පුවත්

ජනාධිපතිවරණයට සියල්ල සූදානම්

Published

8 months ago

September 20, 2024

editor

නව වන විධායක ජනාධිපතිවරයා තෝරා පත් කර ගැනීමේ ජනාධිපතිවරණය හෙට (21) පැවැත්වීමට නියමිතව තිබේ.

ඒ, හෙට පෙරවරු 8:00 සිට සවස 4:00 දක්වා දිවයින පුරා ඡන්ද මධ්‍යස්ථාන 13,421කදී ය.

වැඩිම අපේක්ෂකයන් පිරිසක් තරග බිමට පිවිසි ජනාධිපතිවරණය ලෙස ඉතිහාසයට එක්වූ මෙවර මැතිවරණයට අපේක්ෂකයන් 38 දෙනෙක් ඉදිරිපත්ව සිටිති.

ඔවුන් අතරින් අභිනව ජනාධිපතිවරයා තෝරා පත් කර ගැනීමට ඡන්දදායකයන් එක්කෝටි හැත්තෑඑක් ලක්ෂයකට වැඩි පිරිසක් (171,40,354) සුදුසුකම් ලබා ඇති බව සඳහන්ය.

පරිශ්‍ර 49කදී ගණන් කිරීමේ මධ්‍යස්ථාන 1,713කදී පස්වරු 4:15 සිට ඡන්ද ගණන් කිරීම් ආරම්භ කරන බව මැතිවරණ කොමිෂන් සභාව සඳහන් කළේය.

මෙවර මැතිවරණයේ තැපැල් ඡන්දය භාවිත කිරීමට පසුගිය 4,5,11 සහ 12 යන දිනයන් ලබා දී තිබුණි.

පිළිගත් දේශපාලන පක්ෂ 22ක්, වෙනත් දේශපාලන පක්ෂ 1ක් සහ ස්වාධීන අපේක්ෂකයන් 16 දෙනෙකු ඇප මුදල් තැන්පත් කළ අතර ස්වාධීන අපේක්‍ෂකයෙකු වූ අයිඩෘස් මොහමදු ඉල්යාස් මහතා පසුගිය අගෝස්තු මස 22 වැනිදා අභාවප්‍රාප්ත විය.

හෙට (21) පැවැත්වෙන ජනාධිපතිවරණය සඳහා මේ වන විට සියලු කටයුතු සූදානම් වෙමින් පවතින අතර සියලුම ඡන්ද මධ්‍යස්ථානවල මැතිවරණයට අදාළ සකස් කිරීම් සිදුකෙරෙනු ඇත.

ඒ අනුව දැඩි පොලිස් ආරක්ෂාව යටතේ ජන්ද පෙට්ටි ඡන්ද මධ්‍යස්ථාන සඳහා යැවීමේ කටයුතුද අරඹා ඇති බව සඳහන්ය.

මේ අතර, මැතිවරණ කොමිෂන් සභාව විසින් දින දෙකක නිහඬ කාලයක් ප්‍රකාශයට පත් කර තිබේ.

කෙසේ වෙතත් සමාජ මාධ්‍ය ඔස්සේ තවදුරටත් ජනමතයට බලපෑම් සිදු කරමින් පවතින බවට මැතිවරණ නිරීක්ෂණ සංවිධාන පෙන්වා දෙයි.

පසුගිය 18 වැනිදා මධ්‍යම රාත්‍රී 12:00න් පසුව අපේක්ෂකයන් ප්‍රවර්ධනය කිරීම තහනම් කර තිබියදී දිගින් දිගට ම සමාජ මාධ්‍ය ඔස්සේ පක්ෂාග්‍රාහී පුවත් හුවමාරු වෙමින් තිබෙන බව ද එම සංවිධාන පෙන්වා දී ඇති බව සඳහන්ය.

පුවත්

හෙලිකොප්ටර් අනතුරෙන් මියගිය ගණන 6ක් දක්වා ඉහළට (UPDATE)

Published

27 minutes ago

May 9, 2025

editor

බෙල් 212 හෙලිකොප්ටර් අනතුරෙන් මියගිය ගණන 6ක් දක්වා ඉහළ ගොස් තිබේ.

එහිදී ගුවන් හමුදා හෙලිකොප්ටර් භටයින් දෙදෙනෙකු සහ හමුදා විශේෂ බළකායේ භටයින් 4 දෙනෙකු ජීවිතක්ෂයට පත්වී ඇති බව වාර්තා වෙයි.

(පෙර පුවත 2025 මැයි 09 පෙ.ව.11.26 )

බෙල් 212 අනතුරෙන් හමුදාවේ 5ක් මරුට

අද (09) උදෑසන හදිසි ගොඩබෑමකදී මාදුරුඔය ජලාශයට කඩාවැටුණු ගුවන් හමුදාවට අයත් බෙල් 212 හෙලිකොප්ටර් යානයේ සිටි හමුදා සාමාජිකයින් 5 දෙනෙකු මියගොස් තිබේ.

අදාළ හෙලිකොප්ටර් යානය මාදුරුඔය ජලාශයට කඩාවැටීමෙන් අනතුරු එහි ගමන්ගත් සියලුදෙනා බේරාගෙන රෝහල්ගත කර තිබුණි.

එහිදී ගුවන් හමුදා හෙලිකොප්ටර් භටයින් දෙදෙනෙකු සහ හමුදා විශේෂ බළකායේ භටයින් තිදෙනෙකු ජීවිතක්ෂයට පත්වී ඇති බව වාර්තා වෙයි.

මාදුරුඔය පීරා බෙල් 212 සොයන මෙහෙයුම… #Accident1st #bell212 #Helicopter #crashe #MaduruOya
Posted by Accident 1st on Thursday, May 8, 2025

(වීඩියෝ :Accident 1st)

(පෙර පුවත 2025 මැයි 09 පෙ.ව.10.10 )

හෙලිකොප්ටරයේ සිටි 12දෙනා බේරාගනී

මාදුරුඔය ජලාශයට කඩා වැටුණ ශ්‍රී ලංකා ගුවන් හමුදාවට අයත් බෙල් 212 වර්ගයේ හෙලිකොප්ටර් යානයේ ගමන්කල සියලු දෙනා බේරාගෙන තිබේ.

ගුවන් හමුදා මාධ්‍ය ප්‍රකාශක ගෲප් කැප්ටන් එරන්ද ගීගනගේ මහතා සඳහන් කළේ, හිඟුරක්ගොඩ ගුවන් හමුදා කඳවුරේ සිට මාඳුරු ඔය ප්‍රදේශයේ සංදර්ශනයකට පියසාර කරමින් සිටියදී එය කඩා වැටී ඇති බවය.

එහි ගුවන් නියමුවන් දෙදෙනා ඇතුළු පුද්ගලයින් 12 දෙනෙකු ගමන් කර තිබූ අතර ඔවුන් සියලුදෙනාම බේරාගත් බව ශ්‍රී ලංකා ගුවන් හමුදාව පැවසීය.

(පෙර පුවත 2025 මැයි 09 පෙ.ව.9.12 )

හෙලිකොප්ටර් යානයක් කඩා වැටේ

ශ්‍රී ලංකා ගුවන් හමුදාවට අයත් බෙල් 212 වර්ගයේ හෙලිකොප්ටර් යානයක් කඩාවැටී ඇති බව වාර්තා වේ.

හිඟුරක්ගොඩ ගුවන් හමුදා කඳවුරේ පුහුණු සැසියක් අතරතුර ගුවන් ගත වූ යානයක් මෙසේ කඩා වැටී ඇත.

එම යානය මාදුරුඔය ජලාශයට කඩා වැටී ඇති බවද තවදුරටත් වාර්තා වෙයි.