මත්කුඩු මිලිග්‍රැම් 120ක් සමග ගාල්ල කළුවැල්ල ප්‍රදේශයේ දි අත්අඩංගුවට ගත් යාචකයකු දෛනිකව රුපියල් අටදහසක, දසදහසක ආදායමක් උපයන බවට ඔහුගෙන් කළ ප්‍රශ්න කිරිමේ දි අනාවරණය වි ඇතැයි ගාල්ල පොලිසියේ දුෂණ මර්ධන අංශය පවසයි.
මෙම යාචකයා මත්කුඩු හා මත්පැන් පානයට ඇබ්බැහිවි සිටින හතලිස් දෙහැවිරිදිවියේ පසුවන අයෙකි.
ඔහුව අත්අඩංගුවට ගෙන ඇත්තේ මත්කුඩු පැකැට්ටුවක් සමග කළුවැල්ල දේශයේදීය.
සැකකරු යුධ හමුදාවේ සේවය කරමින් සිටියදි හදිසි අනතුරකට ලක්ව පාදයක් අහිමි වි ඇති අයෙකු බව පොලිසිය පවසයි.
යුධ හමුදාවෙන්ඉවත්ව ඇත්තේ ලක්ෂ 03කට වැඩි වන්දි මුදලක් ලබාගෙන බවද හෙළිව තිබේ.
මෙම යාචකයා දෛනික උපයන ආදායමෙන් රුපියල් තුන්දහසක මුදලක් බැංකු ගතකරණ බවත් දිනපතා ත්‍රි රෝද රථයකින් ගොස් නිති විරෝධි මත්පැන් පානය කරණ බවත් පොලිසිය විසින් මොහුගෙන් කරනු ලැබු ප්‍රශ්න කිරිමේ දි අනාවරණය වි ඇත.
සැකකරු මාතර ප්‍ර දේශයෙන් විවාහ වි ඇති අතර දරු දෙදෙනාට නඩත්තුව සදහා මාසිකව රුපියල් 10000ක මුදලක් ලබාදෙන බවද විමර්ශන වලදි අනාවරණය වි ඇත.
මොහු ලක්ෂ 80ක මුදලකට ඉඩමක් මිලදි ගෙන ඇති බවද පොලිසිය පවසයි.
මෙකි යාචකයා ගාල්ල නගරයේ පිහිටි ජනප්‍රිය පාසලක ඉගෙනුම ලබා ඇති අතර හදිසි අනතුරට ලක්වි පාදයේ ඇති වු අබාධයත් සමග සිගා කැමට යොමුවි ඇත.
ගාල්ල පොලිසියේ දුෂණ මර්ධන අංශයේ ස්ථානාධිපති පොලිස් පරික්ෂක මේරි නිමල්, පො සැ 43504 අබේතුංග, පො කො 67482 එදිරිසිංහ යන නිලධාරින් විසින් මෙම යාචකයා අත්අඩංගුවට ගෙන ඇත.
