රජයේ අධිනීතිඥවරියක ගමන්ගත් නීතිපති දෙපාර්තමේන්තුවට අයත් මෝටර් රථයකට මිටියකින් පහරදී අලාභහානි කල බව පැවසෙන පුද්ගලයෙකු සොයා පානදුර දකුණ පොලිසිය පරීක්ෂණ ආරම්භ කර තිබේ.
අධිනීතිඥවරිය ඊයේ (12) පස්වරුවේ සිය රාජකාරි නිමවා නිළ රථයෙන් නිවස කරා යමින් සිට ඇති අතර , පානදුර දුම්රිය ස්ථානය ආසන්නයේ දී ඇය ගමන්ගත් රථයේ පසුපස වම් අසුන ආසන්නයේ විදුරුවට පහරදී ඇති බව පොලිසිය පවසයි.
පොලිසිය සදහන් කළේ මෝටර් රථයේ වීදුරුවට එල්ලකල මිටි පහරින් විදුරුව විනාශ වී තිබෙන බවත් මිටිය මෝටර් රථය තුල තිබී සොයාගත් බවය.
රියදුරුගෙන් ප්‍රකාශ ලබාගෙන ඇති අතර ,මෝටර් රථයද පොලිස් භාරයට ගෙන තිබේ.
