චීනය විසින් ශ්‍රී ලංකාවට ලබාදෙන ආධාර හා සිදුකරන ආයෝජන කිසිවිටෙකත් ආත්මාර්ථකාමී දේශපාලන වාසි අපේක්ෂා කරගෙන සිදුනොකරන බව එරට විදේශ අමාත්‍යාංශ ප්‍රකාශක – ජාඕ ලීජැයෑං මහතා පවසයි.
ඔහු මේ බව පැවසුවේ ඊයේ (28) දින බෙයිජිං අගනුවර පැවති මාධ්‍ය හමුවකට එක්වෙමිනි.
පසුගියදා ශ්‍රී ලංකා විදේශ කටයුතු අමාත්‍ය – අලි සබ්‍රි මහතා විසින් සිදුකරනු ලැබූ ප්‍රකාශයක් සම්බන්ධයෙන්ද ඔහු මෙහිදී ප්‍රතිචාර දක්වා තිබුණි.
සබ්‍රි මහතා ගේ ප්‍රකාශයද ඔහු මෙහිදී අගය කර තිබුණි.
