Connect with us

පුවත්

මහමැතිවරණ කටයුතුවලට බැසිල් ලංකාවට (Update)

Published

on

අද (20) උදෑසන විදේශගත වූ හිටපු මුදල් අමාත්‍ය බැසිල් රාජපක්ෂ මහතා මහමැතිවරණ කටයුතු මෙහෙයවීම සඳහා ඉතා කඩිනමින් දිවයිනට පැමිණෙනු ඇති බව ශ්‍රී ලංකා පොදුජන පෙරමුණ පවසයි.

මේ සම්බන්ධයෙන් අදහස් පළ කරමින් පක්ෂයේ මහලේකම් නීතිඥ සාගර කාරියවසම් මහතා ප්‍රකාශ කළේ, වෛද්‍ය පරීක්ෂණයක් හේතුවෙන් බැසිල් රාජපක්ෂ මහතා විදේශ ගත වූ බවය.

”බැසිල් රාජපක්ෂ ඇමතිතුමාට ඔහුගේ වෛද්‍ය පරීක්ෂණ සඳහා විදේශගත වෙන්න නියමිතව තිබුනේ මිට සති කිහිපයකට පෙර. එත් පක්ෂයේ ජනාධිපති අපේක්ෂක නාමල් රාජපක්ෂ ගේ මැතිවරණ කටයුතු වෙනුවෙන් ඔහු අවසන් මොහොත දක්වාම දිවා රාත්‍රී නොබලා වැඩකලා. ඔහු විදේශගතවන බව පක්ෂයට දැනුම් දීලයි තිබුනේ..

වෛද්‍ය පරීක්ෂණවලින් පසුව, ඉදිරි මහ මැතිවරණය මෙහෙයවීමට බැසිල් රාජපක්ෂ ඇමතිතුමා ඉක්මනින්ම එනවා.”

මේ අතර නාමල් රාජපක්ෂ මහතාගේ දරුවන් දෙදෙනා ඔහුගේ නැන්දනිය හා මාමණ්ඩිය සමග අද (20) උදෑසන විදේශගතව ඇතැයි ඇතැම් සමාජ මාධ්‍යවල පලවන වාර්තා මුළුමනින්ම අසත්‍ය බව සාගර කාරියවසම් මහතා ප්‍රකාශ කළේය.

නාමල් රාජපක්ෂ මහතා අද පෙරවරුවේ සිය පවුලේ සාමාජිකයින් සමග කතරගම කිරි වෙහෙරේ ආගමික කටයුතු සඳහා සහභාගී ඇති බව ද ඔහු වැඩිදුරටත් කියා සිටියේය.

සබැඳි පුවත්

ගෝඨාභයත් රටින් පිට වෙලා

බැසිල් ඡන්දය නොදාම රට යයි!

———————————————————————

(පෙර පුවත : 2024 සැප්තැම්බර් 20 ප.ව. 3:37)

නාමල්ගේ නැන්දම්මත් රට පැනලා

ජනාධිපති අපේක්ෂක නාමල් රාජපක්ෂ මහතාගේ නැන්දම්මා (බිරිඳගේ මව), දරු දෙදෙනා, සේවිකාවන් දෙදෙනෙකු සහ තවත් නෑදෑ කාන්තාවක් අද දින උදෑසන කටුනායක ගුවන් තොටුපොළ “සේද මාවත ” (Silk Route ) පර්යන්තය ඔස්සේ ඩුබායි බලා පිටත්ව ගොස් තිබේ.

මෙම තොරතුර කටුනායක ගුවන් තොටුපොළ අංශ කීපයකම නිලධාරීන් සනාථ කර තිබේ.

මෙම පිරිස අද දින උදෑසන 10.05 ට ඩුබායි බලා පිටත්ව ගිය එමිරේට්ස් ගුවන් සේවයේ EK – 651 දරන ගුවන් යානයෙන් කටුනායක ගුවන් තොටුපොළෙන් පිටත්ව ගොස් තිබේ.

එක් ගුවන් මගියෙකුට ඇමෙරිකානු ඩොලර් 52 බැගින් අය කරන සේද මාවත පර්යන්තය ඔස්සේ ඔවුන් අදාළ ගුවන් යානය වෙත පිවිස තිබේ.

ඇමෙරිකාව වෙත ශ්‍රී ලංකාවේ සිට ඍජු ගුවන් ගමන් සේවා ක්‍රියාත්මක නොවන අතර මොවුන් ද ඩුබායි වෙත ගොස් බොහෝ විට ඇමෙරිකාව බලා පිටත්ව යාමට සැළසුම් කර ඇති බව කටුනායක ගුවන් තොටුපොළ ආරංචි මාර්ග පැවසීය.

පුවත්

හෙලිකොප්ටරයේ සිටි 12දෙනා බේරාගනී (UPDATE)

Published

on

By

මාදුරුඔය ජලාශයට කඩා වැටුණ ශ්‍රී ලංකා ගුවන් හමුදාවට අයත් බෙල් 212 වර්ගයේ හෙලිකොප්ටර් යානයේ ගමන්කල සියලු දෙනා බේරාගෙන තිබේ.

ගුවන් හමුදා මාධ්‍ය ප්‍රකාශක ගෲප් කැප්ටන් එරන්ද ගීගනගේ මහතා සඳහන් කළේ, හිඟුරක්ගොඩ ගුවන් හමුදා කඳවුරේ සිට මාඳුරු ඔය ප්‍රදේශයේ සංදර්ශනයකට  පියසාර කරමින් සිටියදී එය කඩා වැටී ඇති බවය.

එහි ගුවන් නියමුවන් දෙදෙනා ඇතුළු පුද්ගලයින් 12 දෙනෙකු ගමන් කර තිබූ අතර ඔවුන් සියලුදෙනාම බේරාගත් බව ශ්‍රී ලංකා ගුවන් හමුදාව පැවසීය. 


(පෙර පුවත 2025 මැයි 09 පෙ.ව.9.12 )

හෙලිකොප්ටර් යානයක් කඩා වැටේ

ශ්‍රී ලංකා ගුවන් හමුදාවට අයත් බෙල් 212 වර්ගයේ හෙලිකොප්ටර් යානයක් කඩාවැටී ඇති බව වාර්තා වේ.

හිඟුරක්ගොඩ ගුවන් හමුදා කඳවුරේ පුහුණු සැසියක් අතරතුර ගුවන් ගත වූ යානයක් මෙසේ කඩා වැටී ඇත.

එම යානය මාදුරුඔය ජලාශයට කඩා වැටී ඇති බවද තවදුරටත් වාර්තා වෙයි.

Continue Reading

පුවත්

අද පාර්ලිමේන්තුව (සජීවී විකාශය)

Published

on

By

කථානායකවරයාගේ ප්‍රධානත්වයෙන් අද (09) පාර්ලිමේන්තු කටයුතු ආරම්භ කර තිබේ.

මැයි මස පළමුවැනි රැස්වීම් සතියේ දෙවැනි රැස්වීම් දිනය ලෙස අද (09) පෙ.ව. 9.30ට පාර්ලිමේන්තුව රැස්විය.

අද  පෙ.ව. 9.30 – පෙ.ව. 10.00 කාලය ස්ථාවර නියෝග 22හි 1 සිට 6 දක්වා සඳහන් පාර්ලිමේන්තු කටයුතු සඳහා වෙන්කර ඇත.

පෙ.ව. 10.00 – පෙ.ව. 11.00 කාලය වාචික පිළිතුරු අපේක්ෂා කරන ප්‍රශ්න සඳහා වෙන් කර ඇති අතර,

පෙ.ව. 11.00 – 11.30 කාලය ස්ථාවර නියෝග 27(2) යටතේ ප්‍රශ්න සඳහා වෙන්කර තිබේ.

පෙ.ව. 11.30 සිට  ‍ප.ව. 5.00 දක්වා පෞද්ගලික මන්ත්‍රීවරයන්ගේ යෝජනා 6ක් විවාද කිරීම සඳහා කාලය වෙන් කර තිබේ.

  1. පාර්ලිමේන්තු මන්ත්‍රී හේෂා විතානගේ මහතා විසින්  ඉදිරිපත් කරනු ලබන ශ්‍රී ලංකා පාර්ලිමේන්තුව නියෝජනය කරන මහජන නියෝජිතයන්, හිටපු රාජ්‍ය නායකයින් හා එම වැන්දඹුවන් භුක්ති විදින වරප්‍රසාද සුදුසු පරිදි කප්පාදු කිරීමට අදාළ යෝජනාව
  2. පාර්ලිමේන්තු මන්ත්‍රී රෝහණ බණ්ඩාර මහතා විසින් ඉදිරිපත් කරනු ලබන අත්‍යාවශ්‍ය ආහාර ද්‍රව්‍ය ආනයනය කිරීම සහ බෙදා හැරීම සඳහා රාජ්‍ය අංශයේ මැදිහත්වීම ඉහළ නැංවීමේ වැඩසටහනක් සකස් කිරීමට අදාළ යෝජනාව
  3. පාර්ලිමේන්තු මන්ත්‍රී චමින්ද විජේසිරි මහතා විසින්  ඉදිරිපත් කරනු ලබන විගණන වාර්තා මගින් ලබා දෙන නිර්දේශ ක්‍රියාත්මක කිරීම සඳහා වැඩසටහනක් සකස් කිරීමට අදාළ යෝජනාව
  4. පාර්ලිමේන්තු මන්ත්‍රී රවි කරුණානායක මහතා විසින් ඉදිරිපත් කරනු ලබන ශ්‍රී ලංකාවේ සෑම පවුලකටම ජීවත්වීමට නිවසක් ලබාදීමට අදාළ යෝජනාව
  5. පාර්ලිමේන්තු මන්ත්‍රී රවීන්ද්‍ර බණ්ඩාර මහතා විසින් ඉදිරිපත් කරනු ලබන පොදු ප්‍රවාහන ප්‍රමිතීන්ට අනුකූල බස්රථ පමණක් මෙරටට ගෙන්වීමට අදාළ නීති සකස් කිරීම පිළිබඳ යෝජනාව
  6. පාර්ලිමේන්තු මන්ත්‍රී ලාල් ප්‍රේමනාත් මහතා විසින් ඉදිරිපත් කරනු ලබන “සංවර්ධන යෝජනා” නමින් ශ්‍රී ලංකාව තුළ මේ දක්වා ඉදිකර ඇති එහෙත් කිසිදු ප්‍රයෝජනයකට නොගන්නා ලද සියලුම ගොඩනැගිලි මහජන ප්‍රයෝජනය සඳහා යොදා ගැනීම සඳහා කටයුතු කිරීමට අදාළ යෝජනාව මෙදින විවාදයට ගැනීමට ද මෙහිදී තීරණය වී ඇත.

ප.ව. 5.00 සිට ප.ව. 5.30 දක්වා සභාව කල්තබන අවස්ථාවේ ප්‍රශ්න දෙකක් සඳහා කාලය වෙන්කර තිබේ.

Continue Reading

පුවත්

අනුර ආව ජෙට් එකට හරියටම ගෙව්වේ කවුද ?

Published

on

By

වියට්නාමයේ සංචාරය නිමවා ජනාධිපති අනුර කුමාර දිසානායක පැමිණි ජෙට් යානය සම්බන්ධයෙන් ආණ්ඩුව පරස්පර විරෝධී ප්‍රකාශ කරන බව සමගි ජන බලවේගයේ කොළඹ දිස්ත්‍රික් මන්ත්‍රි හර්ෂණ රාජකරුණා පාර්ලිමේන්තුවේ දී ඊයේ ( 08 වැනිදා ) පැවසීය.

මන්ත්‍රිවරයා මේ බව සඳහන් කළේ එම ජෙට් යානය සම්බන්ධයෙන් ඇති වූ සංවාදයේ දී විදේශ ඇමැති විජිත හේරත් විසින් කරන ලද ප්‍රකාශයක් අනුව ය.

මන්ත්‍රි හර්ෂණ රාජකරුණා

වියට්නාම සංචාරය නිමවා ජනාධිපතිතුමා පැමිණියේ ජෙට් යානයකින්. ඒ සඳහා වියදම් කළේ කවුද කියලා පැහැදිලි කිරීමක් කරන්න.

විදේශ ඇමැතිවරයා

ජනාධිපතිවරයා ඒ සංචාරයට එක් වුණේ වියට්නාම ජනාධිපතිවරයාගේ නිල ආරාධනයකට හා එක්සත් ජාතීන්ගේ සංගමයේ වෙසක් උළෙලට. වෙසක් උළෙලෙන් පසුව එක්සත් ජාතීන්ගේ සංවිධානයේ බෞද්ධ සංගමය විශේෂ ගුවන් යානයක් අපට සැපයුවා. අපේ ටිකට් වියදමත් නැහැ. යාමට ගිය වියදම විතරයි ආණ්ඩුවෙන් දැරුවෙ.

මන්ත්‍රිවරයා

ඒ ජෙට් යානයට වියදම වියට්නාම රජය දැරුවා කියලා මුලින් කියලා තිබුණා. දැන් වෙන කතාවක් කියනවා. දැන් ඒ ගැනත් ගැටලුවක් මතු වෙනවා. වියට්නාම රජය නෙමෙයිනෙ වියදම දරලා තියෙන්නෙ. රජයෙන් කළ ආරාධනාවක් අනුව ගියා නම් හදිසියෙ ඡන්දෙ දාන්න එන්න අවශ්‍ය වුණා නම් රජය නෙමෙයි ද වියදම දැරිය යුතු වන්නේ.

ඇමැතිවරයා

කරුණු වරද්දගන්න එපා. උත්සව දෙකක්. ජනාධිපති නිල ආරාධනාව. අනෙක් එක එක්සත් ජාතින්ගේ වෙසක් උළෙල.වෙසක් උළෙලට වියදම් දරන්නෙ සංවිධාන කමිටුව.

මන්ත්‍රිවරයා

මම අහන්නේ ජෙට් එකට කළ වියදම ගැනයි.

ඇමැතිවරයා

රජයත් බෞද්ධ සංවිධාන කමිටුවත් ඒකාබද්ධවයි වියදම් කළේ.

මන්ත්‍රිවරයා

දැන් කියන්නෙ පරස්පර විරෝධී කතාවක්. මම අහන්නෙ පෞද්ගලික ජෙට් එකකින් ආවේ. වියදම් කළේ කවුද කියලා. බෞද්ධ සංගමය කියලා දැන් කියනවා.

ඇමැතිවරයා

මම පැහැදිලි කළා. උත්සව දෙකක්. රාජ්‍ය තාන්ත්‍රික උත්සවයට හා වෙසක් උත්සවයට රජයයි එක්සත් ජාතීන්ගේ සංවිධානයේ බෞද්ධ සංගමයයි ඒකාබද්ධවයි වියදම් දැරුවෙ.

කොළඹ දිස්ත්‍රික් මන්‍ත්‍රි සමන්මලී ගුණසිංහ (ජා ජ බ)

හිටපු ජනාධිපතිවරයා විදෙස් ගමන්වලට රුපියල් බිලියන් ගණන් වැය කරද්දි මේ අය කොහෙද හිටියෙ. 

මූලාශ්‍රය – අරුණ

Continue Reading
Advertisement

Trending

Copyright © 2023 Sri Lanka Mirror. All Rights Reserved