Connect with us

පුවත්

අනවසර සංක්‍රමණිකයින් අමෙරිකාවෙන් පිටුවහල් කරයි

Published

on

අමෙරිකාවේ සිට පැනමාවට පිටුවහල් කරන ලද ශ්‍රී ලාංකිකයන් ඇතුළු සංක්‍රමණිකයන් 100කට ආසන්න පිරිසක් ඔවුන් රඳවා සිටි ස්ථානයේ සිට වෙනත් ස්ථානයකට මාරුකර යවා ඇත.

පැනමා අගනුවර පිහිටි හෝටලයක සිටි එම පිරිස එරට ඩැරියන් වනාන්තර කලාපයට මාරුකර ඇති බව පැනමා රජය පවසයි.

නිවේදනයක් නිකුත් කරමින් පැනමා ආරක්ෂක අමාත්‍යාංශය පැවසුවේ, ඉකුත්දා අමෙරිකාවෙන් පිටුවහල් කරන ලද සංක්‍රමණිකයන් 299 දෙනාගෙන් 13 දෙනෙකු ඔවුන්ගේ මව් රටවලට ආපසු යවා ඇති බවයි.

එලෙස මව් රට බලා යෑමට කැමැත්ත පළකළ තවත් 175 දෙනකු පැනමා නගරයේ හෝටලයක රැඳී සිටි බවද එම අමාත්‍යංශය පවසයි.

පැනමා රජයට අනුව, එම සංක්‍රමණිකයන් ප්‍රාදේශීය බලධාරීන්ගේ ආරක්ෂාව යටතේ සහ අමෙරිකාවට සම්බන්ධ අන්තර්ජාතික සංක්‍රමණ සංවිධානය සහ එක්සත් ජාතීන්ගේ සරණාගත ඒජන්සිය හරහා අමෙරිකාවේ මූල්‍ය ආධාර යටතේ අදාළ හෝටලයේ රැඳී සිට තිබේ.

එම සංක්‍රමණිකයන් අතර ඇෆ්ගනිස්තානය, චීනය, ඉන්දියාව, ඉරානය, නේපාලය, පාකිස්තානය,  ශ්‍රී ලංකාව, තුර්කිය, උස්බෙකිස්තානය සහ වියට්නාමය යන රටවලින් පැමිණි පුද්ගලයන් සිටි බව පැනමා රජය පවසා ඇත.

ඔවුන් පැනමාවට පැමිණ ඇත්තේ අමෙරිකාවෙන් පිටුවහල් කළ පසු එම පිරිස භාරගැනීමට පැනමාව කැමැත්ත පළකිරීමෙන් අනතුරුව බවද එහි සදහන් වේ.

අනවසර සංක්‍රමණිකයන් පිටුවහල්කිරීම කඩිනම් කිරීමේ අරමුණින් ට්‍රම්ප් පරිපාලනය විසින් මේ වනවිට සංක්‍රමණිකයන් පිටුවහල් කරමින් සිටියි.

ට්‍රම්ප්ගේ එම සැලැසුමට එල්ල වී ඇති එක් අභියෝගයක් වන්නේ, රාජ්‍යතාන්ත්‍රික සබඳතා හෝ වෙනත් හේතූන් මත අමෙරිකාවෙන් පිටුවහල් කෙරෙන පිරිස් රැගත් ගුවන් යානා පිළිගැනීම ප්‍රතික්ෂේප කරන රටවලින් පවා සංක්‍රමණිකයන් අමෙරිකාවට පැමිණ සිටීම බව සඳහන්වේ.

පුවත්

පෑලියගොඩ නගර සභාවට පැරැදිච්ච අපේක්ෂකයෙක් ගේන්න සජබ ඇතුලේ ගේමක්!

Published

on

By

විපක්ෂයට වැඩි බලය හිමි පෑලියගොඩ නගර සභාවට සමගි ජන බලවේගයේ පැරදුන නගරාධිපති අපේක්ෂකයා ලයිස්තුවෙන් පත් කිරීමට කතාබහක් ඇතිව ඇතැයි වාර්තා වේ.

එම සභාව ජාතික ජනබලවේගය විසින් ජයග්‍රහණය කරනු ලැබුවද එයට හිමිව ඇත්තේ සභික ධූර අටක් වන අතර විපක්ෂයට සභික ධූර 9ක් හිමිව තිබේ.

ඒ අනුව විපක්ෂයට, සමගි ජන බලවේගයට සභිකයන් 4ක්, එක්සත් ජාතික පක්ෂයට සභිකයන් 2ක්, ශ්‍රී ලංකා පොදුජන පෙරමුණට, සර්වජන බලය හා පොදුජන එක්සත් පෙරමුණට සභිකයන් එක බැගින් හිමිව තිබේ.

මේ ප්‍රතිඵිලය අනුව කාන්තා නියෝජනය 25% සඳහා සමගි ජන බලවේගය සිය බෝනස් සභික ධූර වලින් 2ක් කාන්තාවන් සඳහා වෙන් කළ යුතුවේ.

මේ තත්ත්වය මත පූර්ව එකඟතාවයකින් පොදුජන එක්සත් පෙරමුණේ සභික ධූරය සඳහා කාන්තාවක් පත්කර, ඉන් කාන්තා 25% සම්පූර්ණ කර සජබ බෝනස් සභිකධූරය සඳහා පැරදුන සභාපති අපේක්ෂකයා පත් කිරීමට සූදානම් වන බව සජබ පක්ෂ අභ්‍යන්තර ආරංචි මාර්ගවලින් වාර්තා වේ.

මෙය මූල්‍යමය ගනුදෙනුවක් මත සිදුවන්නක් බවට ද වාර්තා පැතිර තිබේ.

මේ ගනුදෙනුව පිටුපස ද සජබ නායකයාගේ උපදේශක සිටින බව වාර්තා වේ.

Continue Reading

පුවත්

චමුදිත හා කීර්තිට එරෙහිව විජේදාස, වාරණයක් ගනියි!

Published

on

By

විජයදාස රාජපක්ෂ මහතාට අපහාසයක් සිදුවන අසත්‍ය, වෛරී සහ ද්වේශ සහත ප්‍රකාශ හා සාකච්ඡා සමාජ මාධ්‍ය ඔස්සේ අන්තර්ජාලයට මුදා හැරීම වළක්වමින් චමුදිත සමරවික්‍රම හා කීර්ති රත්නායක යන මාධ්‍යවේදීන්ට එරෙහිව නුගේගොඩ දිසා විනිසුරු ආර්.ඒ.එම්. රාජපක්ෂ මහතා විසින් ඊයේ (09) නිකුත් කළේය.

ජනාධිපති නීතීඥ විජයදාස රාජපක්ෂ මහතා විසින් චමුදිත සමරවික්‍රම හා කීර්ති රත්නායක වග උත්තරකරුවන් කරමින් පැවරූ පැමිණිල්ලක් සලකා බැලීමෙන් පසුව මෙම වාරණය නිකුත් කළේය.

වග උත්තරකරුවන් දෙදෙනා විසින් සම්මුඛ සාකච්ජාවක් පවත්වා Truth with Chamuditha යූ ටියුබ් නාලිකාව ඔස්සේ මුද හැරීම මගින් සිදු කර ඇති අපහාසය සහ අවමානය හේතුවෙන් සිදුවූ අගතියට රුපියල් මිලියන 1,000ක වන්දි මුදලක්  ඉල්ලා මෙම නඩුව ගොනුකොට ඇත.

චමුදිත සමරවික්‍රම විසින් කීර්ති රත්නායක සමඟ 2025.04.30 වන දින හෝ ඊට ආසන්න දිනක දී සම්මුඛ සාකච්ඡාවක් පවත්වා එය පළමු විත්තිකරුට අයත් ඔහු විසින් පවත්වා ගෙන යන Truth with Chamuditha යූ ටියුබ් නාලිකාවේ විකාශනය කළ බවත්, එම සාකච්ඡාව පැමිණිලිකරුට චෝදනා කිරීමට හා අපහාස කිරීමට යොදාගෙන ඇති බවත්, පැමිණිලිකරු සහ ඔහුගේ පුත් නීතිඥ රඛිත රාජපක්ෂ යන අය නීති විරෝධී ලෙස දූෂණ සහ අපරාධ සිදු කරන්නන් බව පෙන්වීම සඳහා චේතනාන්විතව සහ දැඩි අපහාසාත්මකව අවලාද කළ බවත් පැමිණිලිකරු ප්‍රකාශ කර ඇත.

විජයදාස රාජපක්ෂ මහතා වෙනුවෙන් නීතීඥ ජයමුදිතා ජයසූරිය මහතමියගේ උපදෙස් මත හරීෂ් රත්නසූරිය, හර්ෂ ලියනගේ, සුරාජ් වල්ගම, දසුන් නාගස්හේන යන නීතීඥ මහත්වරුන් සමඟ ජනාධිපති නීතීඥ ඉක්රාම් මොහමඩ් මහතා පෙනී සිටියේය.

මූලාශ්‍රය – ලංකාදීප

Continue Reading

පුවත්

ජොනී පොහොට්ටුවේ මෙහෙයුම් ප්‍රධානියා කරයි

Published

on

By

ශ්‍රී ලංකා පොදුජන පෙරමුණේ දේශපාලන බලමණ්ඩල රැස්වීමක් හිටපු ජනාධිපති මහින්ද රාජපක්ෂ මහතාගේ ප්‍රධානත්වයෙන් ඊයේ (09) ඒ මහතාගේ විජේරාම නිල නිවසේදී පැවැත්විණි.

එහි දී ශ්‍රී ලංකා පොදුජන පෙරමුණේ මෙහෙයුම් ප්‍රධානියා ලෙස ජොන්ස්ටන් ප්‍රනාන්දුව මහතාව පත් කර ඇතැයි වාර්තා වේ.

මෙම රැස්වීම සඳහා පොදුජන පෙරමුණේ ජාතික සංවිධායක, පාර්ලිමේන්තු මන්ත්‍රී නාමල් රාජපක්ෂ මහතා ඇතුළු දේශපාලන මණ්ඩලය සහභාගි වී තිබිණි.

Continue Reading
Advertisement

Trending

Copyright © 2023 Sri Lanka Mirror. All Rights Reserved