පුවත්
චොක්ලට් එකකින් මහපට ඇගිල්ලක කෑල්ලක්; සිද්ධිය අධිකරණයට
මහියංගනය මූලික රෝහලේ කාර්යමණ්ඩල සාමාජිකාවක් විසින් ම රෝහලේ ආපන ශාලාවෙන් මිලදී ගන්නා ලද Kandos K Super Nut Milk Choco එකක් තුළ තිබී මිනිස් සිරරකින් වෙන් වූ මහපට ඇගිල්ලක කොටසක් පසුගිය 05 වැනිදා දහවල් සොයාගෙන ඇත.
ඒ සම්බන්ධයෙන් මහියංගන සෞඛ්‍ය නිලධාරී කාර්යාලය දැනුවත් කිරීමෙන් පසුව මහියංගය සෞඛ්‍ය පරීක්ෂකවරුන්ගේ විශේෂ පරීක්ෂාවකට ලක් කර තිබේ.
මහජන සෞඛ්‍ය පරීක්ෂකවරු අදාළ ආපන ශාලාව පරීක්ෂා කිරීමෙන් පසුව එම නිෂ්පාදනයට අදාළ කාණ්ඩයේ අනෙකුත් චොක්ලට් නිෂ්පාදන ද සිය භාරයට ගෙන තිබේ.
එසේම මහියංගන නගරයේ සුපිරි වෙළෙඳ සැල්ද පරීක්ෂා කර අදාළ කාණ්ඩයේ චොක්ලට් සිය බාරයට ගෙන ඇති බව වාර්තා වේ.
මව්බිම පුවත්පත වාර්තා කර ඇත්තේ රෝහල් කාර්යමණ්ඩල සාමාජිකාව විසින් පසුගිය 03 වැනිදා අදාළ චොක්ලට් එක මිලදී ගෙන ඇති බවත්, එහි කොටසක් ආහාරයට ගෙන අනෙක් කොටස ශීතකරණයේ තබා පසුගිය 05 වැනිදා එය ආහාරයට ගත් අවස්ථාවේදී මේ ඇඟිලි කොටස හමුවූ බවයි.
සිද්ධියට අදාළ චොක්ලට් නිෂ්පාදන ආයතනය වන Ceylon Chocolates Limited ආයතනයට විරුද්ධව අද (07) මහියංගනය අධිකරණයට කරුණු වාර්තා කිරීමෙන් අනතුරුව නීතිමය පියවර ගැනීමට මහියංගනය සෞඛ්‍ය පරීක්ෂකවරු කටයුතු යොදා ඇතැයි වාර්තා වේ.
මේ සිද්ධිය සම්බන්ධයෙන් මහියංගන සෞඛ්‍ය වෛද්‍ය නිලධාරී වෛද්‍ය සහන් සමරවීර සහ මහියංගන සෞඛ්‍ය පරීක්ෂක චමින්ද රත්නායක ඇතුළු අමිල අබේසේකර හා සල්මන් ෆාරීස් යන මහජන සෞඛ්‍ය පරීක්ෂකවරු විසින් පරීක්ෂණ පවත්වා තිබිණි.
ඡායාරූප – සමාජ මාධ්‍යයෙන් උපුටා ගන්නා ලදී.
අල්ලස් කොමිසමෙන් රනිල්ට දින දෙයි
දේශබන්දුට අධිකරණයෙන් නියෝගයක්
මුළු ආණ්ඩුවක් එක්ක තනි මම රැම්බෝ වගේ (වීඩියෝ)
-
පුවත්6 days agoලංකාවේ නිෂ්පාදනය කරන බියර් ප්රමිතියට නැති බවට පැමිණිල්ලක්!
-
පුවත්1 week agoදිවයින පුරා රෝහල්වල ඖෂධ 190 ක හිඟයක්
-
පුවත්7 days agoඇතුලට යන මීලඟ මැති ඇමතිවරුන්ගේ පෝලිම ගැන ජනපති දුන්න ඉඟිය
-
පුවත්3 days agoශිරන්ති රාජපක්ෂ දකුණු කොරියාව හොල්ලයි
-
විදෙස්6 days agoට්රම්ප්ගෙන් හාවඩ් විශ්වවිද්යාලයට තර්ජනයක්