කොල්ලුපිටිය දෙමහල් ගොඩනැඟිල්ලක පවත්වාගෙන ගිය ගණිකා නිවසක් වටලා සුරූපී තායි තරුණියන් දෙදෙනෙක් ඇතුළු පස් දෙනෙකු පානදුර වලාන මධ්‍යම දූෂණ මර්දන ප්‍රහාරක බළකාය විසින් අත්අඩංගුවට ගෙන තිබේ.
සෙසු සැකකරුවන් තිදෙනා අතර ඉහළ මිල ගණන්වලට ගණිකා සේවය සපයන මෙරට 24 හැවිරිදි සුරූපී තරුණියක්, එහි කළමනාකරු සහ මෙම ගණිකා නිවාසය මෙහෙයවූ යුද හමුදා හිටපු නිලධාරියෙකුද වේ.
දෙස් විදෙස් සුපිරි ධනවතුන් නිරතුරුවම මේ ස්ථානයට පැමිණ ඇති බවද මූලික පරීක්ෂණ වලද ී හෙලිව තිබේ.
ඉහළ මිල ගණන්වලට ගණිකා සේවය සපයන සුරූපී තරුණිය අත්අඩංගුවට පත්වන අවස්ථාවේදී ඇයගේ හත් හැවිරිදි දියණියද එම ස්ථානයේ සිටි බවද පොලිසිය කියයි.
උපාය දූතයා ස්ථානයට පිවිස රුපියල් දසදහසක මුදලකට කාන්තාවක් මිලදී ගෙන කාමරයකට පිවිසීමත් සමගම වලාන ඒකකයේ නිලධාරින් මෙම වැටලීම සිදුකර ඇත.
අත්අඩංගුවට පත් පස් දෙනා අතර සිටි තායි තරුණියන් දෙදෙනා සතුව විදෙස් ගමන් බලපත්‍ර පවා නොතිබූ බවද පොලිසිය සඳහන් කරයි.
අත්අඩංගුවට ගත් 24 හැවිරිදි ශ්‍රී ලාංකික තරුණිය රුපියල් කෝටි දහයක පමණ දේපළවලට හිමිකම් කියන තැනැත්තියක් බවත් ඇයගේ නමින් සුඛෝපභෝගී මෝටර් රථ තුනක්, පිලියන්දල ඉදිකරමින් පවතින තෙමහල් නිවසක්ද ඇතැයි පොලිස් විමර්ශනවලදී අනාවරණය වී තිබේ.
ඒ සම්බන්ධයෙන් සැකකාරියගෙන් සිදු කළ ප්‍රශ්න කිරීමේදී සඳහන් කර ඇත්තේ මෙම වත්කම් එම රැකියාවෙන්ම උපයා ගත් ඒවා බවය.
ඇය දිනකට පුද්ගලයින් පස් හය දෙනෙකුට සේවා ලබාදී රුපියල් එක්ලක්ෂ තිස් දහසක පමණ මුදලක් සොයාගන්නා බවද පොලිසිය හමුවේ පවසා ඇත.
එමෙන්ම සැකකාර 24 හැවිරිදි තරුණිය මෙම ගණිකා නිවාසය පවත්වාගෙන යන ස්ථානය අළුත්වැඩියා කරගැනීම සඳහා එහි කළමණාකරුට රුපියල් ලක්ෂ 35 ක ණය මුදලක් පවා ලබාදී තිබෙන බවද විමර්ශන මගින් හෙළිවී ඇත.
එහිදී අත්අඩංගුවට ගත් ප්‍රධාන සැකකරු වන යුද හමුදා නිලධාරියා අසනීප තත්ත්වයෙන් පෙළෙන බව පැවසූ බැවින් පොලිස් ආරක්ෂාව මධ්‍යයේ කොළඹ ජාතික රෝහල වෙත ඇතුළත් කර තිබේ.
කොල්ලුපිටිය පොලිස් බල ප්‍රදේශයේදී මෙම ගණිකා නිවාසය කාලයක පටන් කරගෙන ගොස් තිබෙන අතර කොල්ලුපිටිය පොලිසියේ උසස් නිලධාරීන්ගේ සහායද මේ සඳහා ලැබී ඇත.
වලාන දූෂන මර්දන ඒකකය පොලිසියටද රහසිගතව සිදුකළ මෙම වැටලීම සඳහා අධිකරණ සෝදිසි වරෙන්තුවක් ලබාගෙන තිබෙන අතර ඒබව කොල්ලුපිටිය ප්‍රදේශයේ බොහෝ ගණිකා නිවාස හා සම්භාහන මධ්‍යස්ථාන වෙත පණිවුඩ ලැබී ඇත.
එමෙන්ම අත්අඩංගුවට ගත් තායි තරුණියන්ගෙන් ප්‍රකාශ ලබාගැනීම සඳහා තායිලන්ත තානාපති කාර්යාලය හරහා භාෂා පරිවර්තකයෙකුගේ සහාය ලබා ගන්නා බවත් පොලිසිය කියයි.
