අධිකරණ නියෝගයකට අවනතව කටයුතු නොකර රාජ්‍ය නිලධාරීන්ට බාධා පමුණුවා, ඇමතිවරයකුගේ ලිපියක් පෙන්නමින් බලපෑම් කළේ යැයි රක්ෂිත බන්ධනාගාර ගතව සිටි ගුරු විදුහල්පති එකමුතුවේ කැඳවුම්කරු උලපනේ සුමංගල හිමි, හිටපු නාගරික මන්ත්‍රීවරු දෙදෙනකු ඇතුළු පස් දෙනාට දැඩි කොන්දේසි මත ඇප නියම කිරීමට කොළඹ අතිරේක මහේස්ත්‍රාත් ප්‍රසාන් අමරසේන මහතා අද (26) නියෝග කළේය.
නරාහේන්පිට දාබරේ මාවතේ අනවසර පැල්පත් නිවාස හතකට නිකුත් කළ අධිකරණ නියෝග ක්‍රියාත්මක කිරීමේ දී ඊට විරෝධය පළකර බාධා කළේ යැයි චෝදනා ලබා නීතිඥවරුන් මාර්ගයෙන් පසුගිය 22 වැනිදා අධිකරණය ඉදිරියේ පෙනී සිටි මෙන්පසු බන්ධනාගාර ගත වූ උලපනේ සුමංගල හිමි, කොළඹ හිටපු නාගරික මන්ත්‍රී සුනන්ද ලියනපතිරණ, ඔහුගේ බිරිඳ වන හිටපු නාගරික මන්ත්‍රීනි දේවිකා මාතරආරච්චි, සමීර චතුරංග හා පුබුදු ලක්මාල් මෙසේ ඇප මත නිදහස් කෙරිණි.
පළවෙනි සැකකාර සමීර චතුරංගට රුපියල් ලක්ෂයක ශරීර ඇපයක් නියම කළ මහේස්ත්‍රාත්වරයා ස්වාමීන් වහන්සේ ඇතුළු සිසු සැකකරුවන්ට ලක්ෂ 2 බැගින් වූ ශරීර ඇප දෙක බැගින් නියම කෙළේය.
සාක්ෂිකරුවන්ට බලපෑම් කළහොත් ඇප අවලංගු කළර රක්ෂිත බන්ධනාගාර ගත කරන බවද සඳහන් කළේය.
