Connect with us

පුවත්

හෙද හිඟයෙන් ගම්පහ රෝහලේ සැත්කම් සීමා වෙයි

Published

on

ගම්පහ මූලික රෝහලේ පවතින හෙද හෙදියන්ගේ හිඟය නිසා එම රෝහලේ හෘද රෝග දැඩි සත්කාර ඒකකය, සැත්කම් ඒකකය මෙන්ම හදිස්සි සැත්කම් ඒකකය සහ රෝහලේ අත්‍යවශ්‍ය සේවාවන් පවත්වාගෙනයාම අසීරු වී ඇතැයි ඒම රෝහලේ අධ්‍යක්ෂිකා විශේෂඥ වෛද්‍ය හිමාලි විජේගුණරත්න මහත්මිය කියා සිටී.

මෙම රෝහලේ හෙද හෙදියන් බොහෝමයක් විදේශගතවී සිටින බවත්, සමහරු විශ්‍රාම ගොස් ඇති බවත්, තවත් සමහරු දරු ප්‍රසූතිය සඳහා නිවාඩු ලබාගෙන තිබෙන බවත් ඇය පැවසුවාය.

අදාළ තත්ත්වය හේතුවෙන් රෝහලේ හෘද රෝග දැඩි සත්කාර ඒකකය, සැත්කම් ඒකකය මෙන්ම හදිස්සි සැත්කම් ඒකකය ඇතුළු රෝහලේ සෙසු වාට්ටු සඳහා අත්‍යවශ්‍ය සේවාවන් සඳහා අඩුම තරමින් හෙද හෙදියන් තිස් දෙනෙකුවත් සිටිය යුතු නමුත් මේ වනතෙක් එම අඩුපාඩුව විසඳීමට කිසිවෙකුගේ අවධානයක් යොමුවී නැතැයිද ඇය කියා සිටී. 

මේ බව වගකිව යුතු අංශවලට වාර කිහිපයකදීම දැනුවත් කර ඇතැයි ද පැවසේ.

තවද එම රෝහලේ දිනපතා කෙරෙන ශල්‍යකර්ම, දිනපතා සිදු කෙරෙන හදිසි ශල්‍යකර්ම, ශල්‍යාගාරයේ සේවයේ නියුතු හෙද හෙදියන් මෙන්ම හෘද රෝග දැඩි සත්කාර ඒකකයේ ද හෙදියන් අවශ්‍ය ප්‍රමාණයට නොසිටීම හේතුවෙන් රෝහලේ අතවශ්‍ය ශල්‍යාගාර හා සැත්කම් සේවා පවත්වාගෙන යෑමටද විශාල ගැටලුවක් වී ඇතැයි රෝහල් අධ්‍යක්‍ෂවරිය කියා සිටී.

එම තත්ත්වය හේතුවෙන් ශල්‍යකර්ම හා සැත්කම් සීමාකර පාලනයකට යටත්ව සිදු කිරීමටද රෝහලේ බලධාරීන්ට ඊයේත් සිදුව තිබුණු බවද වාර්තා වේ.

හෙද හෙදියන්ගේ හිඟය නිසා දැනට සේවය කරන හෙද හෙදියන් පැය 24 පුරාම අතිකාල සේවාවන් සිදු කළත් තවදුරටත් ඔවුන්ට මේ අකාරයට වෙහෙසවීමට අසීරු බවද රෝහල් අධ්‍යක්ෂවරිය සදහන් කරයි.

පුවත්

විදුලිය බිඳ වැටීම් ගැන දැනුම්දෙන්න

Published

on

By

අයහපත් කාලගුණයත් සමඟ දිවයින පුරා සිදුව ඇති විදුලිය බිඳවැටීම් ඉතා ඉක්මනින් දැනුම්දිය හැකි නව ක්‍රමවේදයක් ලංකා විදුලිබල මණ්ඩලය විසින් හඳුන්වා දී තිබේ.

ඒ, මීට පෙර විදුලිය බිඳ වැටීම් සම්බන්ධයෙන් දැනුම්දීමට තිබූ 1987 ක්ෂණික දුරකථන අංකයේ ඇතිව තිබෙන කාර්ය බහුලත්වය හේතුවෙන්.

ඒ අනුව, පහත ක්‍රමවේදයන් අනුගමනය ලෙස ලංකා විදුලිබල මණ්ඩලය පාරිභෝගිකයින්ගෙන් ඉල්ලා සිටී.

සබැඳි පුවත්:

දවස් 03ට ලක්ෂ 03කට කරන්ට් එක ගිහින්

Continue Reading

පුවත්

ගාල්ලට ජාතික රෝහලක්

Published

on

By

ගාල්ල ජාතික රෝහල ස්ථාපිත කිරීම සඳහා කැබිනට් අනුමැතිය ලැබී තිබේ.

ඒ අනුව කරාපිටිය ශික්ෂණ රෝහල මෙරට තෙවැනි ජාතික රෝහල බවට පත්කිරීමට අනුමැතිය ලැබී ඇත.

කරාපිටිය ශික්ෂණ රෝහල දකුණු පළාතෙහි සහ යාබද පළාත්වල රෝගීන් හට මාතෘ සත්කාර සේවා හැර තෘතීයක සේවා සපයන ප්‍රධානතම සෞඛ්‍ය මධ්‍යස්ථානයක් ලෙස ක්‍රියාත්මක වන අතර එකී පළාත්වල ප්‍රාථමික හා ද්විතීයක සෞඛ්‍ය සත්කාරක සේවා ආයතන මගින් විශේෂඥ සේවාවන් සඳහා මෙම රෝහල වෙත රෝගීන් යොමු කරනු ලබයි.

රුහුණු විශ්ව විද්‍යාලයේ වෛද්‍ය පීඨයේ සහ සම සෞඛ්‍ය විද්‍යා පීඨයේ ඉගැන්වීම් කටයුතු සඳහා කරාපිටිය ශික්ෂණ රෝහලේ මහාචාර්ය ඒකකය ස්ථාපිත කර ඇත.

මෙම වසර අවසන් වන විට රෝහලෙහි ඇඳන් ධාරිතාවය 2858ක් දක්වා වැඩි කිරීම මත එය කොළඹ ශ්‍රී ලංකා ජාතික රෝහලට පමණක් දෙවැනි වන තෘතීයක සේවා සෞඛ්‍ය මධ්‍යස්ථානයක් බවට පත්වනු ඇතැයි රජය කියයි.

ඒ අනුව කොළඹ ජාතික රෝහලට සහ මහනුවර ජාතික රෝහලට අමතරව කරාපිටිය ශික්ෂණ රෝහල ජාතික රෝහලක් ලෙස කාණ්ඩ ගත කරමින් ගාල්ල ජාතික රෝහල ලෙස නම් කිරීම පිණිස සෞඛ්‍ය අමාත්‍යවරයා ඉදිරිපත් කළ යෝජනාව අමාත්‍ය මණ්ඩලය විසින් අනුමත කර ඇත.

Continue Reading

පුවත්

කතට අතවර කළ සැරයන්ගේ වැඩ තහනම්

Published

on

By

බිංගිරිය පොලිස් ස්ථානයේ ආපනශාලාවක් තුළදී එහි ආපනශාලාවේ සේවය කළ කාන්තාවකට ලිංගික අතවර කළ බව කියන සැරයන්වරයාගේ වැඩ තහනම් කළ බව කුලියාපිටිය ජ්‍යෙෂ්ඨ පොලිස් අධිකාරී කාර්යාලය පවසයි.

මෙසේ වැඩ තහනමට ලක්කර ඇත්තේ, බිංගිරිය පොලිසියේ සේවයේ කළ පොලිස් සැරයන්වරයෙකි.

බිංගිරිය පොලිස් ස්ථානයේ ආපනශාලාව පවත්වාගෙන ගිය වීරපොකුණ ප්‍රදේශයේ කාන්තාවකට ලිංගික අතරවර කළ බවට පොලිස්පතිවරයාට යොමු කළ පෙත්සමකට අනුව එහි විමර්ශන කටයුතු සිදුකරන ලෙස කුලියාපිටිය ජ්‍යෙෂ්ඨ පොලිස් අධිකාරිවරයාට පොලිස්පති විසින් නියෝග කරන ලදී.

ඒ අනුව, බිංගිරිය පොලිසියේ ස්ථානාධිපතිවරයාගේ ප්‍රධානත්වයෙන් ඒ පිළිබඳ විමර්ශනයක් සිදුකර සැකකාර සැරයන්වරයා අත්අඩංගුවට ගෙන හෙට්ටිපොළ මහේස්ත්‍රාත් අධිකරණයට ඉදිරිපත් කිරීම සිදුවිය.

කෙසේ වෙතත්, එම සැරයන්වරයා විසින් සිදුකරන ලද විෂමාචාර ක්‍රියාව හේතුවෙන් ඔහුගේ වැඩතහනම් කරන ලෙස ජ්‍යෙෂ්ඨ පොලිස් අධිකාරීවරයා විසින් දැනුම් දී ඇත.

Continue Reading
Advertisement

Trending

Copyright © 2023 Sri Lanka Mirror. All Rights Reserved