ඊශ්‍රායල හා ඉරානය අතර ඇතිව තිබෙන නොසන්සුන්කාරී වාතාවරණය පිළිබඳ විවාදය සඳහා වන යෝජනාව ඉදිරිපත් කිරීමට සමගි ජන බලවේගය මන්ත්‍රී අජිත් පී. පෙරේරා මහතා සභාගර්භයේ නොසිටීම හේතුවෙන් අද පාර්ලිමේන්තුවේ උණුසුම් තත්ත්වයක් ඇතිවිය.

ෆේස්බුක් සජීවී වීඩියෝවක් එක්කරමින් පෙරේරා මහතා පසුව පවසා තිබුණේ පාර්ලිමේන්තුවට පැමිණෙන අතරතුරේදී තමා ගේ වාහනය රිය අනතුරකට ලක්වීම හේතුවෙන් තමාට පාර්ලිමේන්තුවට පැමිණීමට විනාඩි 04ක පමණ ප්‍රමාදයක් සිදුවූ බවයි.

රිය අනතුරෙන් තමාට හෝ වෙනත් කිසිවෙකුට තුවාල නොවූ බවද ඔහු මෙහිදී පවසා තිබුණි.

මේ හේතුවෙන් ඉහත යෝජනාව ඉදිරිපත් කිරීමට නොහැකි වීම සම්බන්ධයෙන් කණගාටුව පළ කරන බවද ඔහු වැඩිදුරටත් පැවසීය.

සබැඳි පුවත් :

ශ්‍රී ලංකාවට එරෙහිව ගාල්ලේ පැවැත්වෙන පළමු ටෙස්ට් ක්‍රිකට් තරගයේ දෙවන දිනට අද (18) තරගය නතරකරන විට පළමු ඉනිම ක්‍රීඩාකරමින් සිටි බංග්ලාදේශය කඩුලු 9ක් දැවී ලකුණු 484ක් රැස්කරගෙන සිටියේය.

තරගයේ දෙවන දිනට අද (18) තරගය ආරම්භ කරන විට බංග්ලාදේශය කඩුලු 3ක් දැවී ලකුණු 292ක් රැස්කරගෙන ප්‍රබල තත්ත්වයක සිටියත්, මුලු ලකුණු 309ක් වනවිට ලකුණු 148ක් රැස්කරගෙන සිටි ශාන්ටෝ දැවී ගියයේය.

කෙසේ වෙතත් එම දවාගැනීමේ වාසි අත්කරගැනීමට ශ්‍රී ලංකාවට නොහැකි විය.

4වන කඩුල්ලට පිටියේ එක් වූ ලිටන් දාස්, ඒ වනවිට ලකුණු 110ක් රැස්කරගෙන සිට මුෂ්ෆිකර් රහීම් සමගින් එකව අගාන ලකුණු සබඳතාවක් ගොඩනැගූහ.

ඔවුන් දෙදෙනාට බංග්ලාදේශ ඉනිම මුලු ලකුණු 423ක් දක්වා ඉදිරියට රැගෙන යාමට හැකිවූහ.

කෙසේ වෙතත් රහීම් – දාස් 5වන කඩුල්ලට ලකුණු ලකුණු 114ක් සබඳතාවක් පවත්වාගෙන සිටියදී තරගයට වර්ෂාවෙන් බාධා එල්ල විය.

ඒ හේතුවෙන් තරගය බොහෝ වේලාවක් ප්‍රමාද වූ අතර, නැවත තරගය ආරම්භවීමේදී පෙර රිද්මයෙන් ඉනිම ගොඩනැගීමට රහීම් – දාස්ට නොහැකි විය.

වැස්සෙන් පසු බංග්ලාදේශ ඉනිමට ලකුණු 35ක් එක් වද්දී ලකුණු 163ක් රහීම් දාවී ගිය අතර, ඉන් ලකුණු 26ක් එකතුවද්දී තවත් කඩුලු 4ක් දවාගැනීමට ශ්‍රී ලංකාවට හැකිවිය.

මෙහිදී ලිටන් දාස්ගේ ඉනිම ලකුණු 90කට සීමා විය.

ශ්‍රී ලංකාව වෙනුවෙන් අසිත ප්‍රනාන්දු (3/80), මිලාන් රත්නායක (3/38) හා තරිඳු රත්නායක (3/196) කඩුලු 3 බැගින් දවාගත්තේය.

මුදල් විශුද්ධිකරණය වැළැක්වීමේ පනත යටතේ අත්අඩංගුවට ගැනීමෙන් අනතුරුව කොළඹ මහෙස්ත්‍රාත් අධිකරණය විසින් ඇප මත මුදා හරින ලද හිටපු අමාත්‍ය කෙහෙළිය රඹුක්වැල්ල, ඔහුගේ බිරිඳ සහ දියණිය ඇප කොන්දේසි සපුරාලීමට නොහැකිවීම හේතුවෙන් බන්ධනාගාර නිලධාරීන් විසින් ඔවුන් තිදෙනාව බන්ධනාගාරය වෙත රැගෙන ගොස් තිබේ.

——————–

කෙහෙළිය, බිරිඳ සහ දුවට ඇප (UPDATE)

අල්ලස් කොමිසම විසින් අත්අඩංගුවට ගන්නා ලද හිටපු අමාත්‍ය කෙහෙළිය රඹුක්වැල්ල මහතා,ඔහුගේ බිරිඳ සහ දියණිය ඇප මත මුදාහරින ලෙස කොළඹ ප්‍රධාන මහේස්ත්‍රාත් අධිකරණය විසින් නියම කරන ලදී.

(පෙර පුවත 2025 ජූනි 18 ප.ව.4.51 )

(පෙර පුවත 2025 ජූනි 18 ප.ව.4.24 )

කෙහෙළිය, බිරිඳ හා දියණිය අධිකරණයට රැගෙන එයි

මුදල් විශුද්ධිකරණය වැළැක්වීමේ පනත යටතේ සිදුකරන විමර්ශනයකට අදාළව අත්අඩංගුවට ගෙන තිබෙන හිටපු අමාත්‍ය කෙහෙළිය රඹුක්වැල්ල, ඔහුගේ බිරිඳ සහ දියණිය අල්ලස් කොමිසම විසින් කොළඹ මහෙස්ත්‍රාත් අධිකරණයට රැගෙන විත් තිබේ.

අද (18) දහවල් මොවුන්ගෙන් ප්‍රකාශයක් සටහන් කර ගැනීමෙන් අනතුරුව අල්ලස් කොමිසම විසින් මෙම අත්අඩංගුවට ගැනීම සිදුකර තිබුණි.

(පෙර පුවත 2025 ජූනි 18 ප.ව.2.10 )

කෙහෙළිය, බිරිඳ සහ දියණිය අල්ලස් කොමිසමෙන් අත්අඩංගුවට

හිටපු අමාත්‍ය කෙහෙළිය රඹුක්වැල්ල , ඔහුගේ බිරිඳ හා දියණිය අල්ලස් හෝ දුෂණ විමර්ශන කොමිෂන් සභාව මගින් අත්අඩංගුවට ගෙන තිබේ.

අද පෙරවරුවේ හිටපු අමාත්‍යවරයා ඇතුළු පිරිස අල්ලස් හෝ දුෂණ විමර්ශන කොමිෂන් සභාව වෙත පැමිණියේ ප්‍රකාශයක් ලබා දීම සඳහාය.

මෙලෙස කෙහෙළිය රඹුක්වැල්ල ඇතුළු තිදෙනා අත්අඩංගුවට ගෙන ඇත්තේ අයථා වත්කම් ඉපයීම සම්බන්ධයෙන් එල්ල වී ඇති චෝදනාවකටය.

(පෙර පුවත 2025 ජූනි 18 පෙ.ව.10.06 )

කෙහෙළිය අල්ලස් කොමිසමට පැමිණේ

ප්‍රකාශයක් ලබාදීම සඳහා හිටපු අමාත්‍ය කෙහෙළිය රඹුක්වැල්ල මහතා අද (18) උදෑසන අල්ලස් හා දුෂණ විමර්ශන කොමිසම වෙත පැමිණ තිබේ.