Connect with us

පුවත්

කරෙයිනගර් බෝට්ටු අංගනය ප්‍රතිසංස්කරණය කිරීමට අවබෝධතා ගිවිසුමක්

Published

on

ශ්‍රී ලංකාවේ ඉන්දීය මහ කොමසාරිස් සන්තෝෂ් ජා මහතා සහ එවකට ඉන්දියාවේ ශ්‍රී ලංකා මහ කොමසාරිස් ක්ෂෙනුකා ධිරෙණි සෙනෙවිරත්න මහත්මිය ඉන්දීය රජයේ ශ්‍රී ලංකා රුපියල් මිලියන 290ක ප්‍රදානයක් යටතේ ශ්‍රී ලංකාවේ උතුරු පළාතේ කරෙයිනගර් බෝට්ටු අංගනය ප්‍රතිසංස්කරණය කිරීම සඳහා වන අවබෝධතා ගිවිසුමට 2024 දෙසැම්බර් 16දා අත්සන් තැබූහ.

මුදල්, ක්‍රම සම්පාදන සහ ආර්ථික සංවර්ධන අමාත්‍යාංශය යටතේ ස්ථාපිත, ධීවර, ජලජ සහ සාගර සම්පත් අමාත්‍යාංශය යටතේ ක්‍රියාත්මක සීමාසහිත සී නෝර් පදනම යටතේ පවතින කරෙයිනගර් බෝට්ටු අංගනය ප්‍රතිසංස්කරණය කිරීම මෙම ව්‍යාපෘතියේ අරමුණයි. මෙම ව්‍යාපෘතිය සිවිල් කටයුතු සහ යන්ත්‍රෝපකරණ, උපකරණ, අමුද්‍රව්‍ය සහ සේවා යනාදිය මිලදී ගැනීම ආවරණය කරනු ඇත. 

සම්පූර්ණයෙන්ම මෙහෙයුම් කටයුතු ඇරඹූ පසු ප්‍රතිසංස්කරණය කළ බෝට්ටු අංගනය දේශීය ධීවරයන් සඳහා ජීවනෝපාය අවස්ථාවන් ඉහළ නංවනු ඇති අතර බෝට්ටු අංගනය ආශ්‍රිතව ඉදිවන කුඩා පරිමාණ ව්‍යාපාර හේතුවෙන් විවිධ රැකියා අවස්ථාවන් ද නිර්මාණය කරනු ඇත.
ශ්‍රී ලංකාව සමඟ ඉන්දියාවේ සංවර්ධන සහයෝගීතා කළඹ ඇමරිකානු ඩොලර් බිලියන 5කට අධික අතර ඉන්දියාවේ ජනතා කේන්ද්‍රීය සංවර්ධන සහය ශ්‍රී ලංකාවේ දිස්ත්‍රික්ක 25 පුරාම සිටින ජනතාවගේ දෛනික ජීවිතයට සැලකිය යුතු ධනාත්මක වෙනසක් ඇති කරයි. නිවාස 41,000කට අධික සංඛ්‍යාවක් ඉදිකිරීම සහ නවීකරණය කිරීම, සංහිඳියා ව්‍යාපෘතියක් වශයෙන් යාපනයේ අති නවීන සංස්කෘතික මධ්‍යස්ථානයක් ඉදි කිරීම, කන්කසන්තුරය වරායේ අබලි ද්‍රව්‍ය ඉවත් කිරීම, යාපනයේ විවිධ පාසල් සහ රෝහල් ඉදිකිරීම සහ අලුත්වැඩියා කිරීම, තිරුකෙටීස්වරම් කෝවිල ප්‍රතිසංස්කරණය කිරීම, කෘෂිකාර්මික ප්‍රජාව සඳහා විශාල වශයෙන් සහයෝගය ලබාදීම සහ බෝට්ටු, දැල් ආම්පන්න, මෝටර්, අධි ශීතකරණ යනාදිය ලබාදෙමින් ධීවර ප්‍රජාවට සහයෝගය ලබා දීම උතුරු පළාත තුළ ක්‍රියාත්මක කරන ලද අනෙකුත් ප්‍රධාන ව්‍යාපෘතීන් අතරින් කිහිපයකි.

පුවත්

මර්වින් ඇතුළු පිරිස යළි රක්ෂිත බන්ධනාගාරයට

Published

on

By

හිටපු අමාත්‍ය මර්වින් සිල්වා ඇතුළු සිව් දෙනෙකු එළැඹෙන 05 වැනි දින දක්වා යළි රක්ෂිත බන්ධනාගාරගත කිරීමට නියෝග කර තිබේ.

ඒ ඔවුන් මහර මහෙස්ත්‍රාත් අධිකරණයට නියෝග කිරීමෙන් අනතුරුවය.

කිරිබත්ගොඩ පිහිටි ඉඩම් නඩු සිද්ධියට අදාළව ඔවුන් මෙලෙස රක්ෂිත බන්ධනාගාරගත කර ඇත.

කෙසේ වෙතත් මෙම සිද්ධියට අදාළ හිටපු අමාත්‍යවරයයෙකු වූ ප්‍රසන්න රණවීර මහතා තවමත් අත්අඩංගුවට ගැනීමට හැකි නොමැත.

ඒ අනුව හිටපු අමාත්‍යවරයාද අත්අඩංගුවට ගෙන එළැඹෙන 05 වැනි දින අධිකරණයට ඉදිරිපත් කරන ලෙසද මහර මහේස්ත්‍රාත්වරයා විසින් අපරාධ පරීක්ෂණ දෙපාර්තමේන්තුවට නියෝග කරන ලදී.

Continue Reading

පුවත්

පාප්වහන්සේ ස්වර්ගස්ථ වීම ගැන ජනපති හා විපක්ෂනායක ශෝක පණිවුඩ එක්කරයි

Published

on

By

ශුද්ධෝත්තම ෆ්‍රැන්සිස් පාප්වහන්සේ ස්වර්ගස්ථ වීම පිළිබඳ ජනාධිපති අනුර කුමාර දිසානායක මහතා සිය ශෝකය පළ කර තිබේ.

සිය නිල X ගිණුමේ සටහනක් තබමින් ජනාධිපතිවරයා සඳහන් කර ඇත්තේ, ශ්‍රී ලංකාවේ ජනතාව වෙනුවෙන් උන්වහන්සේගේ අභාවය පිළිබඳව තමාගේ හෘදයාංගම ශෝකය පළ කරන බවය.

සාමය, දයානුකම්පාව සහ මනුෂ්‍යත්වය සඳහා උන්වහන්සේගේ නොසැලෙන කැපවීම ලෝකය මත නොමැකෙන සලකුණක් තබා ඇති බව ද ජනාධිපතිවරයා තැබූ X සටහනේ වැඩිදුරටත් සඳහන් ය.

උන්වහන්සේගේ දයානුකම්පාව, යුක්තිය සහ අන්තර් ආගමික සහජීවනය පිළිබඳ උරුමය ඉදිරි පරම්පරාවන්ට ආදර්ශයක් ලබා දෙනු ඇති බව ද ජනාධිපති අනුර කුමාර දිසානායක මහතා තවදුරටත් පෙන්වා දී ඇත.

ෆ්‍රැන්සිස් පාප්වහන්සේ ස්වර්ගස්ථ වීම පිළිබඳ විපක්ෂ නායක සජිත් ප්‍රේමදාස මහතාද සිය ශෝකය පළ කර තිබේ.

සිය ෆේස්බුක් ගිණුමේ සටහනක් තබමින් විපක්ෂ නායකවරයා සඳහන් කර ඇත්තේ, පාප්වහන්සේගේ ස්වර්ගස්ථ වීම යහපත් ලොවක පැවැත්ම අපේක්ෂා කරනුන්ට බලවත් පාඩුවක් බවය.

විපක්ෂ නායකවරයාගේ සම්පූර්ණ ශෝක පණිවුඩය පහතින්

– උපුටා ගැනීම – 

“ක්‍රිස්තුස් වහන්සේ සිය අනුගාමිකයින්ට පෙන්වූයේ නපුර පිටු දකින්නටත් සියලු යහපත සඳහා ක්‍රියා කරන්නටත්ය. අති උතුම් ෆැන්සිස් පාප් වහන්සේ කිතු සමිඳුන් පෙන්වා දුන් මඟ මැනවින් හඳුනා ගනිමින් කතෝලික සභාවට ලබාදුන් නායකත්වය කතෝලික ප්‍රජාවට පමණක් නොව ලෝකවාසී සියලු ජනතාවට පරමාදර්ශයක් විය. උන්වහන්සේගේ ස්වර්ගස්ථ වීම යහපත් ලොවක පැවැත්ම අපේක්ෂා කරනුන්ට බලවත් පාඩුවකි. උන්වහන්සේගේ සරල ජීවිතය පෙන්නූ මඟ මැනවින් හඳුනා ගැනීම උන්වහන්සේට කළ හැකි සැබෑ ගෞරවයයි. සර්ගස්ථ වූ අති උතුම් ෆැන්සිස් පාප් වහන්සේට මොක්සුව ප්‍රාර්ථනා කරමු.”

– උපුටා ගැනීම අවසන් – 

Continue Reading

පුවත්

යුද හමුදා සෙබළුන් රැගත් බස් රථයක් ලොරියක ගැටෙයි

Published

on

By

නිට්ටඹුව – කිරිඳිවැල මාර්ගයේ මනමාල වංගුව ප්‍රදේශයේදී යුද හමුදා සෙබළුන් රැගත් බස් රථයක් ප්‍රතිවිරුද්ධ දෙසින් පැමිණි ලොරි රථයක ගැටී සිදුවූ අනතුරකින් සෙබළුන් 22 දෙනෙකු තුවාල ලබා වතුපිටිවල රෝහලට ඇතුළු කර ඇත. 

තුවාල ලැබු අය අතර බස් රථයේ ගමන් ගත් රියදුරු සිටින බව පොලීසිය පවසයි.

ඔවුන්ගෙන් 20 දෙනෙකු ප්‍රථිකාර ලබාගෙන පිටව ගොස් ඇති අතර රියදුරු සහ යුධ හමුදා සෙබළෙකු තවදුරටත් රෝහලේ ප්‍රථිකාර ලබයි.

අද (21) උදෑසන එම අනතුරු සිදුව ඇති බව පොලීසිය පවසයි.

ලොරි රථයේ රියදුරු අත්අඩංගුවට ගෙන ඇති අතර කිරිඳිවැල පොලිසිය වැඩිදුර විමර්ශන සිදුකරනු ලබයි.

ඡායාරූප – Accident 1st

Continue Reading
Advertisement

Trending

Copyright © 2023 Sri Lanka Mirror. All Rights Reserved