මුහුදුබඩ සහ හලාවත දුම්රිය මාර්ගයේ දුම්රිය ධාවනයට බාධා එල්ල වී තිබේ.
අලුත්ගම සිට පැමිණි දුම්රියක් අද (03) පෙරවරුවේ රත්මලාන දුම්රිය ස්ථානය ආසන්නයේ දී කාර්මික දෝෂයකට ලක්ව ඇති බැවින් මුහුදු බඩ දුම්රිය මාර්ගයේ දුම්රිය ධානය ප්‍රමාද වී ධාවනය වන බව දුම්රිය දෙපාර්තමේන්තුව පවසයි.
එමෙන්ම මීගමුව දුම්රිය ස්ථානයේ ඇතිවූ සංඥා දෝෂයක් හේතුවෙන් හලාවත මාර්ගයේ දුම්රිය ධාවනයට ද බාධා එල්ල වී තිබෙන බව සඳහන්ය.
මේ හේතුවෙන් හලාවත දුම්රිය මාර්ගයේ ද දුම්රිය ධාවනය ප්‍රමාද විය හැකි බව එම දෙපාර්තමේන්තුව සඳහන් කරයි.
