පුවත්
ඇමති කොම්පැණිවලින් ගහන ඉන්දීය සංගීත ගැන කසුකුසුවක්
ඉන්දීය සංගීතඥයන් ඇතුළත් අන්තර්ජාතික සංගීත සංදර්ශන මාලාවේ පළමුවැන්න ලෙස ශ්‍රී ලංකාවේ පැවැත්වීමට නියමිත සංගීත සංදර්ශනයේ සංවිධාන කටයුතු කරනු ලබන්නේ වක්‍රව මෙරට කැබිනට් අමාත්‍යවරයකුට අයත් සමාගම් විසින් බවට කසුකුසුවක් ආණ්ඩුවේ ඇමතිවරු අතර මතුව ඇතැයි වාර්තා වේ.
කෙසේවුවද, මේ සම්බන්ධයෙන් තොරතුරු හෙළි කිරීමට ප්‍රසංග සංගීත ක්ෂත්‍රයේ කිහිපදෙනෙකු පසුගිය දිනවල ජනපතිවරයා මුණ ගැසීමට උත්සාහ කර ඇතැයි ද පැවසේ.
ශ්‍රී ලංකාව, කැනඩාව සහ මැලේසියාව යන රටවල් තුන අතර මේ සංගීත සංදර්ශන මාලාව පැවැත්වෙන බව සංචාරක ඇමැති හරීන් ප්‍රනාන්දු මහතා ඊයේ (23) ෆේස්බුක් සටහනක් තබමින් සඳහන් කර තිබිණි.
“දේවා, හරිහරන්, මුරලි, ක්‍රිෂ්ණරාජ්, ශ්‍රීකාන්ත්, අනුරාධා, අජයක්‍රිෂ්ණා, පූජා, අල්කා, අජිත්, මනෝ, සත්‍යප්‍රකාශ්, දිවාකර් ඇතුළු ජනප්‍රිය කලාකරුවන් රැසක් මීට දායක වීමට නියමිතයි” යනුවෙන් ද ඔහු වැඩිදුරටත් එහි දක්වා තිබිණි.
ඇමතිවරයා පවසන්නේ, දේශීය රසිකයන්ට අමතරව විදේශීය සංචාරකයන් 2000 කට වැඩි පිරිසක්ද මෙම ප්‍රසංගයට සහභාගී වීමට නියමිත බවයි.
මේ අතර සංචාරක සංවර්ධන අධිකාරියේ සභාපති ප්‍රියන්ත ප්‍රනාන්දු මහතා පවසන්නේ ශ්‍රී ලංකා සංචාරක ව්‍යාපාරයේ 2023 වසරේ සංචාරක පැමිණීම් මිලියන 1.5 ඉක්මවනු ඇතැයි ගණන් බලා ඇති බවයි.
ඡායාරූපය – ඇමති හරීන්ගේ ෆේස්බුක් පෝස්ටුවෙන් උපුටා ගන්නා ලදී.
ෆ්‍රැන්සිස් පාප් වහන්සේගේ (උපත් නාමය ජෝර්ජ් මාරියෝ බර්ගොග්ලියෝ) ස්වර්ගස්ථ වීම පිළිබඳ ශ්‍රී ලංකා මහාබෝධි සංගමයේ සභාපති,ජපානයේ ප්‍රධාන සංඝනායක අති පූජ්‍ය බානගල උපතිස්ස නා හිමියෝ බලවත් ශෝකය ප්‍රකාශ කරති.
අවස්ථා කීපයකදීම මට හමුවූ ශුද්ධෝතම ප්‍රැන්සිස් පාප් වහන්සේ අතිශය නිහතමානී කමින් යුක්ත, ආගමික සහජීවනය පිළිබඳ ඉතාමත් ගැඹුරු දර්ශනයකින් යුත් දිළිඳු ජනයා කෙරෙහි මහා ආදරයකින් යුක්ත යේසුස් ක්‍රිස්තුස් වහන්සේගේ ගෞරවනීය ශ්‍රාවකයෙකි.
2015 දී ශුද්ධෝත්තම ප්‍රැන්සිස් පාප් වහන්සේ ශ්‍රී ලංකාවට වැඩම කළ අවස්ථාවේ දී මාලිගාකන්ද අග්‍රශ්‍රාවක මහාබෝධි විහාරයට සැපත්වීම උන් වහන්සේගේ ආගමික සහජීවනයේ කැපී පෙනුණු සිදුවීමක් විය.උන් වහන්සේ ඒ අවස්ථාවේ දී මා හට ප්‍රකාශ කළේ බෞද්ධ විහාරයකට සැපත් වූ ප්‍රථම පාප් වහන්සේ තමන් බවය.
උන් වහන්සේ 1936 දෙසැම්බර් 17 දින උපත ලැබීය. ජේසුස් වහන්සේගේ සමාජයෙන් (ජේසුයිට් නිකායෙන්) පාප් වහන්සේ ලෙස පත් වූ පළමු පාප් වහන්සේ ලෙසත් ඇමරිකාවෙන් බිහි වූ සහ 8 වන සියවසේ සිරියාවෙන් පත් වූ තුන්වන ග්‍රෙගරි පාප් වහන්සේ ගෙන් පසු යුරෝපයෙන් පිටත උපත ලැබූ හෝ හැදී වැඩී උත්තරීතර පාප් වහන්සේ තනතුරට පත් වූ පළමු පාප් වහන්සේ ලෙස ශුද්ධෝත්තම ප්‍රැන්සිස් පාප් වහන්සේ රෝමානු කතෝලික පල්ලියේ ඉතිහාසගත වූ චරිතය වේ.
සැබෑ කිතු දහම හා සාමය ලොව පුරා ප්‍රචලිත කිරීමට සිය ජීවිත කාලයම කැප කළ උන් වහන්සේට ස්වර්ග මෝක්ෂ සුවය ලැබේවායි අපි ප්‍රාර්ථනා කරමු යැයි බානගල උපතිස්ස නා හිමියෝ සිය ශෝක පණිවිඩයෙන් ප්‍රාර්ථනා කරති.
ඡායාරූපය – News1st
පාප් වහන්සේගේ දේහය පිළිබඳ අවසන් කටයුතු 26 වැනිදා
පාස්කු ප්‍රහාරය ගැන ජනාධිපති කොමිෂන් සභා වාර්තාව අධ්‍යයනයට පොලීසියෙන් විශේෂ කමිටුවක්
පාප් වහන්සේගේ ස්වර්ගස්ථ වීම පිළිබඳ ශ්‍රී ලංකා මහාබෝධි සංගමයේ ශෝකය
-
පුවත්7 days agoලංකාවේ නිෂ්පාදනය කරන බියර් ප්රමිතියට නැති බවට පැමිණිල්ලක්!
-
පුවත්1 week agoඇතුලට යන මීලඟ මැති ඇමතිවරුන්ගේ පෝලිම ගැන ජනපති දුන්න ඉඟිය
-
පුවත්3 days agoශිරන්ති රාජපක්ෂ දකුණු කොරියාව හොල්ලයි
-
විදෙස්6 days agoට්රම්ප්ගෙන් හාවඩ් විශ්වවිද්යාලයට තර්ජනයක්
-
පුවත්3 days agoපොලිස් බැකප් ගත්ත ටීචර්ට වැඩ වරදියි