ජනාධිපති රනිල් වික්‍රමසිංහගේ පාර්ලිමේන්තු කටයුතු උපදේශක මහාචාර්ය ආශු මාරසිංහ මහතා විසින් මහ බැංකු අධිපති ආචාර්ය නන්දලාල් වීරසිංහ මහතා හට කොන්දේසි විරහිත කනගාටුව පළ කරන වීඩියෝවක් සමාජ මාධ්‍ය වල පළ වී තිබේ.
එම වීඩියෝවේ දැක්වෙන්නේ මහ බැංකු අධිපතිවරයා සම්බන්ධයෙන් සිදුකළ ප්‍රකාශය වැරදි බවත්, ඒ සම්බන්ධයෙන් කොන්දේසි විරහිත කනගාටුව පළ කරන බවත් මාරසිංහ මහතා පවසයි.
පසුගිය සතියේ දී රූපවාහිනි වැඩසටහනකට එක්වෙමින් මාරසිංහ මහතා පවසා සිටියේ මහ බැංකු අධිපතිවරයා මීළඟ ජනාධිපති අපේක්ෂකයා වීම සඳහා සූදානමින් සිටින බවත් ඊට අදාළ ප්‍රචාරක වැඩ කටයුතු දැනටමත් අරඹා ඇති බවත් ය.
