ඉති­හා­සයේ පළ­මු­ව­රට බ්‍රිතාන්‍ය රහස් බුද්ධි සේවයේ ප්‍රධා­නියා ලෙස කාන්තා­වක් පත් කර ඇතැයි විදෙස් මාධ්‍ය වාර්තා කර තිබේ. 

MI6 නමින් හඳු­න්වනු ලබන වසර 116ක දීර්ඝ ඉති­හා­ස­යක් හිමි එරට රහස් බුද්ධි සේවයේ නව ප්‍රධා­නියා ලෙස පත්කර ඇත්තේ බ්ලේස් මෙට්‍රි­වෙලි නමැති 47 හැවි­රිදි බුද්ධි නිල­ධා­රි­නි­යකි. 

වසර 1999 දී බ්‍රිතාන්‍ය රහස් බුද්ධි සේව­යට එක්වූ ඇය වර්ත­මා­නයේ තාක්ෂණ හා නවෝ­ත්පා­දන සම්බ­න්ධව කට­යුතු කර­මින් සිටින බවත්, වත්මන් ප්‍රධා­නියා වන ශ්‍රීමත් රිචඩ් මුවර් මේ වසර අග­භා­ග­යේදී ධුර­යෙන් සමු­ගැ­නී­මෙන් පසු එම තන­තු­රට ඇය පත්වනු ඇතැයි විදෙස් මාධ්‍ය සඳ­හන් කරයි.

බ්‍රිතාන්‍ය රහස් බුද්ධි සේවයේ කාර්ය­භා­රය ඉති­හා­සයේ පෙර නොවූ විරූ තරම් වැද­ගත් වූ අව­ස්ථා­වක ඇගේ පත්වීම ඓති­හා­සික බව අග­මැති ශ්‍රීමත් කීර් ස්ටාර්මර් ප්‍රකාශ කළ බව ද වාර්තා වේ. 

බ්‍රිතා­න්‍යයේ ජාතික ආර­ක්ෂා­වට සහ එරට ආර්ථික පැවැ­ත්මට සහාය වීම සඳහා විදේශ රට­ව­ලින් බුද්ධි තොර­තුරු එක්රැස් කිරීම බ්‍රිතාන්‍ය රහස් බුද්ධි සේවයේ ප්‍රධාන කාර්ය­භා­රය බව ද වාර්තා වේ.

ඊශ්‍රායලයේ රැකියා සඳහා ශ්‍රී ලාංකිකයින් යොමු කිරීම තාවකාලිකව නතරකර ඇති බව විදේශ කටයුතු සහ විදේශ රැකියා නියෝජ්‍ය අමාත්‍ය අරුන් හේමචන්ද්‍ර මහතා පවසයි.

ඊශ්‍රායලය සහ ඉරානය අතර පවතින යුධමය වාතාවරණය හේතුවෙන් මෙම තීරණය ගත් බව කොළඹ අද (16) කැඳවා තිබූ මාධ්‍ය හමුවකට එක්වෙමින් නියෝජ්‍ය අමාත්‍යවරයා සඳහන් කළේය.

ආරක්ෂිත පියවරක් ලෙස මෙම තීරණය ගත් බව විදේශ කටයුතු සහ විදේශ රැකියා නියෝජ්‍ය අමාත්‍ය අරුන් හේමචන්ද්‍ර මහතා පෙන්වා දුනි.

එහිදී වැඩිදුරටත් අදහස් දැක්වූ විදේශ කටයුතු සහ විදේශ රැකියා නියෝජ්‍ය අමාත්‍ය අරුන් හේමචන්ද්‍ර මහතා,

“විදේශ රැකියා සඳහා ඊශ්‍රායලයට යන එක තාවකාලිකව අත්හිටුවලා තියෙන්නේ. මේ පවතින තත්ත්වය එක්ක ඒ සම්බන්ධයෙන් ඉදිරි දින කිහිපය තුළ අපිට යම්කිසි තීරණයක් ගන්න පුළුවන් වේවී. විශේෂයෙන් ඊශ්‍රායල්වලත් ඉරාන්වලත් ඉන්න අපගේ ජනතාවට අපි කියන්න කැමතී තානාපති කාර්යාලයත් එක්ක සම්බන්ධතා පවත්වාගෙන යන්න. අවශ්‍ය දුරකථ අංක අපි ලබාදීලා තියෙනවා. ගැටලුකාරී තත්ත්වයක් තියෙනවානම් අපි එක්ක ඒ සම්බන්ධය හදාගන්න පුළුවන් කිසිම බාධාවක් නැහැ. අපේ ප්‍රමුඛත්වය අපේ පුරවැසියන්ගේ ආරක්ෂාව.”

(අරුණ)

ප්‍රංශයේ නීස්හි පැවැති තුන්වන එක්සත් ජාතීන්ගේ සාගර සමුළුවට සමගාමීව සංවිධානය කර තිබු උත්සවයකදී දියත් කරන ලද අභිලාෂ සහිත සහ ඵලදායී ගෝලීය ප්ලාස්ටික් ගිවිසුමක් අරමුණු කරගත් ඉහළ මට්ටමේ ඉල්ලීමක් වන “නීස් මුලපිරිමට” ශ්‍රී ලංකාව නිල වශයෙන් සම්බන්ධ වී ඇතැයි විදේශ කටයුතු, විදේශ රැකියා සහ සංචාරක අමාත්‍යාංශය පවසයි.

ගෝලීය ප්ලාස්ටික් ගිවිසුම පිළිබඳ ඉදිරියේදී පැවැත්වීමට නියමිත අන්තර් රාජ්‍ය සාකච්ඡා කමිටුවේ සැසියට පෙර ප්‍රංශය විසින් සත්කාරකත්වය දරන ලද මෙම උත්සවයට, ජාත්‍යන්තර නායකයින් සහ විශේෂඥයින් සහභාගී වුහ.
ගෝලීය ප්ලාස්ටික් නිෂ්පාදනය අවම කිරීම, හානිකර රසායනික ද්‍රව්‍ය තුරන් කිරීම, තිරසාර නිෂ්පාදන ප්‍රවර්ධනය කිරීම සහ දුෂකයා විසින් වන්දි ගෙවිය යුතුය යන මුලධර්මය හරහා ලබා ගන්නා මූල්‍ය සහාය ඇතුළුව ක්‍රියාත්මක කිරීමේ ඵලදායී ක්‍රම සහතික කිරීම කෙරෙහි විශේෂ අවධානයක් යොමු කරමින්, ප්ලාස්ටික් නිෂ්පාදනයේ සම්පූර්ණ ක්‍රියාවලිය පිළිබඳ අවධානය යොමු කරන ශක්තිමත් ජාත්‍යන්තර ගිවිසුමකට සහාය දෙන ලෙස “නීස් මුලපිරිම” රාජ්‍යයන්ගෙන් ඉල්ලා සිටියි.

මෙම මුලපිරීම අනුමත කිරීමට ශ්‍රී ලංකාව ගත් තීරණය, පාරිසරික තිරසාරභාවය සඳහා රටේ අඛණ්ඩ කැපවීම පිළිබිඹු කරන අතර ගෝලීය නිෂ්පාදන පාලනයන්, වැඩිදියුණු කළ නිෂ්පාදන සැලසුම් ප්‍රමිතීන් සහ ප්‍රධාන ක්‍රියාත්මක කිරීමේ මෙවලමක් ලෙස දීර්ඝ කළ නිෂ්පාදක වගකීම ප්‍රවර්ධනය කිරීම ඇතුළු එහි ප්‍රමුඛතා සමඟ සමීපව පෙළ ගැස්විය හැක.

මෙම අනුමැතියත් සමඟ, ගෝලීය ප්ලාස්ටික් අර්බුදයට මුහුණ දීම සඳහා කාලයත් සමඟ පරිණාමය වන නීත්‍යානුකූලව බැඳී ඇති, විද්‍යාව පදනම් කරගත් සහ අභිලාෂ සහිත ගිවිසුමක් ඇති කර ගැනීමට අධිෂ්ඨාන කරගෙන සිටින රටවල් එක්වී පිහිටුවන සන්ධානයකට ශ්‍රී ලංකාව එක්වෙයි.