මහනුවර සහ පේරාදෙණිය අතර දුම්රිය ධාවනය තාවකාලිකව අත්හිටුවා තිබේ.

ඒ මහනුවර උසාවිය අසල දුම්රිය මාර්ගයේ ගිලාබැසීමක් හේතුවෙන්ය.

හිටපු ජනාධිපති රනිල් වික්‍රමසිංහ මහතාට අද (11) දිනයේ අපරාධ පරීක්ෂණ දෙපාර්තමේන්තුව හමුවේ පෙනී සිටින ලෙස දැනුම් දී තිබේ.

හිටපු සෞඛ්‍ය අමාත්‍ය කෙහෙළිය රඹුක්වැල්ල මහතා සිදුකළ පැමිණිල්ලකට අදාළව ප්‍රකාශයක් ලබාදීම සඳහා මෙම කැඳවීම සිදුකර ඇති බව වාර්තා වේ.

මෙරටට ඖෂධ ගෙන්වීමට අදාළව කෙහෙළිය රඹුක්වැල්ල මහතා විසින් අපරාධ පරීක්ෂණ දෙපාර්තමේන්තුවට පැමිණිල්ලක් ඉදිරිපත් කර ඇති අතර ඊට අදාළව පසුගිය රජයේ මැති ඇමතිවරුන් කිහිපදෙනෙකු අපරාධ පරීක්ෂණ දෙපාර්තමේන්තුව හමුවේ ප්‍රකාශ ලබාදෙනු ලැබීය.

කැබිනට් මණ්ඩලයේ සාමූහික වගකීමට අදාළව එම සිද්ධිය සම්බන්ධයෙන් හිටපු ජනාධිපති රනිල් වික්‍රමසිංහ මහතාගෙන් ප්‍රකාශයක් ලබා ගැනීමට නියමිත බව අපරාධ පරීක්ෂණ දෙපාර්තමේන්තු ආරංචි මාර්ග සඳහන් කළේය.

සබැඳි පුවත්

මරදන්කඩවල ප්‍රදේශයේදී පසුගිය මාර්තු මාසයේ දී අනතුරට ලක්වීමෙන් පසුව අතුරුදන්ව සිටි සුමේධ ඇතා මාස තුනකට පමණ පසුව මින්නේරිය ජාතික වනෝද්‍යානය තුළ පිහිටි පදුපොළ තොටුපළ ආශ්‍රිතව සැරිසරන ආකාරය එහි සංචාරය කළ පුද්ගලයෙකු සිය ජංගම දුරකථනයෙන් පටිගත කරගෙන තිබේ.

අනතුරින් පසුව සුමේධ ඇතාට එක් දළයක් අහිමි වී තිබුණි.

කෙසේවෙතත් මෙම දර්ශන අනුව සුමේධ ඇතා එක් දළයක් අහිමිවීමෙන් අනතුරුව තනි ධලයෙන් ඉතා නිරෝගීව සිටින බව වනජීවි නිළධාරීන් පවසා ඇත.

පොළොන්නරුව දිස්ත්‍රික්කයට අයත් මින්නේරිය ජාතික වන උද්‍යානය හා කවුඩුල්ල ජාතික වන උද්‍යානය සිය නිජබිම කරගනිමින් සුමේධ ඇතා සැරිසරමින් සිටි.

Video Credit – Chathuranga Kulathunga