ඇමෙරිකානු සෙනෙට් සභික ක්‍රිස් වෑන් හොලන් ශ්‍රී ලංකාවට පැමිණ තිබේ.
මේ පිළිබඳව X (ට්විටර්) සටහනක් එක්කරමින් මෙරට සිටින ඇමෙරිකානු තානාපතිනිය වන ජූලි චන්ග් මහත්මිය පවසා ඇත්තේ ශ්‍රී ලංකාවේ දීර්ඝ කාලීන් මිතුරෙකු හා දෙරට අතර බැඳීම ශක්තිමත් කිරීමට ඉතා වෙහෙස වූ වෑන් හොලන් මහතා පිළිගැනීමට ලැබීම ගෞරවයක් කොට සලකන බවයි.
මේ සතියේදී තමා හා වෑන් හොලන් මහතා විසින් ලංකාවේ ආර්ථික ප්‍රකෘතිය පිළිබඳව මෙන්ම වැඩිදියුණු කළ හවුල්කාරිත්වය සඳහා මාර්ග පිළිබඳ සාකච්ඡා කිරීමට හා ප්‍රජාතන්ත්‍රවාදී පරමාදර්ශයන් ආරක්ෂා කිරීම සඳහා ඒකාබද්ධ කැපවීම වර්ධනය කරන බවත් ඇය පවසයි.
වෑන් හොලන් මහතා ගේ පියා වන ක්‍රිස් වෑන් හොලන් (ජ්‍යෙෂ්ඨ) මහතා 1972 – 1976 දක්වා ලංකාවේ ඇමෙරිකානු තානාපතිවරයා ලෙස කටයුතු කර තිබේ.
