නව වීසා ක්‍රමවේදය හා නව මාර්ගගත ක්‍රමවේදය (eVisa) අද (17) සිට ක්‍රියාත්මක බව ආගමන විගමන දෙපාර්තමේන්තුව දැනුම් දෙයි.
eVisa ක්‍රමවේදය, ඊට අදාළ ගාස්තු, සපුරාලිය යුතු අවශ්‍යතා සහ මෙරට තුළ රැඳී සිටිය හැකි කාල සීමාව පිළිබඳව පසුගිය දා අතිවිශේෂ ගැසට් පත්‍රයක් මගින් ප්‍රකාශයට පත් කරන ලදී.
eVisa පිළිබඳව දැනුවත් කිරීම් WWW.SRILANKAEVISA.LK වෙබ් අඩවිය හරහා සිදුවේ.
ආගමන විගමන පාලක ජනරාල් හර්ෂ ඉලුක්පිටිය මහතා සඳහන් කළේ, නව ක්‍රමවේදය හරහා රටවල් රැසක සිට ඔන්ලයින් (Online) ඔස්සේ වීසා අයැදුම් කළ හැකි බවයි.
මෙම නව ක්‍රමවේදය හරහා සංචාරක වීසා මාස 6ක කාලයකට ලබා ගත හැකි බව ද ඔහු වැඩිදුරටත් පැවසුවේ ය.
