පුවත්
දළදා මාලිගාව තුළ ජායාරූප ගැනීමේ තහනම; මහින්ද, ගෝඨා, දෑල පිංතූර ගත්තෙ කොහොමද?
ඓතිහාසික ශ්‍රී දළදා මාලිගාව වැනි ඓතිහාසික වටිනාකමකින් යුත් සිතුවම් අන්තර්ගත වන බෞද්ධ සිද්ධස්ථාන තුළ ඡායාරූප ගැනීම තහනම් කර ඇත්තේ, ඒ සඳහා භාවිත කරන ආලෝක ධාරා මගින් සිතුවම්වලට හානි වන නිසා යැයි මධ්‍යම සංස්කෘතික අරමුදලේ අධ්‍යක්ෂ ජනරාල් මහාචාර්ය ගාමිණී සමරසිංහ මහතා කියා සිටී.
මාධ්‍ය වෙත අදහස් දක්වමින් ඒ මහතා පවසා ඇත්තේ පුරාවිද්‍යාත්මක අවශ්‍යතා වෙනුවෙන් එවැනි ස්ථානවල ඡායාරූප ගැනීමේදී ඒ සඳහා ආලෝකය අඩු කෙරෙන විශේෂිත ෆිල්ටර් යෙදූ කැමරා භාවිත කරන බවයි.
එසේ නොවුණහොත් එම ආලෝක ධාරාවලින්, ස්වභාවික අමුද්‍රව්‍යවලින් සිතුවම් කර ඇති චිත්‍රවලට වන හානි අති විශාල බවත්, හෙතෙම කියා සිටී.
දළඳා මාලිගාව තුළ ඡායාරූප ගැනීම සම්බන්ධයෙන් පුරාවිද්‍යා දෙපාර්තමේන්තුවට පුරාවිද්‍යා ආඥා පනත යටතේ ඇති බලතල අනුව ක්‍රියාත්මක විය හැකි අතර ඒ අනුව පුරාවිද්‍යා අධ්‍යක්ෂ ජනරාල්වරයා විසින් ඊට අදාළ ඉදිරි ක්‍රියාමාර්ග ගනු ඇති බවද මහාචාර්ය ගාමිණී සමරසිංහ මහතා පවසයි.
විවාහ ගිවිස ගත් යුවළක් ශ්‍රී දළදා මාලිගාව තුළ පූර්ව මංගල ඡායාරූප ගැනීම සම්බන්ධයෙන් ශ්‍රී දළදා මාලිගාවේ දියවඩන නිලමේ, ප්‍රදීප් නිලංග දෑල මහතා මේව විට පොලිසියට පැමිණිල්ලක් කර තිබේ.
එසේම, සිද්ධිය සම්බන්ධයෙන් තොරතුරු දැනගත් වහාම ඒ පිළිබඳව පොලිසියට දැනුම් දුන් බවත්, පොලිස් පරීක්ෂණවලින් අනතුරුව ඒ සම්බන්ධයෙන් ඉදිරි ක්‍රියාමාර්ග ගන්නා බවත් ඔහු කියා සිටී.
දළදා මැදුර තුළ හේවිසි මණ්ඩපය, අබරාව ඇතුළු ස්ථාන ගණනාවක මෙම යුවළ ඡායාරූපවලට පෙනී සිට ඇත.
කෙසේවුවද, මේ අතර එසේ දළදා මාලිගාව තුළ ඡායාරූප ගත් අදාළ යුවලට නීතිය ක්‍රියාත්මක කිරීමට සැරසෙන්නේ ඔවුන් ඡායාරූප ගැනීමේදී භාවිත කරන ලද ආලෝක ධාරා මගින් සිතුවම්වලට හානි සිදුව ඇතැයි යන නිගමය මත නම් මීට පෙර හිටපු ජනපතිවරු වන ගෝඨාභය රාජපක්ෂ හා පවුල, මහින්ද රාජපක්ෂ හා පවුල ඇතුළුව දියවඩන නිලමේ නිලංග දෑල බණ්ඩාර පෙනී සිටිමින් ගෙන ඇති ජායාරූපවලට නීතිය ක්‍රියාත්මක නොවන්නේ මන්දැයි අසමින් සමාජ මාධ්‍ය අතර කතිකාවක් පැතිර තිබේ.
ප්‍රදේශ කිහිපයකට වැසි
තායි අගමැතිනියගේ ධූරය අත්හිටුවයි!
IMF ණය පහසුකමේ 4 වැනි සමාලෝචනයට විධායක මණ්ඩලයේ අනුමැතිය
-
පුවත්6 days agoමහරගම CIB Big City බොන වතුර බෝතලේත් වැඩි මිලට විකුණා මිලියනයක් දඩකයි
-
පුවත්5 days agoමහජන බැංකුව කෝටි 9ක් හොරා කාලා; විමර්ශනයක් කරන්නැයි CIDයට අධිකරණයෙන් නියෝග
-
පුවත්1 week agoපොලිස් ලොක්කෝ දෙකකගේ වත්කම් විමර්ශනයට
-
පුවත්1 week ago‘පොල්’ දෙසතිය යාපනයෙන් ඇරඹේ
-
පුවත්3 days agoලංකාවේ විශාලතම විදේශ සෘජු ආයෝජන ව්යාපෘතියත් කතාවලට සීමා වෙලා