Connect with us

පුවත්

හරක් කටා හා කුඩු සළිඳු ආවෙලේ කටුනායක තිබූ වෑන් එක කාගෙද?

Published

on

මත්ද්‍රව්‍ය ජවාරම්කරුවන් මෙන්ම අපරාධකරුවන් වන නඳුන් චින්තක නොහොත් හරක් කටා සහ සලිඳු මල්ෂික නොහොත් කුඩු සලිඳු යන සැකකරුවන් ඊයේ (15) කටුනායක ගුවන් තොටට ආසන්නයේ නවතා තිබූ සැක සහිත වෑන් රියක් හේතුවෙන් ආරක්ෂක අංශ තුළ නොසන්සුන් තාවයක් ඇතිවූ බව පොලිස් ආරංචි මාර්ගවලින් වාර්තා වේ.

කෙසේවුවද, ඒ ගැන සිදු කළ විශේෂ විමර්ශනයකින් පසුව එය මෙම මෙහෙයුමට ආරක්ෂක රාජකාරි සඳහා පිටත්ව ගිය බුද්ධි අංශ කණ්ඩායමක් රැගත් එකක් බව අනාවරණය කරගෙන තිබේ.

මේ අතර, කිලෝමීටර් අටදහස් තුන්සියයක පමණ දීර්ඝ ගුවන් ගමනක් නිමාකරමින් නිරුපද්‍රිතව කටුනායක ගුවන් තොටුපොළ වෙත ගෙන ආ මෙම පාතාලයන් දෙදෙනා කටුනායක සිට කොළඹට රැගෙන එනතුරුත් විශේෂ ආරක්ෂක ක්‍රමවේද සලසා තිබූ බව වාර්තා වේ.

ඊයේත් ගුවන් යානය ප්‍රමාද වෙලා…

අපරාධ පරීක්ෂණ දෙපාර්තමේන්තුවේ සහ පොලිස් විශේෂ කාර්ය බළකායේ සහකාර පොලිස් අධිකාරිවරුන් දෙදෙනකු හා ප්‍රධාන පොලිස් පරීක්ෂකවරුන් දෙදෙනකු මෙම පාතාල නායකයන්ව මෙරටට රැගෙන ඒමේදී වගකීම භාරව සිටියහ. 

ඊයේ අලුයම 3.30ට මුම්බායි ගුවන් තොටුපොළෙන් මෙරට බලා පිටත්වීමට තිබූ යූ.එල්.142 ගුවන් යානය ගුවන් මගියකු ගුවන් යානය තුළදී හදිසියේ මරණයට පත්වීම නිසා පැය දෙකක කාලයකට ආසන්න කාලයක් ප්‍රමාද වී තිබිණි.

මෙම අපරාධකරුවන් දෙදෙනා ශ්‍රී ලන්කන් ගුවන් යානාව තුළ ඒ වන විටත් රඳවා තිබුණේ ඔවුන් මැදිවන ආකාරයට නිලධාරීන් සිවුදෙනාගේ රැකවරණයේ බව පැවසේ.

මෙම නිලධාරීන්ගේ සහායට මැඩගස්කර් පොලිසියේ නිලධාරීන් දෙදෙනකුද සමස්ත ගුවන් ගමනට එක්ව සිටියහ.

එම ප්‍රමාදයන්ගෙන් පසුව අදාළ ගුවන් යානය පිටත්ව තිබුණේ අලුයම 5.30ටය.

දින හතරක් තිස්සේ නිදිවර්ජිතව පාතාල නායකයන් දෙදෙනා මෙරටට රැගෙන ඒමේ භාරධූර වගකීම භාරව සිටි නිලධාරීන් සිදුදෙනා මැඩගස්කරයෙන් මෙරට බලා පිටත්වන පළමු ගුවන් ගමන අරඹා තිබුණේ මාර්තු 11 වැනිදා එරට වේලාවෙන් රාත්‍රි 8.00ට පමණය.

එම ගුවන්යානයේ ගමනාන්තය තිබුණේ කෙන්යාවේ නයිරෝබි වෙතය.

ඒ වන විට මැඩගස්කරයෙන් මෙරටට රැගෙන ඒමේදී එරට බලධාරීන්ට ඩොලර් මිලියන ගණනක් වියදම් කර හරක් කටා ඇතුළු පිරිස මුදවාගැනීමේ මෙහෙයුමක්ද පාකිස්තානු මත්ද්‍රව්‍ය ජාවාරමුන් අරඹා තිබූ බව පොලිසිය කියයි.

ඔවුන්ට නයිරෝබි ගුවන් තොටුපොළට පැමිණි පසු  ඉන්දියාවේ මුම්බායි වෙත ගමන් ගන්නා ඊළඟ ගුවන් යානයට ගොඩවීමට පැය 10ක කාලයක් කෙන්යාවේ නයිරෝබි ගුවන් තොටුපලේ සිටීමට සිදුව තිබේ.

කෙසේවුවද, අවසන් මොහොතේ එම ගුවන් යානයට හරක් කටා සහ කුඩු සලිඳු ඇතුළු කිරීම ප්‍රතික්ෂේප වූයෙන් මීළඟ ගුවන් යානයක් එනතුරු තවත් පැය අටක් බලා සිටීමට නිලධාරීන්ට සිදුව තිබේ.

පැය දහඅටක් පුරා නයිරෝබි ගුවන් තොටුපොළ තුළ ආරක්ෂිත ස්ථානයක පාතාල නායකයන් දෙදෙනාට රැකවල්ලා සිටීම ආරක්ෂාවට සිටි නිලධාරීන්ට වූ අභියෝගයක් වී තිබේ.

මේ තත්ත්වයත් සමඟ ඒ වන විට හරක් කටා සහ කුඩු සලිඳු බයෙන් බිරාන්තව සිටි බවද වාර්තා වේ.

එම කාලය තුළ කෑම බීම සපයා දීම හා වැසිකිළි කැසිකිළි රැගෙන යෑමද සිදුවූයේ ආරක්ෂක නිලධාරීන්ගේ අධීක්ෂණය යටතේය.

නයිරෝබි සිට මුම්බායි වෙත පැමිණ මාර්තු 14දා අලුයම මෙරටට පැමිණීමට ගුවන් යානා ටිකට් පත් වෙන්කර තිබුණද නයිරෝබිහිදි පැය අටක ප්‍රමාදයෙන් එම ගුවන් යානය මඟ හැරීඇත.

ඉන්දීය විශේෂ බුද්ධි කණ්ඩායමක්…

මේ නිසා පැය 24කට වැඩි කාලයක් මුම්බායි ගුවන් තොටුපොළ තුළ මෙම පාතාල නායකයන් දෙදෙනා ආරක්ෂිතව රඳවා ගැනීමට ඉන්දියානු රජය රාජ්‍ය තාන්ත්‍රික මට්ටමින් මෙහිදී සහාය ලබාදීම විශේෂ සිද්ධියකි.

ඉන්දියාවේ ශ්‍රී ලංකා මහ කොමසාරිස් කාර්යාලයේ නිලධාරීන්ද මෙහිදී සහාය දී ඇති අතර ගුවන් තොටුපොළේ ආරක්ෂාවට ඉන්දීය විශේෂ බුද්ධි කණ්ඩායමක්ද යොදවා සිටි බව වාර්තා වේ.

කටුනායක ගුවන් තොටුපොළේ සිට කොළඹ අධිකරණ වෛද්‍ය නිලධාරියා වෙත රැගෙනවිත් පරීක්ෂාවට ලක් කිරීමෙන් පසුව හරක් කටා සහ කුඩු සලිඳු ඉදිරි විමර්ශන සඳහා සී.අයි.ඩී.යේ හතරවෙනි තට්ටුව ලෙස හැඳින්වෙන කොටුව අපරාධ පරීක්ෂණ දෙපාර්තමේන්තු මූලස්ථානයට රැගෙන ආවේය.

දින 90ක් රඳවාගන්න ජනපති අත්සන ගහයි

හරක් කටා හා කුඩු සලිඳු ත්‍රස්තවාදය වැළැක්වීමේ පනත යටතේ දින 90ක් රඳවාගෙන ප්‍රශ්න කිරීමට ආරක්ෂක අමාත්‍යාංශය ලබාදුන් නිර්දේශයට ජනපති රනිල් වික්‍රමසිංහ මහතා ඊයේ (15) පස්වරු 4.00ට අත්සන් තබා තිබිණි.

හරක් කටා හා කුඩු සලිඳු වෙනුවෙන් ජනාධිපති නීතිඥවරුන් හතරදෙනකු ඇතුළු නීතිඥවරුන් අටදෙනකුගේ කණ්ඩායමක් ඉදිරිපත්ව සිටින බව මේ අතර වාර්තා වේ.

සබැඳි පුවත්

හරක් කටා හා කුඩු සළිදු නිසා කටුකායක ආරක්ෂාව තරකරයි (ජායා) 

පුවත්

ආර්ථික පරිවර්තන පනතේ සහයට තවත් පනත් දෙකක්

Published

on

By

2018 අංක 2 දරණ ප්‍රපාතන විරෝධී සහ ප්‍රතිතෝලන බදු පනත සහ  2018 අංක 3 දරණ ආරක්ෂණ පියවර පනත සංශෝධනය කිරීම සඳහා කැබිනට් අනුමැතිය ලැබී ඇත.

ආර්ථික පරිවර්තන පනත් කෙටුම්පත සකස් කිරීමේදී අදාල පනත් දෙක සඳහා අනුෂාංගික සංශෝධන හඳුන්වාදීමේ අවශ්‍යතාවය හඳුනාගනු ලැබ ඇතැයි රජය කියයි.

ඒ සඳහා වන පනත් කෙටුම්පත් නීති කෙටුම්පත් සම්පාදක විසින් සකස් කරනු ලැබ ඇති අතර එකී පනත් කෙටුම්පත් සඳහා නීතිපති අවසරය ලබාදී තිබේ.

ඒ අනුව අදාල සංශෝධිත පනත් කෙටුම්පත් දෙක රජයේ ගැසට් පත්‍රයේ පළ කිරීමටත් අනතුරු අනුමැතිය සඳහා පාර්ලිමේන්තුවට ඉදිරිපත් කිරීමටත් ජනාධිපතිවරයා ඉදිරිපත් කළ යෝජනාව අමාත්‍ය මණ්ඩලය විසින් අනුමත කර ඇත.

සබැඳි පුවත් :

Continue Reading

පුවත්

සමෘද්ධි බැංකු රජයේ විගණනයට

Published

on

By

සමෘද්ධි ප්‍රජා මූල බැංකු හා සමෘද්ධි ප්‍රජා මූල බැංකු සමිති රජයේ විගණනයට යටත් කිරීම සඳහා පනත සංශෝධනය කිරීමට කැබිනට් අනුමැතිය ලැබී තිබේ.

ශුද්‍ර මූල්‍ය කටයුතු ප්‍රවර්ධනය කිරීම සඳහා සමෘද්ධි ප්‍රජා මූල බැංකු 1082ක් සහ සමෘද්ධි ප්‍රජා මූල බැංකු සමිති 335ක් රට පුරා ක්‍රියාත්මක වන බව රජය පවසයි.

සමෘද්ධි පනතේ විධිවිධාන පරිදි එම ප්‍රජා මූල බැංකු සහ බැංකු සමිති වාර්ෂිකව සමෘද්ධි සංවර්ධන දෙපාර්තමේන්තුවේ අභ්‍යන්තර විගණන අංශය මගින් විගණනය කරනු ලබන අතර ජාතික විගණන කාර්යාලයේ විගණනයට ලක්විය යුතු බවට වන විධිවිධාන සමෘද්ධි පනතේ ඇතුලත්ව නැතැයි ද රජය කියයි.

මෙම ආයතන රජයේ විගණන කාර්යාලය විසින්ද විගණනය කිරීම මගින් ඒවායේ කාර්යයන් විනිවිද භාවයෙන්  පවත්වා ගැනීමට සහ ජනතාවගේ විශ්වාසය හා පිළිගැනීම වර්ධනය කිරීමට හැකිවනු ඇති බව හඳුනාගෙන ඇත.

ඒ සඳහා විධිවිධාන පනවමින් සමෘද්ධි පනත සංශෝධනය කිරීමටත් ඒ සඳහා පනත් කෙටුම්පතක් සකස් කරන ලෙස නීති කෙටුම්පත් සම්පාදකට උපදෙස් දීමටත්  කාන්තා ළමා කටයුතු හා සමාජ සවිබල ගැන්වීමේ අමාත්‍ය ලෙස ජනාධිපතිවරයා ඉදිරිපත් කළ යෝජනාව අමාත්‍ය මණ්ඩලය විසින් අනුමත කර තිබේ.

Continue Reading

පුවත්

නිලන්ත ජයවර්ධන ට එරෙහි පෙත්සම සලකා බැලීම කල් යයි

Published

on

By

පාස්කු ඉරු දින ත්‍රස්ත ප්‍රහාරයක් එල්ලවීමට නියමිත බවට බුද්ධි තොරතුරු ලැබී තිබියදීත් එය වළක්වා ගැනීමට කටයුතු නොකිරීම සම්බන්ධයෙන් රාජ්‍ය බුද්ධි සේවයේ හිටපු ප්‍රධානී නිලන්ත ජයවර්ධන මහතාට එරෙහිව නීතිමය පියවර ගන්නා ලෙස නියෝගයක් නිකුත් කරන්නැයි ඉල්ලා ගොනුකළ පෙත්සම සලකා බැලීම සඳහා ජූලි මස 25 වනදා කැඳවන ලෙස අභියාචනාධිකරණය නියෝග කළේය.

මෙම පෙත්සම අද (28) සෝභිත රාජකරුණා සහ ධම්මික ගනේපොල යන මහත්වරුන්ගේ සමන්විත විනිසුරු මඩුල්ලක් ඉදිරියේ කැඳවනු ලැබීය.

එම අවස්ථාවේදී වගඋත්තරකාර නිලන්ත ජයවර්ධන මහතා වෙනුවෙන් පෙනී සිටි නීතිඥ මහතා විසින් මෙම නඩුකරයට අදාළව විරෝධතා ගොනුකිරීම සඳහා දිනයක් ලබාදෙන ලෙස ඉල්ලා සිටින ලදී.

අදාළ විරෝධතා ජුනි මස 25 වනදා හෝ ඊට පෙර ගොනුකරන ලෙස අධිකරණය නියෝග කළේය.

ඉන් අනතුරුව පෙත්සම සලකා බැලීම සඳහා ජූලි මස 25 වනදා යළි කැඳවන ලෙස අධිකරණය නියම කළේය.

සමාජ හා සාමයික කේන්ද්‍රයේ අධ්‍යක්ෂ ජූඩ් රොහාන් සිල්වා පියතුමා ඇතුළු පිරිසක් විසින් මෙම පෙත්සම ඉදිරිපත් කර තිබේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved