පුවත්

කළුතර මහාධිකරණයෙන් 08කට මරණ දඩුවම නියම කරයි

Published

on

වසර 2003දී තියුණු ආයුධවලින් කපාකොටා පුද්ගලයකු ඝාතනය කිරීම සම්බන්ධයෙන්  චෝදනා ලැබූ පුද්ගලයින් 08කු වරදකරුවන් කරමින් කළුතර මහාධිකරණ විනිසුරු ප්‍රදීප් අබේරත්න මහතා විසින් අද (27) මරණ දඩුවම නියම කර ඇත.

කළුතර දකුණ කලිල් පෙදෙසේ පදිංචිව සිටී සෙයියර් මොහොමඩ් ෆාරිස් නම් නැමැත්තා 2003 මාර්තු මස 24 දින හෝ ඊට ආසන්න දිනක තියුණු ආයුධවලින් පහරදී ඝාතනය කිරීම සම්බන්ධවෙන් අදාළ සැකකරුවන් 08කුට එරෙහිව නීතිපතිවරයා විසින් මහාධිකරණය ඉදිරියේ අධිචෝදනා ගොනුකොට තිබුණි.

කළුතර ,මහ හීනටියංගල ප්‍රදේශයේ  පදිංචි 46 හැව්රිදි  මොහොමඩ් සෙයින් මොහොමඩ් හම්සා , 49 හැව්රිදි  අබ්දුල් කරීම් මොහොමඩ් රවිස්දීන් , 59 හැව්රිදි  මොහොමඩ් මව්ස් මොහොමඩ් , 45 හැව්රිදි මොහොමඩ් රියාස්ඩීන් මොහොමඩ් , 47 හැව්රිදි මොහොමඩ් ජිෆ්රි මොහොමඩ් ජින්නා, 43 හැව්රිදි මොහොමඩ් ජිෆ්රි මොහොමඩ් පිරිදව්ස්, 44 හැව්රිදි මොහොමඩ් සාහීර් මොහොමඩ් සියාම්, 45 හැව්රිදි  මොහොමඩ් නිලාබ්දීන් මොහොමඩ් අජීල් යන අයවලුන්ට මෙසේ මරණ දඩුවම් නියම කෙරුණි.

වසර 20 කට ආසන්න දීර්ඝ නඩු විභාගයකින් පසු නඩු තීන්දුව ප්‍රකාශයට පත්කළ අතර, විශාල පිරිසක් කළුතර අධිකරණ භූමිය ඉදිරිපිට අද රැස්වී ඇත.

Trending

Exit mobile version