තලවතුගොඩ වැලිපාර ප්‍රදේශයේ සිදුවු වෙඩි තැබීමෙන් තුවාල ලැබූ වැලි පාරේ “දිනුක” නැමැත්තා මිය ගොස් තිබේ.
යතුරුපැදියකින් පැමිණි නාඳුනන පුද්ගලයින් දෙදෙනෙකු විසින් ඊයේ (20) රාත්‍රී 9.30 ට පමණ අදාළ ප්‍රදේශයේ නිවසක රැඳී සිටි අයෙකුට වෙඩිතබා පළාගොස් ඇති බව පොලීසිය පැවසීය.
වෙඩිවැදීමෙන් තුවාල ලැබු 41 හැවිරිදි පුද්ගලයා ශ්‍රී ජයවර්ධනපුර රෝහලට ඇතුළත් කිරිමෙන් පසු මියගොස් තිබේ.
වෙඩිතැබීමට සම්බන්ධ සැකකරුවන් අත්අඩංගුවට ගැනීම සඳහා තලංගම පොලීසිය විමර්ශන ආරම්භ කර ඇති බව පොලිස් මුලස්ථානය පැවසීය.
