Connect with us

පුවත්

හිමිනමකට සුපර් මාර්කට් එකකදී ගැහුව කේස් එකට කතකගේ සම්බන්ධයක්

Published

on

හලාවත සුපිරි වෙළෙඳ සැලක් තුළදී හිමිනමකට පුද්ගලයකු පහර දෙන අයුරු මේ වන විට සමාජ මාධ්‍ය දැඩි ලෙස කතාබහට ලක් වෙමින් තිබේ. 

මෙලෙස පහර කෑමට ලක්ව ඇත්තේ කරවිටාගරේ ධම්මකිත්ති නමැති හිමිනමක් වන අතර, මේ හිමිනම හලාවත කරවිටාගාර විහාරස්ථානයේ හා ඉතාලියේ විහාරස්ථානයක වාසය කරයි.

පසුගිය 21 වැනිදා පස්වරු 02ට පමණ මේ පහරදීම සිදුව ඇති බව මේ හිමිනම හලාවත පොලිසියට කළ පැමිණිල්ලේ සඳහන් වෙයි. 

මේ පහරදීම සිදු කරන පුද්ගලයා මේ හිමිනමගේ ගමන් මල්ල පැහැරගෙන යන අයුරු ද කෑමරාවල සටහන්ව ඇත. 

මේ ගමන් මල්ලේ රුපියල් ලක්ෂ 48ක වටිනාකම ඇති යූරෝ මුදල් නෝට්ටු හා ශ්‍රී ලංකා රුපියල් තිබූ බවට පැමිණිල්ලේ සඳහන්ව ඇත. 

මේ මුදල් රැගෙනවිත් ඇත්තේ ඉතාලියට යැවීම සඳහා කිසියම් පුද්ගලයෙකුට දීමට බව ද වාර්තා වේ.

මේ හිමිනම පසුගිය 23 වැනිදා නැවත ඉතාලියට යාමට නියමිතව තිබී ඇත.

හිමිනමට පසුගිය කාලයේ දිගින් දිගටම කාන්තාවකගෙන් බලපෑම් තිබූ බවට ද තොරතුරු ලැබී තිබේ. 

මේ පහරදීම හා මංකොල්ලකෑම පිටුපස එම සිදුවීම තිබේ දැයි පොලිසිය සැක කරයි. හලාවත මූලස්ථාන පොලිසිය මේ පිළිබඳව වැඩිදුර පරීක්ෂණ සිදු කරයි.

පුවත්

මෙරට ප්‍රංශ තානාපති අභාවප්‍රාප්ත වෙයි

Published

on

By

ශ්‍රී ලංකාවේ ප්‍රංශ තානාපතිවරයා රාජගිරිය ප්‍රදේශයේ පිහිටි සිය නිල නිවස තුළදී මියගොස් ඇති බව පොලීසිය පවසයි.

Jean Francois Pactet මහතා මියයන විට 53 හැවිරිදි වියේ පසුවිය.

දේහය සම්බන්ධයෙන් ස්ථානීය මහෙස්ත්‍රාත් පරීක්ෂණය සිදුකිරීමට නියමිතව ඇත.

Continue Reading

කලා

ආනන්ද පෙරේරා දිවිගමනට සමුදෙයි!

Published

on

By

මෙරට ප්‍රවීණ සංගීතඥයෙකු හා ගායකයකු වූ ආනන්ද පෙරේරා මහතා අභාවප්‍රාප්ත වී තිබේ.

මියයන විට ඒ මහතා 67 හැවිරිදි වියේ පසුවිය.

මහනුවර ජාතික රෝහලේ ප්‍රතිකාර ලබමින් සිටියදී ඒ මහතා අභාවප්‍රාප්ත වී ඇත.

මෙරට අතිශය ජනප්‍රිය සංගීත කණ්ඩායමක් වූ සිහශක්ති සංගීත කණ්ඩායම මෙහෙයවනු ලැබුවේ ඔහු විසිනි.

Continue Reading

පුවත්

“රාජපක්ෂලා එක්ක ඩීල් නොදැම්මේ සජබ විතරයි”

Published

on

By

රට විනාශ කළ රාජපක්ෂවරුන් සමග ඩිල් නොදැමූ එකම පක්ෂය සමගි ජන බලවේගය පමණක් බව විපක්ෂ නායක සජිත් ප්‍රේමදාස පවසයි.

ඔහු මෙම අදහස් පල කළේ, සජිත් ජනපති කරන, ජන බලය ගොඩ නගන ජන පවුර යන මැයෙන් සමගි ජන බලවේගය සංවිධාන කළ ජන රැළියට පොළොන්නරුව – කදුරුවෙළ නගරයේදී ඊයේ (25) එක්වෙමිනි.

ශ්‍රී ලංකා නිදහස් පක්ෂයේ හිටපු නියෝජ්‍ය අමාත්‍යවරයෙකු වූ නන්දසේන හේරත්, ශ්‍රී ලංකා නිදහස් පක්ෂයේ හිටපු පාර්ලිමේන්තු මන්ත්‍රී තිලක් මහලේකම් සහ ජනතා විමුක්ති පෙරමුණේ පොළොන්නරුව මහ නගර සභාවේ හිටපු නාගරික මන්ත්‍රී සමන්ත බණ්ඩාර විපක්ෂ නායක සජිත්ප්‍රේමදාසට සහය පළ කරමින් මෙහිදී සමගි ජන බලවේගය සමග එක්විය.

පාර්ලිමේන්තු මන්ත්‍රීවරුන් ඇතුලු සමගි ජන බල වේගය නියෝජනය කරන විශාල පිරිසක් මෙම රැලිය සඳහා එක්ව සිටියහ.

Continue Reading
Advertisement

Trending

Copyright © 2023 Sri Lanka Mirror. All Rights Reserved