රට පුරා පිහිටා තිබෙන ආගමික සිද්ධස්ථාන සහ ඓතිහාසික ස්ථාන ආරක්ෂා කිරීමට රජය අධිෂ්ඨානශීලීව කැපවන බව ජනාධිපති රනිල් වික්‍රමසිංහ මහතා ඊයේ මහනුවරදී අවධාරණය කර තිබේ.
එමෙන්ම, උතුරු හා නැගෙනහිර පළාත්වල ඇතිවන ආගමික ගැටළුකාරී තත්ත්වයන්ට විසඳුම් සෙවීම අරමුණු කරගනිමින් ඒ ඒ පළාත්වල ආගමික නායකයින්ගේ ප්‍රධානත්වයෙන් කමිටු පිහිටුවන බව ජනාධිපතිවරයා වැඩිදුරටත් සඳහන් කළ බව ජනාධිපති මාධ්‍ය අංශය පවසයි.
ඊයේ දිනයේදී ජනපතිවරයා විසින් මල්වතු හා අස්ගිරි පාර්ශව වල මහනායකවරුන් බැහැදැක ආශිර්වාද ලබා ගත්තේය.
