත්‍රීවරුන් පිරිස ත්‍රෛනිකායික මහනාහිමිවරුන්ගේ සහ විපක්ෂ නායකවරයාගේ ඉල්ලීම් රැගත් ලිපි, මියන්මාරය සහ රුසියාව බලා පිටත්ව ගොස් තායිලන්තයේ සහ මියන්මාරයේ සංඝනායක හිමිවරුන් සහ රුසියාවේ රාජ්‍යතාන්ත්‍රික නිලධාරීන් හමුවී භාරදීමට ද නියමිත බවට වාර්තා වේ.

පිරිස අද අලුයම 01.10ට පමණ ශ්‍රී ලන්කන් ගුවන් සේවයේ UL – 402 දරන ගුවන්යානයෙන් තායිලන්තයේ බැංකොක් නුවර බලා පිටත්ව ගොස් ඇත.

Continue Reading

පුවත්

විජයදාසට එරෙහි වාරණ නියෝගය දීර්ඝ කරයි

Published

on

By

ශ්‍රී ලංකා නිදහස් පක්ෂයේ වැඩබලන සභාපතිවරයා ලෙස විජයදාස රාජපක්ෂ මහතා කටයුතු කිරීම වළක්වාලමින් පනවා තිබෙන වාරණ නියෝගය ජුනි මස 27 වනදා දක්වා තවදුරටත් දීර්ඝ කරන ලෙස කොළඹ දිසා අධිකරණය විසින් නියෝග කරන ලදී.

මෙම නඩුව අද (27) කොළඹ දිසා විනිසුරු සඳුන් විතාන මහතා ඉදිරියේ කැඳවීම සිදුවිය.

දිසා විනිසුරු සඳුන් විතාන මහතා නියෝග කළේ, තමා මේ හා සමාන තවත් නඩුකරයක් විභාග කරන බැවින් මෙම නඩුව කොළඹ දිසා අධිකරණයේ අංක 07 අධිකරණ ශාලාවේ විනිසුරුවරයා වෙත යොමු කරන බවය.

ඉන් අනතුරුව කොළඹ දිසා අධිකරණයේ අංක 07 ශාලාවේ අතිරේක දිසා විනිසුරුවරයා ඉදිරියේ මෙම නඩුව කැඳවන ලදී.

එහිදී මෙම නඩුවට අදාළ විරෝධතා ගොනු කිරීම සඳහා කල් ලබාදෙන ලෙස වගඋත්තරකාර පාර්ශ්වයේ නීතිඥවරු අධිකරණයෙන් ඉල්ලා සිටියහ.

ඒ අනුව, අදාළ විරෝධතා ඉදිරිපත් කිරීම සඳහා කල් ලබාදුන් විනිසුරුවරයා නඩුව නැවත ජුනි මස 27 වනදා කැඳවන ලෙස නියෝග කලේය.

අමාත්‍යවරුන් වූ ලසන්ත අලගියවන්න, මහින්ද අමරවීර සහ දුමින්ද දිසානායක විසින් මෙම නඩුව ගොනු කර තිබුණි.

Continue Reading

පුවත්

තාඹුගලට ඇප

Published

on

By

රක්ෂිත බන්ධනාගාරගතව සිටි අවුරා ලංකා සමාගමේ සභාපති විරංජිත් තාබුගල ඇප මත මුදාහැර තිබේ.

හෙලිකොප්ටරයක් ලබා ගැනීම සඳහා මුදල් ලබාගෙන රුපියල් මිලියන 70 වංචා කළේය යන්න මත ඔහුව රක්ෂිත බන්ධනාගාරගත කර තිබුණි.

කොළඹ අතිරේක මහේස්ත්‍රාත් පවිත්‍රා සංජීවනි පතිරාජ මහත්මිය අද(27) නියෝග කර ඇත්තේ සැකකරු ඇප මත මුදාහරින ලෙසයි.

සබැඳි පුවත්:

https://sinhala.srilankamirror.com/news/%E0%B6%85%E0%B7%80%E0%B7%94%E0%B6%BB%E0%B7%8F-%E0%B6%BD%E0%B6%82%E0%B6%9A%E0%B7%8F-%E0%B7%83%E0%B6%B7%E0%B7%8F%E0%B6%B4%E0%B6%AD%E0%B7%92-%E0%B6%BB%E0%B7%92%E0%B6%B8%E0%B7%8F%E0%B6%B1%E0%B7%8A/

Continue Reading
Advertisement

Trending

Copyright © 2023 Sri Lanka Mirror. All Rights Reserved