මරදගහමුල දිවිනැගුම ධාන්‍යාගාර සංකීර්ණ ගොඩනැගිල්ල තුළ රජයට අයත් වාහන කිහිපයක් සඟවා තිබෙන බව දිවුලපිටිය පොලිස් ස්ථානයේ ස්ථානාධිපතිට ඊයේ (14) පෙරවරුවේදී ලැබුණු තොරතුරක් මත වී අලෙවි මණ්ඩලයේ නියෝජිතයක් ගෙන්වා එම වාහන පරීක්ෂාවට ලක් කර තිබේ.
වාහන පරික්ෂා කිරීමේ දී වී අලෙවි මණ්ඩලයේ නියෝජිතයා මාධ්‍යවේදීන්ට වීඩියෝ නොකරන ලෙසටද පවසා ඇත.
ඒ අනුව, මරදගහමුල දිවිනැගුම ධාන්‍යාගාර සංකීර්ණ ගොඩනැගිල්ල තුළ තිබී ඩිෆෙන්ඩර් රථයක්, ජිප් රථ දෙකක් සහ යතුරුපැදි දෙකක් සොයා ගැනීමට දිවුලපිටිය පොලිසිය සමත් වී තිබේ.
දිවුලපිටි පොලිස් ස්ථානයේ ස්ථානාධිපතිවරයා වී අලෙවි නියෝජිතවරියගෙන් විමසා සිටියේ, මෙම වාහන මෙතනට පැමිණියේ කෙදිනද යන බවත්, එයට පිළිතුරු දෙමින් එම නියෝජිතවරිය සඳහන් කළේ, 2021 වර්ෂයේදී මෙම වාහන මෙම ස්ථානයට ගෙන්වා ඇති බවය.
එවිට පොලිස් ස්ථානාධිපතිවරයා නියෝජිතියගෙන් විමසා සිටියේ, යතුරු පැදි දෙකක් සහ ජීප් රථ තුනක් පරීක්ෂා කිරීමේදී එම වාහන හොඳ තත්ත්වයේ පැවති බවත්, එම වාහන රජයේ භාවිතාවය සඳහා යොදා නොගන්නේ කුමන හේතූන් නිසාද යන බවය.
එහෙත් නියෝජිතවරිය පැවසුවේ, ජිප් රථ තුන සහ යතුර පැදි දෙකේ සුළු දෝෂ තිබෙන බවය.
ජීප් රථ තුන සහ යතුරුපැදි දෙකටාදාළ ලියකිවිලි පරීක්ෂා කිරීමේදී අනාවරණය වී ඇත්තේ මෙම වාහන වී අලෙවි මණ්ඩලයට අයත් ඒවා බවය.
